නවෝද් ශ්‍රී ලාංකීය චතුර් ශතක ලැයිස්තුව විවෘත කරයි

90

ශ්‍රී ලාංකීය ක්‍රිකට් ඉතිහාසයේ ක්‍රීඩකයෙක් ලැබූ පළමු චතුර් ශතකය වාර්තා කිරීමට ගාල්ල මහින්ද විද්‍යාලයීය වයස අවුරුදු 19න් පහළ ක්‍රිකට් කණ්ඩායමේ නායක නවෝද් පරණවිතාන අද (11) සමත් විය. 

නැවුම් අත්දැකීම් සමඟින් ශූරතාවයට විද්‍යාර්ථය සූදානම්

තියුණු සටහනකින් පසුව A කාණ්ඩයේ දොරගුළු විවෘත කර ගත් මහනුවර……

අම්බලන්ගොඩ ධර්මාශෝක විද්‍යාලය සමග ගාල්ල මහින්ද විද්‍යාලයීය පිටියේ දී පැවති මෙම තරගයේ දී නවෝද් පරණවිතාන පන්දු 327කට මුහුණ දෙමින් හතරේ පහර 39ක් සහ හයේ පහර 19ක් සමඟින් ලකුණු 409ක් ලබා ගත්තේය. එය පාසල් ක්‍රිකට් ඉතිහාසයේ මෙන්ම මෙරට ක්‍රිකට් ක්‍රීඩකයෙක් ලැබූ ඉහළම පෞද්ගලික ලකුණු සංඛ්‍යාව ද වන්නේය. 

ශ්‍රී ලංකා වයස අවුරුදු 19න් පහළ ජාතික කණ්ඩායම ද නියෝජනය කරන නවෝද් පරණවිතාන වාර්තා කරන ලද මෙම චතුර් ශතකය සමඟින් මහින්ද විද්‍යාලය තම පළමු ඉනිමට සියලුම දෙනා දැවී ලකුණු 679ක් ලබා ගත් අතර එය පාසල් ක්‍රිකට් පිටියේ කණ්ඩායමක් වාර්තා කළ වැඩිම ලකුණු ප්‍රමාණය ලෙසින් ද වාර්තා පොත් සැරසුවේය. 

පෙර දිනයේ නොදැවී ලකුණු 110ක් ලබා සිටි නවෝද් අද දිනයේ වාර්තා කළ ලකුණු ප්‍රමාණය 299කි. ඔහු තෙවැනි කඩුල්ල වෙනුවෙන් සදෙව් ඉඳුවර සමග එක් වෙමින් ලකුණු 109ක සබඳතාවක් ද සහ 8 වැනි කඩුල්ල වෙනුවෙන් සුභානු රාජපක්ෂ සමග එක්වෙමින් ලකුණු 151ක සබඳතාවක් ද එක් කිරීමට සමත් වීම කැපී පෙණුනි. 

තරගය ජය පරාජයෙන් තොරව අවසන් විය.

ධර්මාශෝක විද්‍යාලය; පළමු ඉනිම සියලුම දෙනා දැවී 185 (42.2) චමිඳු ඩිල්ශාන් 77, චනක ජනාංග 26, චනුල ගුණරත්න 38, සුභානු රාජපක්ෂ 5/52, සිරිර හේලිත 2/30, කුශාන් මධූශ 2/55 සහ දෙවැනි ඉනිම කඩුලු 4ක් දැවී 25 (14) හසිත රාජපක්ෂ 11, සුභානු රාජපක්ෂ 2/08, කුශාන් මධුශ 2/13

මහින්ද විද්‍යාලය; පළමු ඉනිම (තරගය පළමු දිනයට නතර කරන විට පන්දුවාර 50කදී කඩුලු 3ක් දැවී 222) සියලුම දෙනා දැවී 679 (132) නවෝද් පරණවිතාන 409, කෞෂිත කොඩිතුවක්කු 48, ඔෂිඳු කාවින්ද්‍ය 47, සුභානු රාජපක්ෂ 42, සදෙව් ඉඳුවර 38, කවිශ මල්ලියාවඩු 31, රශ්මික මධුශංක 24, චනක ජනාංග 3/129, මනීෂ රන්දීශ 2/145, ලොහාන් ද සොයිසා 2/184

මහා තරග අතර මහා තරගය – නිල් මහා සටන

මේ රාජකීය විදුහලේ පාසල් ගීතයේ එක් කොටසකි. එහි සරල අර්ථය පොත පතින්……


කොළඹ ඩී. එස්. සේනානායක සහ කොළඹ තර්ස්ටන් 

කොළඹ තර්ස්ටන් පිටියේ දී අද නිමා වූ මෙම තරගයේ දී ඩී. එස්. සේනානායක විද්‍යාලය වෙනුවෙන් මුදිත ලක්ෂාන් නොදැවී ලකුණු 203ක් සහ තර්ස්ටන් විද්‍යාලය වෙනුවෙන් රනේශ් සිල්වා ලකුණු 124ක් ලබා ගැනීම කැපී පෙනුනි. 

මුදිත ලක්ෂාන් පන්දු 244කට මුහුණ දෙමින් හතරේ පහර 26ක් සහ හයේ පහර 2ක් සමඟින් නොදැවී ලකුණු 203ක් ලබා ගත්තේය. 

රනේශ් සිල්වා පන්දු 142 හතරේ පහර 15ක් සමඟින් ලකුණු 124ක් ලබා ගත්තේය. ඊට අමතරව බවන්ත ජයසිංහ පන්දු 104කට මුහුණ දෙමින් හතරේ පහර 14ක් සමඟින් ලකුණු 99ක් ලබා සිටිය දී අවාසනාවන්ත ලෙසින් දැවී ගියේය. 

තරගය ජය පරාජයෙන් තොරව අවසන් විය. 

ඩී. එස්. සේනානායක විද්‍යාලය; පළමු ඉනිම කඩුලු 8ක් දැවී 405 (105) මුදිත ලක්ෂාන් නොදැවී 203, චමත් යටවර 80, අමිල දාබරේ 41, එල්. සී. ගුණරත්න 23, විහස් තෙව්මික 6/142

තර්ස්ටන් විද්‍යාලය; පළමු ඉනිම සියලුම දෙනා දැවී 401 (92.4) රනේශ් සිල්වා 124, බවන්ත ජයසිංහ 99, ජයවිහාන් මහවිතාන 59, ලක්මාල් සඳුන් නොදැවී 36, මනීන්ද්‍ර ජයතිලක2/55, මුදිත ලක්ශාන් 3/109, චමත් යටවර 2/31

මොරටුව උණුසුම් කරන 70 වැනි රන් සටන

මොරටුව වේල්ස් කුමර විද්‍යාලය සහ සාන්ත සෙබස්තියන් විද්‍යාලය අතර……


රත්ගම දේවපතිරාජ සහ අම්බලන්ගොඩ ශ්‍රී දේවානන්ද

හම්බන්තොට, සූරියවැව, මහින්ද රාජපක්ෂ ජාත්‍යන්තර ක්‍රිකට් පිටියේ දී පැවති මෙම තරගය ජය පරාජයෙන් තොරව අවසන් විය. 

දේවපතිරාජ විද්‍යාලය; පළමු ඉනිම සියලුම දෙනා දැවී 173 (61.1) පවන් සදේශ් 33, සුදීර වීරරත්න 28, ජීවක ශෂීන් 21, කල්ප චේතිය 20, සුමුදු ප්‍රමෝද් 3/41, මිලක්ෂ සෙනාරත්න 3/52, චාමික පෙරේරා 2/16, කවිශ කල්පන 2/22 සහ දෙවැනි ඉනිම සියලුම දෙනා දැවී 135 (44) පවන් සංදේශ් 55, සසංක නිර්මාල් 35, කල්ප චේතිය 23, ශෙරෝන් හිනිදුමගේ 3/39, සුමුදු ප්‍රමෝද්  3/45, කවීශ කල්පන 2/10

ශ්‍රී දේවානන්ද විද්‍යාලය; පළමු ඉනිම සියලුම දෙනා දැවී 144 (46) කවීෂ කල්පන නොදැවී 31, ශෙරෝන් හිනිදුමගේ 31, චාමික පෙරේරා  22, සුදීර වීරරත්න 4/54, පවන් සංදේශ් 3/21, ඉරුශ්ක තිමිර 2/17, සහ දෙවැනි ඉනිම කඩුලු 9ක් දැවී 84 (40) බුද්ධි ද සිල්වා 20, ඉරුශ්ක තිමිර 5/29, සුදීර වීරරත්න 4/30


මාතර සාන්ත තෝමස් සහ කෑගල්ල සාන්ත මරියා

මාතර උයන්වත්ත ක්‍රීඩාංගණයේ දී අද ආරම්භ වූ මෙම තරගයේ කාසියේ වාසිය දිනා ගත් සංචාරක කණ්ඩායමේ නායකයාගේ ආරාධනාව අනුව පළමුවෙන් පන්දුවට පහර දීමට පිටියට පිවිසි සාන්ත තෝමසුවෝ සියලුම දෙනා දැවී ලකුණු 143ක් ලබා ගත්හ. 

ඊට පිළිතුරු ලෙසින් සාන්ත මරියා ක්‍රීඩකයන්ට ලබා ගත හැකි වූයේ සියලුම දෙනා දැවී ලකුණු 46ක් පමණි. ලකුණු 97ක් ඉදිරියෙන් සිටිමින් තම දෙවැනි ඉනිම ආරම්භ කළ සාන්ත තෝමසුවෝ තරගය පළමු දිනයට නතර කරන විට කඩුල්ලක් දැවී ලකුණු 42ක් ලබා සිටියහ. 

සාන්ත තෝමස් විද්‍යාලය; පළමු ඉනිම සියලුම දෙනා දැවී 143 (45.5) හරිඳු ජයසේකර 30, වෝෂිත අමරසිංහ 27, නිපුන් සමරසිංහ 25, සිනෙත් ඉශාන් 4/36, ප්‍රවීන් ලියනගේ 2/21 සහ දෙවැනි ඉනිම කඩුල්ලක් දැවී 42 (9)

සාන්ත මරියා විද්‍යාලය; පළමු ඉනිම සියලුම දෙනා දැවී 46 (26.5) සචිර රශ්මික 4/07, සිනෙත් දිසානායක 3/12, හිරුෂ ජීවජිත් 2/11

මෙම තරගය හෙට (12) දෙවැනි දිනයට ක්‍රියාත්මක වීමට නියමිතය.

>> තවත් ක්‍රිකට් පුවත් සඳහා පිවිසෙන්න <<