එළඹෙන ජූලි 30 වැනිදා සිට අගෝස්තු 22 වැනිදා දක්වා පැවැත්වීමට සැලසුම් කර තිබෙන ලංකා ප්‍රිමියර් ලීග් ක්‍රිකට් (LPL) තරගාවලියේ දෙවැනි අදියර ද කණ්ඩායම් 5ක සහභාගීත්වයෙන් පැවැත්වීමට ශ්‍රී ලංකා ක්‍රිකට් බලධාරීන් තීරණය කර තිබෙනවා.
මීට පෙර සහභාගී වන කණ්ඩායම් ගණන 5 සිට 6 දක්වා වර්ධනය කොට ත්‍රිකුණාමලය නමින් කණ්ඩායමක් එකතු කිරීම සඳහා ශ්‍රී ලංකා ක්‍රිකට් බලධාරීන් සහ LPL තරග සංවිධායකයින් සැලසුම් සකස් කරමින් සිටි නමුත්, මෙවර LPL තරගාවලිය සඳහා ද ගියවර මෙන් කණ්ඩායම් 5ක් පමණක් තරග වදිනු ලබන බව ශ්‍රී ලංකා ක්‍රිකට් ප්‍රධාන විධායක නිලධාරි ඈෂ්ලි ද සිල්වා මහතා Daily FT වෙත පවසා තිබෙනවා.
පසුගිය වසරේ දී සම්පූර්ණ LPL තරගාවලියම හම්බන්තොට මහින්ද රාජපක්ෂ ජාත්‍යන්තර ක්‍රිකට් පිටියේ දී පැවැත්වුණු අතර එහි දී අවසන් මහා තරගය ද ඇතුළුව තරග 23ක් සාර්ථකව පැවැත්වුනා. කෙසේ නමුත් මෙවර තරග අදියර පැවැත්වෙන ක්‍රීඩාංගණ පිළිබඳව තවමත් අවසන් තීන්දුවකට පැමිණ නොමැති බව ද සිල්වා මහතා එහි දී වැඩිදුරටත් පවසා සිටියා.
තවත් ක්‍රිකට් පුවත්;
- අපොන්සු ඇතුළු ශ්‍රී ලාංකිකයින් කිහිප දෙනෙක් ඇමරිකාවට
- 2021 T20 ලෝක කුසලානයේ සත්කාරක සටනට ශ්‍රී ලංකාවත්
- ඉරී ගිය සපත්තු මැලියම් ගා අලවන සිම්බාබ්වේ ක්‍රිකට් ක්‍රීඩකයින්
- ගැටුමට විරාමයක්! සංචාරක කොන්ත්‍රාත්තුව සඳහා ක්‍රීඩකයින්ගේ එකඟතාව!
- ශ්‍රී ලංකා දඟපන්දු යවන්නන්ගේ වගකීම හිටපු පුහුණුකරුට
“අපි ගිය පාර LPL එක තිබ්බේ එක ක්‍රීඩාංගණයක විතරයි. තරගාවලිය එක ක්‍රීඩාංගණයක විතරක් හිර කරන්නේ නැතිව තවත් ක්‍රීඩාංගණයකට අරගෙන යන්න බලාපොරොත්තු වෙනවා, ඒ වුනත් ගොඩක් වෙලාවට ඒක කරන්න අමාරු වෙයි. ඒක නිසා මෙවර තරගාවලියත් සම්පූර්ණ ලෙසම හම්බන්තොට දී ම පවත්වන්න වෙයි. දැනට නම් අපි ඒ ගැන අවසන් තීරණයක් අරගෙන නැහැ” යැයි ද සිල්වා මහතා පවසා තිබෙනවා.
“දැන් ලෝකේ ක්‍රිකට් එක යන විදිහ අරගෙන බැලුවහම ගොඩක් ප්‍රවීණ ක්‍රීඩකයින් මේ ලීග් ක්‍රිකට් තරගාවලි වලට සහභාගී වෙනවා. මෙවර අපේ LPL තරගාවලිය සඳහා ද විදෙස් ක්‍රීඩකයින් අතර ලොකු උනන්දුවක් තියෙනවා කියලා මම හිතනවා. ඒක නිසා අපිට මෙවර තරගාවලියටත් විදේශ ක්‍රීඩකයින් 25-30ක් වගේ ප්‍රමාණයක් හොයාගන්න එක ලොකු ගැටලුවක් වෙන එකක් නැහැ කියලා මම විශ්වාස කරනවා. ඒ වගේම අපේ රටේ ක්‍රීඩකයින් සියලුම දෙනාටම මේ තරගාවලිය පැවැත්වෙන කාලය තුල වෙන කිසිම තරගාවලියක් නැති නිසා ඔවුනුත් මේ තරගාවලිය ක්‍රීඩා කරනවා” යැයි ද සිල්වා මහතා අවසන් ලෙස පවසා සිටියා.
පසුගිය වසරේ පැවැත්වුණු LPL පළමු අදියර සඳහා විදෙස් ක්‍රීඩකයින් 33 දෙනෙක් එම කණ්ඩායම් 5 අතරේ බෙදී ගියා.
තවත් දෙස් විදෙස් ක්‍රීඩා ලොව තතු රැගෙන ඒමට ThePapare.com සූදානමින්, රැඳී සිටින්න ThePapare.com අප සමඟම.
>> තවත් ක්‍රිකට් පුවත් සඳහා පිවිසෙන්න <<
 තරගාවලියේ දෙවැනි අදියර ද කණ්ඩායම් 5ක සහභාගීත්වයෙන් පැවැත්වීමට ශ්‍රී ලංකා ක්‍රිකට් බලධාරීන් තීරණය කර තිබෙනවා.){kind=link}