ශ්‍රී ලංකා – එංගලන්ත සටනට විස්තර විචාරකයින් නම් කරයි

එංගලන්ත කණ්ඩායමේ ශ්‍රී ලංකා තරග සංචාරය 2021

1405
Commentary panel for England tour

මේ මස 14 වැනිදා ආරම්භ වීමට නියමිත ශ්‍රී ලංකා – එංගලන්ත ටෙස්ට් ක්‍රිකට් තරගාවලියේ ජාත්‍යන්තර විකාශනය සඳහා සහභාගී වනු ලබන විස්තර විචාරක මණ්ඩලය නම් කර තිබෙන අතර ඒ සඳහා ශ්‍රී ලංකාව වෙනුවෙන් රසල් ආනෝල්ඩ් සහ රොෂාන් අබේසිංහ යන මහත්වරුන් පත්ව ඇත.

පස් දෙනෙකුගෙන් සමන්විත මේ විස්තර විචාරක මණ්ඩලය සඳහා රසල් ආනෝල්ඩ් සහ රොෂාන් අබේසිංහ යන මහත්වරුන්ට අමතරව නවසීලන්ත හිටපු ක්‍රිකට් ක්‍රීඩක සහ ප්‍රවීණ විස්තර විචාරක Simon Doull සහ එංගලන්ත ක්‍රිකට් ක්‍රීඩක Mark Butcher, Owais Shah යන මහත්වරුන් ද මේ විස්තර විචාරකයින් අතර සිටියි.

තවත් ක්‍රිකට් පුවත්:

නිමා වූ IPL ක්‍රිකට් තරගාවලියේ දී විස්තර විචාරකයෙක් ලෙස Simon Doull වැඩ කටයුතු කළ අතර නිමා වූ LPL ක්‍රිකට් තරගාවලියේ Dambulla Viiking කණ්ඩායමේ ප්‍රධාන පුහුණුකරු ලෙස Owais Shah ද මේ විස්තර විචාරකයින් අතර සිටීම සුවිශේෂී වේ. ඔහු සහ Mark Butcher යන දෙදෙනා හට එංගලන්ත ක්‍රිකට් ක්‍රීඩකයින් පිළිබඳව වැඩි අවබෝධයක් තිබේ.

ICC ලෝක ටෙස්ට් ක්‍රිකට් ශූරතාවලියේ තරගාවලියක් ලෙස පසුගිය මාර්තු 19 වැනිදා ආරම්භ කිරීමට නියමිතව තිබූ තරග දෙකකින් සමන්විත ශ්‍රී ලංකා – එංගලන්ත ටෙස්ට් තරගාවලිය දින නියමයක් නොමැතිව කල් දැමීමට සිදු වූයේ කොරෝනා වයිරසයේ බලපෑම ශ්‍රී ලංකාව තුලත් ව්‍යාප්තව ගිය නිසාවෙනි. ඒ වන විටත් එංගලන්ත කණ්ඩායම ශ්‍රී ලංකාවට පැමිණි සිටි අතර ඔවුන් ක්‍රීඩා කරමින් සිටි පුහුණු තරගය ද අතර මඟ දමා නැවතත් සිය මව් රට බලා යාමට එංගලන්තය කටයුතු කළේය.

එංගලන්ත කණ්ඩායමේ ශ්‍රී ලංකා තරග සංචාරය 2021

  • පළමු ටෙස්ට් තරගය – ජනවාරි 14-18 – ගාල්ලේ දී
  • දෙවන ටෙස්ට් තරගය – ජනවාරි 22-26 – ගාල්ලේ දී

*තරගාවලිය පැවැත්වෙන්නේ කිසිදු ප්‍රේක්ෂක සහභාගීත්වයකින් තොරවයි.

තරගාවලියේ සියලුම තොරතුරු ඔබ වෙතට රැගෙන ඒමට ThePapare.com සූදානමින් සිටියි. රැඳී සිටින්න ThePapare.com සමඟම.

>> තවත් ක්‍රිකට් පුවත් සඳහා පිවිසෙන්න <<