නිමා වූ 2010 – 2020 දශකය තුළ ලෝක ක්‍රිකට් ක්‍රීඩාවේ විශිෂ්ට දස්කම් දැක්වූ ක්‍රීඩකයන් වෙනුවෙන් පිරිනැමෙන “දශකයේ ක්‍රීඩකයා” හෙවත් “Player of the Decade” සම්මාන සඳහා වන ක්‍රීඩක නිර්දේශ ලැයිස්තුව පසුගියදා නිකුත් කර තිබිනි.
මෙලෙස නිකුත් කළ ජාත්‍යන්තර ක්‍රිකට් කවුන්සිලයේ “දශකයේ ක්‍රීඩකයා” සම්මානය සඳහා ශ්‍රී ලංකාව බිහිකළ ලොව විශිෂ්ටතම වමත් පිතිකරුවා වන කුමාර් සංගක්කාර නිර්දේශ වී තිබේ.
මෙම සම්මාන සඳහා දශකයේ ක්‍රීඩකයා (Player of the Decade), දශකයේ ටෙස්ට් ක්‍රීඩකයා (Test player of the decade), දශකයේ එක්දින ක්‍රීඩකයා (ODI player of the decade), දශකයේ විස්සයි විස්ස ක්‍රීඩකයා (T20 player of the decade) සහ දශකයේ වඩාත්ම ජීව ගුණය සහිත ක්‍රීඩකයා (ICC Spirit of Cricket Award) යන සම්මාන 5 ක් ඇතුළත් වේ.
කුමාර් සංගක්කාරට අමතරව දශකයේ ක්‍රීඩකයා සම්මානය සඳහා තවත් ක්‍රීඩකයන් 6 දෙනෙකු ඇතුළත් වේ. ඉන්දීය ක්‍රීඩකයන් වන Virat Kohli සහ Ravichandran Ashwin, එංගලන්ත ක්‍රීඩක Joe Root, දකුණු අප්‍රිකානු ක්‍රීඩක AB De Villiers සහ නවසීලන්ත ක්‍රීඩක Kane Williamson සෙසු නිර්දේශ වේ.
මේ අතර “දශකයේ එක්දින ක්‍රීඩකයා” සම්මානය සඳහා ශ්‍රී ලංකා ප්‍රබල ක්‍රීඩක සහ විස්සයි විස්ස නායක ලසිත් මාලිංග නිර්දේශ කර තිබේ. කුමාර් සංගක්කාර ද එම සම්මානය සඳහා නිර්දේශ වී තිබීම විශේෂත්වයකි.
මෙම සම්මානය සඳහා මාලිංග සහ සංගක්කාරට අමතරව සෙසු ක්‍රීඩකයන් ලෙස ඉන්දීය හිටපු නායක Mahendra Singh Dhoni, Rohit Sharma මෙන්ම ඉන්දීය වත්මන් නායක Virat Kohli, ඕස්ට්‍රේලියානු වේගපන්දු යවන ක්‍රීඩක Mitchell Starc සහ දකුණු අප්‍රිකානු ක්‍රීඩක AB de Villiers ඇතුළත් වේ.
ජාත්‍යන්තර ක්‍රිකට් කවුන්සිලය නිර්දේශ කළ “දශකයේ විස්සයි විස්ස ක්‍රීඩකයා” සඳහා ද ශ්‍රී ලංකා වේගපන්දු යවන ක්‍රීඩක ලසිත් මාලිංග ඇතුළත් වේ. මෙම සම්මානය සඳහා ද ඉන්දීය නායක Virat Kohli නිර්දේශ වී තිබීම විශේෂත්වයකි. සෙසු නිර්දේශ ලෙස ඇෆ්ගනිස්තාන ක්‍රීඩක Rashid Khan, දකුණු අප්‍රිකානු ක්‍රීඩක Imran Tahir, කොදෙව් ක්‍රීඩක Chris Gayle සහ ඕස්ට්‍රේලියානු පිතිකරු Aaron Finch ඇතුළත් වේ.
මේ අතර එලෙස නිර්දේශ කළ “දශකයේ ටෙස්ට් ක්‍රීඩකයා” සම්මානය සඳහා ශ්‍රී ලංකා කණ්ඩායමේ හිටපු දඟපන්දු යවන ක්‍රීඩක රංගන හේරත් ඇතුළත් වේ. ඔහුට අමතරව ඉන්දීය නායක Virat Kohli, ඕස්ට්‍රේලියානු ක්‍රීඩක Steve Smith, නවසීලන්ත ක්‍රීඩක Kane Williamson, එංගලන්ත ක්‍රීඩක James Anderson සහ පාකිස්තාන ක්‍රීඩක Yasir Shah ඇතුළත් වේ.
තවත් ක්‍රිකට් පුවත් කියවන්න:
- වාඩා මචාං සමඟ එන Jaffna Stallions
- විවේචනවලට මාලිංගගෙන් සැර පිළිතුරක්!
- Galle Gladiators නායකයාට අකරතැබ්බයක්
- LPL 2020 තරගාවලියේ නිල සංචිත එළිදැක්වෙයි
- “Dambulla Viiking නායකයා කවුද කියලා දැන්ම කියන්න බැහැ” – පුහුණුකරු
පසුගිය දශකය තුළ ක්‍රීඩක ජීව ගුණය ආරක්ෂා කිරීම සම්බන්ධයෙන් පිරිනැමෙන ICC Spirit of Cricket සම්මානය සඳහා හිටපු ශ්‍රී ලංකා නායක මහේල ජයවර්ධන නිර්දේශ වී තිබේ.
ජාත්‍යන්තර ක්‍රිකට් කවුන්සිලය විසින් නිකුත් කළ මෙම නිර්දේශ වල සියලු සම්මාන සඳහා ඉන්දීය නායක විරාත් කෝලි නම් කර තිබීම විශේෂත්වයකි.
මෙම එක් එක් සම්මාන සඳහා ජයග්‍රාහකයන් තෝරාගැනීම ජාත්‍යන්තර මට්ටමේ ඡන්ද විමසීමක් ඔස්සේ සිදුකිරීමට නියමිතය. ඒ සඳහා ජාත්‍යන්තර ක්‍රිකට් කවුන්සිලයේ නිල වෙබ් අඩවිය ඔස්සේ ඔබට ද ඡන්දය භාවිතා කිරීමට අවස්ථාව ලබාදී තිබේ.
මෙම සම්මාන නිර්දේශ සඳහා කාන්තා ක්‍රිකට් ක්‍රීඩිකාවන්ගේ ද ලැයිස්තුවක් ජාත්‍යන්තර ක්‍රිකට් කවුන්සිලය විසින් නිකුත්කර තිබූ අතර ඒ සඳහා කිසිඳු ශ්‍රී ලාංකික ක්‍රීඩිකාවක නම් කර නැත.
ජාත්‍යන්තර ක්‍රිකට් කවුන්සිලය විසින් එක් එක් සම්මාන සඳහා නම් කළ සම්පූර්ණ නිර්දේශ මෙසේයි.
ICC දශකයේ ක්‍රීඩකයා(Men’s player of the decade): Virat Kohli (ඉන්දියාව) Ravichandran Ashwin (ඉන්දියාව), Joe Root (එංගලන්තය), Kane Williamson (නවසීලන්තය), Steve Smith (ඕස්ට්‍රේලියාව), AB de Villiers (දකුණු අප්‍රිකාව) සහ කුමාර් සංගක්කාර (ශ්‍රී ලංකාව).
දශකයේ එක්දින ක්‍රීඩකයා (Men’s ODI player of the decade) :Virat Kohli (ඉන්දියාව), Lasith Malinga (ශ්‍රී ලංකාව), Mitchell Starc (ඕස්ට්‍රේලියාව), AB de Villiers (දකුණු අප්‍රිකාව), Rohit Sharma (ඉන්දියාව), MS Dhoni (ඉන්දියාව) සහ කුමාර් සංගක්කාර (ශ්‍රී ලංකාව).
දශකයේ ටෙස්ට් ක්‍රීඩකයා(Men’s Test player of the decade): Virat Kohli (ඉන්දියාව), Kane Williamson (නවසීලන්තය), Steve Smith (ඕස්ට්‍රේලියාව), James Anderson (එංගලන්තය), රංගන හේරත් (ශ්‍රී ලංකාව) සහ Yasir Shah (පාකිස්තානය).
දශකයේ විස්සයි විස්ස ක්‍රීඩකයා(Men’s T20 player of the decade): Rashid Khan (ඇෆ්ගනිස්තානය), Virat Kohli (ඉන්දියාව), Imran Tahir (දකුණු අප්‍රිකාව), Aaron Finch (ඕස්ට්‍රේලියාව), ලසිත් මාලිංග (ශ්‍රී ලංකාව), Chris Gayle (බටහිර ඉන්දීය කොදෙව්) සහ Rohit Sharma (ඉන්දියාව).
දශකයේ වඩාත්ම ජීව ගුණය සහිත ක්‍රීඩකයා (ICC Spirit of Cricket Award of the Decade) : Virat Kohli (ඉන්දියාව), Kane Williamson (නවසීලන්තය), Brendon McCullum (නවසීලන්තය), Misbah-ul-Haq (පාකිස්තානය), MS Dhoni (ඉන්දියාව), Anya Shrubsole (එංගලන්තය), Katherine Brunt (එංගලන්තය), මහේල ජයවර්ධන (ශ්‍රී ලංකාව) සහ Daniel Vettori (නවසීලන්තය).
දශකයේ එක්දින ක්‍රීඩිකාව (Women’s ODI Player of the Decade) : Meg Lanning (ඕස්ට්‍රේලියාව), Ellyse Perry (ඕස්ට්‍රේලියාව), Mithali Raj (ඉන්දියාව), Suzie Bates (නවසීලන්තය), Stafanie Taylor (බටහිර ඉන්දීය කොදෙව්) සහ Jhulan Goswami (ඉන්දියාව).
දශකයේ කාන්තා ක්‍රීඩිකාව (Women’s Player of the Decade) : Ellyse Perry (ඕස්ට්‍රේලියාව), Meg Lanning (ඕස්ට්‍රේලියාව), Suzie Bates (නවසීලන්තය), Stafanie Taylor (බටහිර ඉන්දීය කොදෙව්), Mithali Raj (ඉන්දියාව), Sarah Taylor (එංගලන්තය).
මෙම සම්මාන සඳහා නිර්දේශිත ක්‍රීඩකයන් සඳහා ඔබට ද ඡන්දය භාවිතා කළ හැක. ඒ සඳහා පහත වෙබ් අඩවියට පිවිසෙන්න.
මෙම ඡන්දයට අනුව එක් එක් සම්මාන සඳහා වන ක්‍රීඩකයන් එළඹෙන දෙසැම්බර් මස 18 වනදා නම් කිරීමට නියමිතය.
>> තවත් ක්‍රිකට් පුවත් සඳහා පිවිසෙන්න <<
