ශ්‍රී ලංකා හිටපු සුපිරි තුන් ඉරියව් ක්‍රිකට් ක්‍රීඩක තිලකරත්න ඩිල්ශාන් ඕස්ට්‍රේලියානු අන්තර් සමාජ ක්‍රිකට් තරගයකට ක්‍රීඩා කරමින් එහි දී කැපී පෙනෙන තුන් ඉරියව් දස්කම් දක්වා තිබෙනවා. ඒ ඕස්ට්‍රේලියාවේ Casey-South Melbourne සහ Dandenong ක්‍රිකට් සමාජ අතර ඊයේ (11) පැවති ක්‍රිකට් තරගයක් සඳහා සහභාගී වෙමින්.
එහි දී Casey-South Melbourne නියෝජනය කළ ඩිල්ශාන් 4 පහර 6ක් සහ එක් 6 පහරක් එල්ල කරමින් පන්දු 42ක දී ලකුණු 53ක් ලබාගෙන තිබෙනවා. තවද පන්දු යැවීමේ දී ලකුණු 32කට සිය පන්දුවාර 10 අවසන් කරමින් Casey-South Melbourne කණ්ඩායමට කඩුලු 8ක ජයක් ලබා ගැනීම සඳහා සිය දායකත්වය දක්වා තිබෙනවා.
තවත් ක්‍රිකට් පුවත්:
- පාසල් ක්‍රිකට් නැවත ආරම්භය ගැන ඉඟියක්!
- ධනංජය ලක්ෂාන්ට T10 ඉල්ලමක්
- ශ්‍රී ලංකා – එංගලන්ත සටනට විස්තර විචාරකයින් නම් කරයි
- නිරෝධායන නීති නිසා ඉන්දියාව බ්‍රිස්බෙන් යන්න බෑ කියයි!
- වර්ගවාදී ප්‍රකාශ ගැන සංගාගේ අප්‍රසාදය
එසේම ඩිල්ශාන් ශ්‍රී ලංකා ජාතික කණ්ඩායම නියෝජනය කරන කාල සමය තුල ශ්‍රී ලංකාව නියෝජනය කළ සුරාජ් රන්දිව් ද ඩිල්ෂාන් ක්‍රීඩා කළ මේ තරගයේ ප්‍රතිවාදී කණ්ඩායම වෙනුවෙන් ක්‍රීඩා කර තිබීම සුවිශේෂී සිදුවීමක්.
ජාත්‍යන්තර ටෙස්ට් තරග 87ක්, එක්දින තරග 330ක් සහ විස්සයි විස්ස තරග 80ක් ක්‍රීඩා කරමින් මුළු ලකුණු 17671ක් ඩිල්ෂාන් විසින් ලබාගෙන ඇත්තේ මුළු ජාත්‍යන්තර කඩුලු 154ක් දවා ගනිමින්. තුන් ඉරියව් දස්කම් දැක්වූ ඩිල්ශාන් 2016 වසරේ දී ශ්‍රී ලංකා ක්‍රිකට් පිටිය සඳහා සමුදුන්නා.
දැනට 44 හැවිරිදි වියේ පසුවන ඩිල්ශාන් සිය බිරිඳ දුවා දරුවන් ඇතුළු පවුලේ සැවොම සමඟ මේ වන විට ඕස්ට්‍රේලියාවේ පදිංචි වී සිටියි. එම තරගයේ ලකුණු සටහන පහතින් දැක්වේ.
>> තවත් ක්‍රිකට් පුවත් සඳහා පිවිසෙන්න <<
 පැවති ක්‍රිකට් තරගයක් සඳහා සහභාගී වෙමින්.){kind=link}