බංග්ලාදේශයේ පැවති සුප්‍රකට Bangabandhu මැරතන් තරගාවලියේ කාන්තා දකුණු ආසියානු කලාප මැරතන් තරගයේ දෙවැනි ස්ථානය දිනා ගැනීමට සුජානි පියුමිකා පෙරේරා සමත් වුනා.
ඇය තරගය පැය 2:40.22ක කාලයකින් අවසන් කරමින් මෙම ජයග්‍රහණය ලබා ගැනීමට සමත් වූ අතර එම තරගය ජයග්‍රහණය කළ ක්‍රීඩිකා Puspa Bhandari තරගය අවසන් කළේ පැය 2:48.01 කාලයක් සමඟිනුයි.
- මැරතන් ජයක් සොයා ශ්‍රී ලංකා ක්‍රීඩක ක්‍රීඩිකාවන් බංග්ලාදේශයට
- යොවුන් මලල ක්‍රීඩා තේරීම් තරග පෙබරවාරි මාසයේ දී
- තරූෂ දක්ෂතම ක්‍රීඩකයා වෙද්දී නේත්‍රා දක්ෂතම ක්‍රීඩිකාව වෙයි
- ඉතිහාසය අලුත් කළ 2022 මලල ක්‍රීඩා පිටිය
එම තරගයට ඇයට අමතරව වත්සලා මධුශානි හේරත් ද සහභාගී වූ අතර පැය 2:54.20ක කාලයකින් සිය තරගය අවසන් කළ ඇය හිමිකර ගත්තේ පස්වැනි ස්ථානයයි.
තරගාවලියේ දකුණු ආසියානු කලාපයේ පිරිමි මැරතන් තරගය සඳහා සහභාගී වූ සිසිර කුමාර එම ඉසව්ව පැය 2:24.48ක කාලයකින් ඉසව්ව අවසන් කළ අතර ඔහු තරගයේ පස්වැනි ස්ථානය දිනා ගත්තා.
පිරිමි දකුණු ආසියානු කාණ්ඩයේ පළමු ස්ථානය Bangriya Vikram Bharatsinh හට හිමි වූ අතර ඔහු තරගය අවසන් කිරීමට පැය 2:18.26ක කාලයක් ගත කළා.
මෙම තරගාවලිය දකුණු ආසියානු කලාපයේ පැවැත්වෙන ප්‍රධානතම මැරතන් තරගාවලියක් වන අතර ඒ සඳහා මෙරටින් 12 දෙනෙකුගෙන් යුත් කණ්ඩායමක් සහභාගී වුනා.
>> තවත් මලල ක්‍රීඩා පුවත් සඳහා පිවිසෙන්න<<
