ඊයේ (06) BBL තරගාවලියේ Sydney Sixers සහ Melbourne Stars කණ්ඩායම් අතර පැවැත්වුණු විස්සයි විස්ස තරගයේ දී Sixers ක්රීඩක Jordan Silkට ගේ දැවී යාමට අදාලව ලැබුණු විනිසුරු තීරණය දැඩි මතභේදකාරී සිදුවීමක් ලෙස සමාජ මාධ්ය ඔස්සේ හුවමාරු වෙමින් පවතිනවා.
මෙවර Big Bash League ක්රිකට් තරගාවලියේ දිගින් දිගටම සිදු වන මතභේදාත්මක සිදුවීම්වල තවත් අලුත් පිටුවක් පෙරළමින් ඊයේ Stars සහ Sixers අතර තරගය අවසන් වූ අතර, එම තරගයේ දී නැවතත් Jordan Silkගේ නම (මීට පෙර Michael Neserගේ උඩ පන්දු රැක ගැනීමේ සිදු වීමට ද ඔහුගේ නම ඈඳුණා) තවත් මතභේදකාරී සිදුවීමක් සමඟ ඈඳුණා.
තරගයේ අවසන් පන්දුවාරයේ දී Sixers කණ්ඩායමට ජයග්රහණය සඳහා පන්දු තුනකින් ලකුණු දෙකක් ලබා ගත යුතුව තිබුණු අතර, එම පන්දුවාරයේ සිව්වැනි පන්දුව පිතිකරණයේ යෙදී සිටි Jordan Silkගේ පිත්තේ ගෑවී නොගෑවී කඩුලු රකින්නා අතට ඇදී ගියා.
ඒ අවස්ථාවේ ලකුණක් සඳහා දිව යෑමෙන් දුවද්දී දැවී යාමකට ආසන්න අවස්ථාවක් ද උදා වූ අතර, ඊට ප්රථම Melbourne Stars නායක Adam Zampa විසින් විනිසුරු තීරණ නැවත සලකා බැලීමේ (Review) අවස්ථාවක් ලබා ගනිමින් එය උඩ පන්දුවක් ද යන්න පරීක්ෂා කිරීමට ඉල්ලා සිටියා.
ඒ අනුව තරගයේ තුන්වැනි විනිසුරු විසින් එම පන්දුව නැවත රූපවාහිනිය ඔස්සේ පරීක්ෂා කළ අතර, එහි දී පන්දුව සහ පිත්ත අතර පැහැදිලි පරතරයක් රූප රාමුවලින් පෙනී ගියත්, snickometer මගින් ඒ අවස්ථාවේ පන්දුව සහ පිත්ත අතර ගැටීමක් සිදු වූ බව පෙන්වුවා.
ඒ අනුව පිතිකරණයේ යෙදී සිටි Silkව පුදුමයට පත් කරමින් තුන්වැනි විනිසුරු විසින් ඔහුව දැවී ගිය ක්රීඩකයකු ලෙස ලකුණු කළ අතර, අකමැත්තෙන් වුවත් ඔහුට පිටියෙන් ඉවත් වීමට සිදු වුනා.
Why have the technology if it’s not used correctly?
“I’m not sure how they’ve come up with that (given out)” says Jordan Silk. pic.twitter.com/Kp66DWlhO3
— Henry Moeran (@henrymoeranBBC) January 6, 2023
- පළමු ජාත්යන්තර ලීග් ක්රිකට් තරගාවලියට ලංකාවෙන් ක්රීඩකයින් 12ක්!
- ඉන්දු – පාකිස්තාන ගැටුමේ අළු යට තිබූ ගිනි ටිකෙන් ටික එළියට එයි!
- Zampaගේ වැඩ නිසා Ashwinටයි කරදර
- BBL උණුසුම වැඩි කරමින් වාද විවාද ඇති කළ උඩපන්දුව
- සම්මාන නොපතන, Pantගේ සුවය පමණක් පතන ජීවමාන දෙවිවරු!
මෙම සිදු වීම සම්බන්ධයෙන් සමාජ මාධ්ය පරිශීලකයින් මෙන්ම ප්රසිද්ධ ක්රිකට් ක්රීඩකයින් පවා සිය අසතුට ප්රකාශ කර තිබුණා.
ඒ අතර හිටපු ඉන්දීය ආරම්භක පිතිකරු Akash Chopra දක්වා තිබුණේ මෙවැනි අදහසක්.
“තුන්වැනි විනිසුරු කොහොමද ඒක දැවී යාමක් කියලා තීරණය කළේ, spike (පන්දුව සහ පිත්ත ගෑවෙන බව snickometer මගින් පෙන්වූ අවස්ථාව) වෙන වෙලාවෙත් පන්දුව පිත්තෙන් අඟල් හයක් විතර එහායින් තිබුණේ.”
How is it given out by the third umpire?? At the time of spike, the ball is 6 inches away from the bat. Left of screen. #BBL12 pic.twitter.com/RYrEDBWVYz
— Aakash Chopra (@cricketaakash) January 6, 2023
මේ තවත් එවැනි සමාජ මාධ්යවල පළ වූ අදහස් කිහිපයක්.
How is this out? There’s a spike, but check out the gap between bat and ball in the left frame. That’s what Jordan Silk was questioning, surely. #bbl #jordansilk #bigbashleague @jcsilk14 pic.twitter.com/ZFlwdKUHpo
— D. (follow me back) (@DJustLurking) January 6, 2023
Here’s the image. Check the image on the left and tell me how that’s out? Jordan Silk made the same point in the interview. Below average stuff from the comms & 3rd umpire to not even see this.
I would have lost it if I was in the Sixers’ dugout. pic.twitter.com/bhc69u2o6W
— Jeet Vachharajani🏏 (@Jeetv27) January 6, 2023
ඔවුන් බොහෝ දෙනෙකු පවසන්නේ Jordan Silk මේ තීරණය සම්බන්ධයෙන් වික්ෂිප්ත වීම සාධාරණ බවයි.
කෙසේ වෙතත් Silkගේ දැවී යාමෙන් පසු පන්දුවේ දී Sixers කණ්ඩායම විසින් සිය ජයග්රහණය පහසුවෙන් ම වාර්තා කිරීමට සමත් වුනා.
BBL තරගාවලියේ සියලු තතු විත්ති ඔබ වෙත සමීප කිරීමට ThePapare.com සූදානම්, රැඳී සිටින්න ThePapare.com සමඟින්.
Hindustan Times ඇසුරිනි.
>> තවත් ක්රිකට් පුවත් සඳහා පිවිසෙන්න <<