ශ්‍රී ලංකා – ඕස්ට්‍රේලියා සටනට ප්‍රවේශ පත්‍ර නිකුත් කරයි

එළඹෙන 7 වැනිදා විස්සයි විස්ස තරගාවලියෙන් ආරම්භ වීමට නියමිත ශ්‍රී ලංකා – ඕස්ට්‍රේලියා ක්‍රිකට් සංචාරය සඳහා ප්‍රවේශ පත්‍ර නිකුත් කිරීමට හෙටින් (04) ආරම්භ වන බව ශ්‍රී ලංකා ක්‍රිකට් ආයතනය මාධ්‍ය නිවේදනයක් නිකුත් කරමින් සඳහන් කර සිටියා.

ජුනි 7 වැනිදා සිට ජූලි 12 වැනිදා පැවැත්වීමට නියමිත මෙම තරග සංචාරය සඳහා ආකෘති සියල්ලේම තරගාවලි ඇතුළත් වන අතර ඒ අනුව විස්සයි විස්ස තරගාවලිය සඳහා තරග 3ක්, එක්දින තරගාවලිය සඳහා තරග 5ක් සහ ටෙස්ට් තරගාවලිය සඳහා තරග 2ක් ඇතුළත් වනවා.

• ඕස්ට්‍රේලියානු සංචාරයේ ශ්‍රී ලංකා T20 සංචිතය
• ශ්‍රී ලංකාවට එන ඕස්ට්‍රේලියා සංචිතයේ කොරෝනා බියක්
• කටාර් ක්‍රිකට් නායකත්වය ශ්‍රී ලාංකිකයෙකුට 
• ස්ටෝක්ස්ගේ නායක පදවිය ගැන ජොනීට හිතුණු දේ
• ගැම්මක් ඇතිව කතා කළ හැකි බංග්ලාදේශ සංචාරය

ප්‍රවේශ පත්‍ර www.srilankacricket.lk හරහා අන්තර්ජාලය ඔස්සේ මෙන්ම ශ්‍රී ලංකා ක්‍රිකට් මූලස්ථානයෙන් (ජුනි 4 වැනිදා සිට), පල්ලෙකැලේ ජාත්‍යන්තර ක්‍රිකට් ක්‍රීඩාංගණයෙන් (ජුනි 8 වැනිදා සිට) සහ ගාල්ල ජාත්‍යන්තර ක්‍රිකට් ක්‍රීඩාංගණයෙන් (ජුනි 26 වැනිදා සිට) මිල දී ගැනීමට හැක.

ප්‍රවේශ පත්‍ර තරග පැවැත්වෙන දින එදින දොරටුවෙන් ද ලබා ගැනීමට හැකි අතර අන්තර්ජාලය ඔස්සේ මිල දී ගන්නා ප්‍රවේශ පත් ඉහත සඳහන් කළ ප්‍රවේශ පත්‍ර නිකුත් කරනු ලබන ස්ථානවලින් තරග දිනට ප්‍රථම ලබා ගත යුතුයි.

ප්‍රවේශ පත්‍ර ගාස්තු පහත පරිදි වේ.

පසුගිය කාලසීමාවේ කොරෝනා වසංගතය නිසාවෙන් සීමිත පිරිසක් සඳහා පමණක් තරග නැරඹීමට අවකාශය හිමි වුවත්, මෙම තරගාවලිය පූර්ණ වශයෙන් ප්‍රේක්ෂකයින්ට විවර වන බව වාර්තා වනවා.

විස්සයි විස්ස තරගාවලිය සඳහා සහභාගී වන ඕස්ට්‍රේලියා සංචිතය මේ වන විට ශ්‍රී ලංකාවට පැමිණ ඇති අතර ඔවුන්ගේ ප්‍රධාන පුහුණුකරු වන Andrew McDonald කණ්ඩායම සමඟ දිවයිනට නොපැමිණියේ ඔහුට කොරෝනා වයිරසය ආසාදනය වීම නිසාවෙනි. ඒ අනුව තරග සංචාරය ආරම්භයේ ප්‍රධාන පුහුණුකරු ලෙස සහය පුහුණුකරු Michael Di Venuto කටයුතු කරනු ඇත.

ශ්‍රී ලංකා ක්‍රිකට් ආයතනය විසින් විස්සයි විස්ස තරගාවලිය සඳහා සහභාගී වන සංචිතය ඊයේ (1) මාධ්‍ය වෙත නිකුත් කළ අතර සංචිතයේ නායකත්වය දසුන් ශානක විසින් හොඹවනු ඇත.

තරග කාලසටහන:

සමස්ත තරග සංචාරයේම උණුසුම ඔබ වෙත රැගෙන ඒමට ThePapare.com සූදානම්. රැඳී සිටින්න ThePapare.com සමඟම.

>> තවත් ක්‍රිකට් පුවත් සඳහා පිවිසෙන්න <<