HomeSinhalaMaxwell ශ්‍රී ලංකා බලාපොරොත්තු සුන්කරයි

Maxwell ශ්‍රී ලංකා බලාපොරොත්තු සුන්කරයි

Published on

spot_img

සංචාරක ඕස්ට්‍රේලියාව සහ සත්කාරක ශ්‍රී ලංකාව අතර අද (14) පල්ලෙකැලේ ජාත්‍යන්තර ක්‍රිකට් ක්‍රීඩාංගණයේ දී නිමා වූ පළමු එක්දින තරගයෙන් කඩුලු 2ක ජයග්‍රහණයක් හිමි කර ගැනීමට ඕස්ට්‍රේලියානු ක්‍රීඩකයින් සමත් වුනා.

2023 ලෝක කුසලානයට සුදුසුකම් ලබා ගැනීමේ ලකුණු සටහනේ ඉහළට පැමිණීමට ශ්‍රී ලංකාවට මෙම තරගාවලිය ඉතා වැදගත් වන අතර ශ්‍රී ලංකා වයස අවුරුදු 19න් පහළ නායක දුනිත් වෙල්ලාලගේ ශ්‍රී ලංකාව නියෝජනය කරමින් එක්දින වරම් ලැබූ 204 වැනි ක්‍රීඩකයා වීමට අද සමත් වුනා.

ඕස්ට්‍රේලියාව සමඟ පැවති අවසන් විස්සයි විස්ස තරගය ක්‍රීඩා කළ භානුක රාජපක්ෂ සහ ප්‍රවීන් ජයවික්‍රම මෙම සංචිතයට ඇතුළත් නොවන අතර තුන් ඉරියව් ක්‍රීඩක ධනංජය ද සිල්වා සංචිතයට කැඳවා තිබෙනවා.

තරගය සඳහා ක්‍රීඩා කළ කණ්ඩායම්:

  • ඕස්ට්‍රේලියාව: David Warner, Aaron Finch(c), Steven Smith, Marnus Labuschagne, Glenn Maxwell, Marcus Stoinis, Alex Carey(w), Ashton Agar, Pat Cummins, Jhye Richardson, Josh Hazlewood.
  • ශ්‍රී ලංකාව: දසුන් ශානක (නායක), ධනුෂ්ක ගුණතිලක, පැතුම් නිස්සංක, කුසල් මෙන්ඩිස්, චරිත් අසලංක, ධනංජය ද සිල්වා, වනිඳු හසරංග, චාමික කරුණාරත්න, දුනිත් වෙල්ලාලගේ, දුෂ්මන්ත චමීර, මහීෂ් තීක්ෂණ.

ශ්‍රී ලංකාව කාසිය වාසිය දිනා ගනිමින් පළමුව පන්දුවට පහර දීම තෝරාගත් අතර සිය නායකයාගේ තීරණයට උපරිම සාධාරණයක් ඉටු කළ ශ්‍රී ලංකා ආරම්භක පිතිකරුවන් වූ ධනුෂ්ක ගුණතිලක සහ පැතුම් නිස්සංක ඕස්ට්‍රේලියා පන්දු යවන්නන්ට දැඩි පීඩනයක් එල්ල කරමින් පළමු කඩුල්ල සඳහා ගොඩනැගූ සම්බන්ධතාව ලකුණු 115ක්.

අර්ධ ශතකය රැස් කරමින් පන්දු 53ක් තුළ ලකුණු 55ක් රැස් කරගෙන සිටි ධනුෂ්ක අවාසනාවන්ත ලෙස දුවද්දී දැවී යාමකට හසු වුනා. සිය තෙවැනි එක්දින අර්ධ ශතකය රැස් කළ නිශ්ශංක ලකුණු 56කට දවා ගැනීමට Ashton Agar සමත් වුනා.

ශ්‍රී ලංකා ක්‍රීඩකයින්ට තවත් දැඩි පීඩනයක් ගෙන දෙමින් ධනංජය ද සිල්වා ලකුණු 7කට පිටියෙන් ඉවත් කිරීමට Ashtonට හැකි වුනේ David Warner ලබා ගත් විශිෂ්ට උඩ පන්දුව නිසයි.

නමුත් කුසල් මෙන්ඩිස් සමඟ එක්ව සිව්වැනි කඩුල්ල සඳහා ලකුණු 77ක සම්බන්ධතාවක් පිහිටුවීමෙන් අනතුරුව ලකුණු 37ක් රැස් කරගෙන සිටි චරිත් අසලංක දැවී යන විට ශ්‍රී ලංකා ලකුණු පුවරුව දිස්වුනේ කඩුලු 4ක් දැවී ලකුණු 211ක් ලෙසයි.

ශ්‍රී ලංකා ලකුණු පුවරුව 240ක් වන විට ප්‍රේක්ෂකයන්ගේ බලාපොරොත්තුව වූ නායක දසුන් ශානක ලකුණු 07කට පිටියෙන් ඉවත් කරමින් සිය මංගල එක්දින කඩුල්ල දවා ගැනීමට Marnus Labuschagne සමත් වුනා.

නැවතත් ක්‍රියාත්මක වූ Labuschagne චාමික කරුණාරත්නව ද ලකුණු 07කට පිටියෙන් ඉවත් කිරීමට සමත් වුනේ ශ්‍රී ලංකා ලකුණු පුවරුවේ වේගය තරමක් අඩාල කරමින්. ඉන්පසු පිටියට පිවිසියේ  වනිඳු හසරංග.

ශ්‍රී ලංකා කණ්ඩායමට අවශ්‍යම මොහොතේ ක්‍රියාත්මක වූ හසරංග 49 වැනි පන්දුවාරයේ දී Jhye Richardsonට එරෙහිව හතරේ පහර 5ක් සමඟින් ලකුණු 22ක් වාර්තා කරගැනීමට සමත් වුනා.

සිය 18 වැනි අර්ධ ශතකය රැස් කරමින් කුසල් මෙන්ඩිස් නොදැවී රැස් කර ගත් ලකුණු 86 සහ වේගවත් ඉනිමක් දියත් කරමින් හසරංග පන්දු 19ක් තුළ වාර්තා කර ගත් ලකුණු 37 නිසාවෙන් නියමිත පන්දුවාර 50 අවසානයේ කඩුලු 7ක් දැවී ලකුණු 300ක් වාර්තා කරගැනීමට ශ්‍රී ලංකා කණ්ඩායමට හැකි වුනා.

ලකුණු 301ක ඉලක්කයක් හඹා යාමට පිටියට පිවිසි ඕස්ට්‍රේලියානු කණ්ඩායමේ ප්‍රබල පිතිකරු Warner ලකුණු ලබා ගැනීමට ප්‍රථමයෙන් ක්‍රීඩාගාරයට හරවා යැවීමට මහීෂ් තීක්ෂණට හැකි වුනේ ශ්‍රී ලංකාවට අවශ්‍ය ආරම්භය ලබා ගනිමින්.

නමුත් ඉන්පසු පිටියේ එක්වූ Aaron Finch සහ Steven Smith දෙවැනි කඩුල්ල සඳහා වටිනා ලකුණු 67ක සම්බන්ධතාවක් පිහිටුවීමෙන් අනතුරුව ලකුණු 44ක් රැස් කරගෙන සිටි Finch දැවී ගියේ හසරංගගේ පන්දුවක් හමුවේයි.

එම කඩුල්ල දැවී යාමෙන් පසුව පල්ලෙකැලේ ක්‍රීඩාංගණයට ඇදවැටුණු වර්ෂාව නිසා තරගය මදකට නතර කිරීමට සිදු වුනා. වර්ෂාවෙන් පසුව ඕස්ට්‍රේලියානු කණ්ඩායමට ජයග්‍රහණය සඳහා හිමි වූ ඉලක්කය පන්දුවාර 44ක් තුළ ලකුණු 282ක්.

නැවත තරගය ආරම්භ කිරීමෙන් පසුව ශ්‍රී ලංකා පන්දු යවන්නනට පහසුවෙන් පහර දුන් Smith සහ Labuschagne තෙවැනි කඩුල්ල සඳහා ලකුණු 54ක සම්බන්ධතාවක් ගොඩනගමින් සිටිය දී දසුන් ශානක විසින් ලකුණු 24ක් වාර්තා කරගෙන සිටි Labuschagne පිටියෙන් ඉවත් කළා.

ඕස්ට්‍රේලියානු කණ්ඩායමේ කොඳුනාරටිය බවට පත්වෙමින් ලකුණු 53ක් රැස් කරගෙන සිටි Smith දවා ගනිමින් සිය මංගල ජාත්‍යන්තර කඩුල්ල දවා ගැනීමට යොවුන් ක්‍රීඩක වෙල්ලාලගේ සමත් වුනා.

පන්දු 31ක් තුළ ලකුණු 44ක් වාර්තා කරගනිමින් තරගය ඕස්ට්‍රේලියානු කණ්ඩායම වෙත ගෙන ඒමට උත්සාහ කළ Stoinis දවා ගැනීමට වනිඳු හසරංග සමත් වන විට ඕස්ට්‍රේලියාව කඩුලු 5ක් දැවී ලකුණු 189ක් රැස් කරගෙන සිටියා.

තරගයේ පාලනය ඕස්ට්‍රේලියාව සතු කරගෙන තිබූ අවස්ථාවේ ආබාධයක් සහිතව ක්‍රීඩා කළ වනිඳු හසරංග විසින් Alex Careyව සහ Pat Cumminsව එක් පන්දුවාරයක් තුළ දවා ගැනීමට සමත් වුනේ ශ්‍රී ලංකාව නැවතත් තරගයට අවතීර්ණ කරමිනුයි.

ඉන්පසු පිටියට පිවිසි Ashtonව ලකුණු 3ක් වාර්තා කරගෙන සිටිය දී සිය දෙවැනි කඩුල්ල ලෙස දවා ගැනීමට වෙල්ලාලගේ සමත් වන විට ඕස්ට්‍රේලියානු ලකුණු පුවරුව දැක්වුනේ කඩුලු 8ක් දැවී ලකුණු 254ක් ලෙසයි.

ඕස්ට්‍රේලියා ඉනිමේ වගකීම සියතට ගත් Glenn Maxwell සිය 22 වැනි අර්ධ ශතකය රැස් කරමින් නොදැවී වාර්තා කර ගත් ලකුණු 80 නිසාවෙන් ඕස්ට්‍රේලියා ක්‍රීඩකයින් පන්දුවාර 42.3ක් අවසානයේ කඩුලු 8ක් දැවී ජයග්‍රාහී සීමාව පසු කරන්නට සමත් වුනා.

ආබාධයක් සහිතව වුවත් අගනා පන්දු යැවීමක නිරත වූ හසරංග ලකුණු 58කට කඩුලු 4ක් දවා ගත් අතර මංගල තරගය ක්‍රීඩා කළ වෙල්ලාලගේ කඩුලු 2ක් දවා ගත්තා.

[insert_php] $contents = file_get_contents(“https://stats.thepapare.com/cricket/embed/match_result/sri-lanka-vs-australia-2022-1st-odi”); echo $contents;[/insert_php]

තරගාවලියේ දෙවැනි එක්දින තරගය 16 වැනිදා පල්ලෙකැලේ දී ම පැවැත්වීමට නියමිතයි. තරගාවලියේ සියලුම පුවත් සඳහා රැඳී සිටින්න, ThePapare.com සමඟම.

>> තවත් ක්‍රිකට් පුවත් සඳහා පිවිසෙන්න <<

Latest articles

Photos – Colombo Fitness Festival 2024

ThePapare.com | Waruna Lakmal | 02/03/2024 | Editing and re-using images without permission of...

ජාතික මලල ක්‍රීඩා තේරීම් තරග සාර්ථකව අවසන් වෙයි

2024 වසර වෙනුවෙන් ශ්‍රී ලංකා ජාතික මලල ක්‍රීඩා සංචිත සඳහා ක්‍රීඩක ක්‍රීඩිකාවන් තෝරා ගැනීම වෙනුවෙන්...

சமநிலையில் முடிந்த 107ஆவது பொன் அணிகளின் சமர்

வட்டுக்கோட்டை யாழ்ப்பாண கல்லூரி மற்றும் யாழ்ப்பாணம் புனித பத்திரிசிரியார் கல்லூரி அணிகள் இடையிலான 107ஆவது பொன் அணிகளின் சமர் கிரிக்கெட் பெரும் போட்டி சமநிலை அடைந்திருக்கின்றது. யாழ்ப்பாணம் புனித பத்திரிசியார் கல்லூரியின் சொந்த மைதானத்தில் ஆரம்பமாகிய இந்தப் போட்டியின் முதல் நாள் ஆட்டம் நேற்று (01) நிறைவுக்கு வரும் வந்த போது யாழ்ப்பாண கல்லூரியின் முதல் இன்னிங்ஸை (189) அடுத்து தமது முதல் இன்னிங்ஸில் துடுப்பாடிய யாழ்.பத்திரிசியார் கல்லூரி 45 ஓட்டங்களுக்கு 3 விக்கெட்டுக்களை இழந்து காணப்பட்டிருந்தது. >>வட்டுக்கோட்டை யாழ்ப்பாண அணிக்காக அசத்திய ரொபின்சன் உதயகுமார் இன்று போட்டியின் இரண்டாம் நாளில் தமது...

මංගල “මිත්‍රත්වයේ සටන” විසඳුමකින් තොරයි

වීරකැටිය ශ්‍රී ලංකා - සිංගප්පූරු මිත්‍රත්ව විද්‍යාලය සහ අම්බලන්ගොඩ ප්‍රජාපතී ගෝතමී බාලිකා විද්‍යාලය අතර...

More like this

Photos – Colombo Fitness Festival 2024

ThePapare.com | Waruna Lakmal | 02/03/2024 | Editing and re-using images without permission of...

ජාතික මලල ක්‍රීඩා තේරීම් තරග සාර්ථකව අවසන් වෙයි

2024 වසර වෙනුවෙන් ශ්‍රී ලංකා ජාතික මලල ක්‍රීඩා සංචිත සඳහා ක්‍රීඩක ක්‍රීඩිකාවන් තෝරා ගැනීම වෙනුවෙන්...

சமநிலையில் முடிந்த 107ஆவது பொன் அணிகளின் சமர்

வட்டுக்கோட்டை யாழ்ப்பாண கல்லூரி மற்றும் யாழ்ப்பாணம் புனித பத்திரிசிரியார் கல்லூரி அணிகள் இடையிலான 107ஆவது பொன் அணிகளின் சமர் கிரிக்கெட் பெரும் போட்டி சமநிலை அடைந்திருக்கின்றது. யாழ்ப்பாணம் புனித பத்திரிசியார் கல்லூரியின் சொந்த மைதானத்தில் ஆரம்பமாகிய இந்தப் போட்டியின் முதல் நாள் ஆட்டம் நேற்று (01) நிறைவுக்கு வரும் வந்த போது யாழ்ப்பாண கல்லூரியின் முதல் இன்னிங்ஸை (189) அடுத்து தமது முதல் இன்னிங்ஸில் துடுப்பாடிய யாழ்.பத்திரிசியார் கல்லூரி 45 ஓட்டங்களுக்கு 3 விக்கெட்டுக்களை இழந்து காணப்பட்டிருந்தது. >>வட்டுக்கோட்டை யாழ்ப்பாண அணிக்காக அசத்திய ரொபின்சன் உதயகுமார் இன்று போட்டியின் இரண்டாம் நாளில் தமது...