Gayle හා de Villiers, RCB විශිෂ්ටයින් අතරට

1081
(FGN)

සුපිරි පිතිකරුවන් වන Chris Gayle හා AB de Villiers, Royal Challengers Bangalore කණ්ඩායමේ විශිෂ්ටයින් (Hall of Fame) අතරට එක්වන පළමු ක්‍රීඩකයින් දෙදෙනා බවට පත්ව තිබෙනවා.

හිටපු RCB නායක ඉන්දීය සුපිරි පිතිකරු Virat Kohli, ඔවුන් දෙදෙනා Hall of Fame වෙත හඳුන්වා දීම පිළිබඳව නිවේදනය ප්‍රකාශ කර තිබුණා.

සිය විශිෂ්ට දක්ෂතාවලින්, ජීවගුණයෙන්, නව සොයා ගැනීම්වලින් AB ඇත්තටම ක්‍රිකට් ක්‍රීඩාව වෙනස් කළා. නිර්භීතව ක්‍රීඩා කරන්න (Play Bold) යන RCB කණ්ඩායමේ දර්ශනයට ඔහු උපරිම සාධාරණය කළා”, RCB වෙබ් අඩවියේ තැබූ සටහනක Kohli පවසා තිබුණා.

ඔබ දෙදෙනාම වෙනුවෙන් මෙය කරන්න ලැබීම මට හරි විශේෂයි. අපි දැක්කා ඔබ IPL තරගාවලිය වෙනස් කරපු හැටි. RCB කණ්ඩායම හා IPL තරගාවලිය අද තියෙන තැනට ගෙනෙන්න ඔබ දෙදෙනා ගොඩක් දේවල් කළා.”

AB de Villiers 2011 සිට 2021 දක්වා RCB වෙනුවෙන් ක්‍රීඩා කළ අතර සුපිරි පිතිකරු Chris Gayle වසර හයක් පමණ RCB නියෝජනය කළා. RCB විශිෂ්ටයින් අතරට එක්වුණු de Villiers සිය ප්‍රේක්ෂකයින්ට හා RCB කණ්ඩායමට හැඟුම්බර පණිවිඩයක් තබා තිබුණා.

මෙහෙම ගෞරවයක් ලැබීම විශේෂයි. අවංකවම කියනවා නම් මම හැඟුම්බරයි”, ඔහු පවසා තිබුණා.

“Virat, ඔබේ කරුණාවන්ත වචන වලට ස්තුතියි. Mike Hesson, Nikhil සහ මේ දෙය සංවිධානය කරපු කණ්ඩායමේ සියලු දෙනාටම ස්තුතියි. Chrisට හා මට නම් දැන් සැන්දෑ කාලය උදා වෙලා තියෙන්නේ. නමුත් අපි තවමත් මේ පවුලේ කොටසක්.”

බටහිර ඉන්දීය කොදෙව් පිතිකරු Chris Gayle මෙසේ අදහස් දක්වා තිබුණා. “මේ අවස්ථාව ගැන මගේ RCB පවුලට මම ස්තුතිවන්ත වෙනවා. මට මේක විශේෂ දෙයක්. RCB කණ්ඩායම හැමදාම මගේ හදවත ළඟ තිබේවි.”

Times Of India ඇසුරින්

>> තවත් ක්‍රිකට් පුවත් සඳහා පිවිසෙන්න <<