වසර කිහිපයකට පසුව ශ්‍රී ලංකා ජාතික ක්‍රිකට් කණ්ඩායම නවසීලන්තයේ පූර්ණ තරගාවලියක් සඳහා මාර්තු මාසයේ දී සංචාරය කිරීමට නියමිතයි.
මෙම තරගාවලිය සඳහා ටෙස්ට් තරග දෙකක්, එක්දින තරග තුනක් සහ විස්සයි විස්ස තරග තුනක් ඇතුළත් අතර ටෙස්ට් තරග දෙක ටෙස්ට් ලෝක ශූරතාවයටත්, එක්දින තරගාවලිය ලෝක කුසලාන සුදුසුකම් ලබා ගැනීමටත් ඉතා වැදගත්.
- ටෙස්ට් ලෝක ශූරතාවයේ අවසන් මහා තරගයට දින තීන්දුයි
- දෙව්මි විහංඟා ලෝක කුසලානයේ හොඳම ක්‍රීඩිකාවන් අතරට
- ආසියානු කුසලානය ගැන තීරණය මාර්තුවේ දී
- Afridiගේ දියණිය සමඟ Shaheen Afridi විවාහ වේ
ටෙස්ට් තරගාවලිය ආරම්භ වීමට පෙර ශ්‍රී ලංකා කණ්ඩායම මාර්තු 04 සහ 05 දෙදින පුහුණු තරගයකට සහභාගී වීමට නියමිත අතර තරගාවලිය ආරම්භ කරමින් පළමු ටෙස්ට් තරගය මාර්තු 09 වැනිදා ආරම්භ වීමට නියමිතයි.
සීමිත පන්දුවාර තරගාවලිය මාර්තු 25 සිට අප්‍රේල් 08 දක්වා පැවැත්වීමට නියමිත අතර 2023 එක්දින ලෝක කුසලානය සඳහා සුදුසුකම් ලබා ගැනීමට ශ්‍රී ලංකා ක්‍රීඩකයින්ට එක්දින තරගාවලිය ජයග්‍රහණය කිරීම ඉතා වැදගත්.
එමෙන්ම ටෙස්ට් තරගාවලිය 2-0ක් ලෙස ජයග්‍රහණය කිරීමට සංචාරක ශ්‍රී ලංකා ක්‍රීඩකයින්ට හැකි වුවහොත් ටෙස්ට් ලෝක ශූරතාවයේ අවසන් මහා තරගයට සුදුසුකම් ලබා ගැනීමට ද හැකි වෙනවා.
තරගාවලියේ සම්පූර්ණ කාලසටහන,
| දිනය | තරගය | ක්‍රීඩාංගණය |
| මාර්තු 04 සහ 05 | දෙදින පුහුණු තරගය | Hagley Oval, Christchurch |
| මාර්තු 09 සිට 13 දක්වා | පළමු ටෙස්ට් තරගය | Hagley Oval, Christchurch |
| මාර්තු 17 සිට 21 දක්වා | දෙවැනි ටෙස්ට් තරගය | Cello Basin Reserve, Wellington |
| මාර්තු 25 | පළමු එක්දින තරගය | Eden Park, Auckland |
| මාර්තු 28 | දෙවන එක්දින තරගය | Hagley Oval, Christchurch |
| මාර්තු 31 | තෙවැනි එක්දින තරගය | Seddon Park, Hamilton |
| අප්‍රේල් 02 | පළමු විස්සයි විස්ස තරගය | Eden Park, Auckland |
| අප්‍රේල් 05 | දෙවන විස්සයි විස්ස තරගය | University of Otago Oval, Dunedin |
| අප්‍රේල් 08 | තෙවැනි විස්සයි විස්ස තරගය | Sir John Davies Oval, Queenstown |
තරගාවලියේ සියලු තොරතුරු සඳහා රැඳී සිටින්න ThePapare.com සමඟම.
>> තවත් ක්‍රිකට් පුවත් සඳහා පිවිසෙන්න <<
