ජාතික සුපිරි ලීගයේ පුහුණුකරුවන් නම් කරයි

බ්‍රහස්පතින්දා (19) ආරම්භ වීමට ජාතික සුපර් ලීග් සිව්දින ක්‍රිකට් තරගාවලියේ කණ්ඩායම් පහේ පුහුණුකරුවන් සහ කළමනාකරුවන් ශ්‍රී ලංකා ක්‍රිකට් ආයතනය විසින් නිවේදනය කර තිබෙනවා.

ඒ අනුව කොළඹ කණ්ඩායමේ ප්‍රධාන පුහුණුකාරිත්වය රුවින් පීරිස් විසින් දරද්දී, ගාල්ල කණ්ඩායමේ ප්‍රධාන පුහුණුකරු ලෙස රුවන් කල්පගේ නම් කර තිබෙනවා. දේශීය ක්‍රිකට් පිටියේ කැපී පෙනෙන පුහුණුකරුවෙකු වන තිලිණ කණ්ඩම්බි යාපනය කණ්ඩායමේ පුහුණුකරු ලෙස කටයුතු කිරීමට නියමිතයි.

• කුසල්, ධනංජය, දික්වැල්ල, රමේෂ් සහ කමිඳුට නායකත්ව වගකීම්
• ශ්‍රී ලංකා ක්‍රිකට් කණ්ඩායමට නව සාමාජිකයෙක්
• Manchester United අවධානය කාන්තා IPL කණ්ඩායමක් වෙත
• Pandya සහ Williamson ක්‍රීඩා කරන තැන් පුහුණුකරු සනාථ කරයි
• ඕස්ට්‍රේලියාව ඇෆ්ගනිස්තාන සංචාරය අවලංගු කරයි

දඹුල්ල කණ්ඩායමේ පුහුණුකරු ලෙස තවත් ජාත්‍යන්තර තලයේ අත්දැකීම් සහිත පුහුණුකරුවෙකු වන අවිශ්ක ගුණවර්ධන කටයුතු කරද්දී, මහනුවර කණ්ඩායමේ ප්‍රධාන පුහුණුකරු ලෙස කටයුතු කරන්නේ මලින්ද වර්ණපුරයි.

යාපනය කණ්ඩායමේ සහය ප්‍රධාන පුහුණුකරු ලෙස ධම්මික සුදර්ශන පත් කර ඇති අතර උපුල් චන්දන දඹුල්ල කණ්ඩායමේ සහය ප්‍රධාන පුහුණුකරු ලෙස කටයුතු කරද්දී, මනෝජ් අබේවික්‍රම මහනුවර කණ්ඩායමේ සහය ප්‍රධාන පුහුණුකරු ලෙස කටයුතු කරයි.

මෙම පුහුණුකරුවන්ට අමතරව සියලුම කණ්ඩායම් සඳහා සහය පුහුණුකරුවන් දෙදෙනා බැගින් නම් කර ඇති අතර දඹුල්ල කණ්ඩායම සඳහා අමතර සහය පුහුණුකරුවෙක් නම් කර තිබීම විශේෂත්වයක්.

කණ්ඩායම් 5 පුහුණුකරුවන් සහ කළමනාකරුවන්,

මෙවර ජාතික සුපර් ලීග් සිව්දින තරගාවලිය ජනවාරි 16 සිට මාර්තු 05 දක්වා පැවැත්වීමට නියමිත අතර තරගාවලියේ උණුසුම විඳ ගන්න, රැඳී සිටින්න ThePapare.com සමඟම.

>> තවත් ක්‍රිකට් පුවත් සඳහා පිවිසෙන්න <<