දකුණු අප්‍රිකා හා සිම්බාබ්වේ ක්‍රිකට් කණ්ඩායම්වලට එරෙහිව පැවැත්වීමට නියමිත විස්සයි විස්ස තරගාවලිවලට සහභාගී වන පාකිස්තාන සංචිතයට Fakhar Zaman කැඳවා තිබෙනවා.
මීට පෙර ඔහුව විස්සයි විස්ස කණ්ඩායමට නම් කර නොතිබුණු අතර දකුණු අප්‍රිකාව සමඟ එක්දින තරගාවලිය අවසන් වීමෙන් අනතුරුව ඔහු නැවත සිය මව් රට බලා පිටත්ව යෑමට නියමිතව තිබුණා.
දකුණු අප්‍රිකාවට එරෙහිව පැවැත්වුණු එක්දින තරගාවලියේ දී ආරම්භක පිතිකරු Fakhar Zaman අඛණ්ඩව ශතක දෙකක් වාර්තා කිරීමත් සමඟම ඔහුට විස්සයි විස්ස කණ්ඩායමට කැඳවුම් ලැබුණා.
ටෙස්ට් සංචිතයට නම් කෙරුණු පා දඟපන්දු යවන ක්‍රීඩක Zahid Mahmood, ආබාධයකට ලක්වූ Shadab Khan වෙනුවට සිම්බාබ්වේ විස්සයි විස්ස තරගාවලියට කැඳවා තිබීම විශේෂත්වයක්.
Zamanගේ ආගමනයත් සමඟ පාකිස්තාන කණ්ඩායමේ විස්සයි විස්ස මුල්පෙළ පිතිකරුවන් පස් දෙනෙක් සිටීම කැපී පෙනෙනවා. වසර හතරකට පසුව Sharjeel Khan ද පාකිස්තාන කණ්ඩායමට කැඳවා තිබෙන අතර Zaman හා තරගයට Babar Azam, Mohammad Rizwan හා Haider Ali ද සංචිතයේ සිටිනවා.
තවත් ක්‍රිකට් පුවත්:
- අළු ගසා දමමින් නැඟිටින නායක Dhoniගේ කහ හමුදාව!
- ශ්‍රී ලංකා කණ්ඩායමට කොරෝනා එන්නත ලබා දීම ඇරඹේ
- ලෙජන්ඩ්ස් තරගයට දින වැටෙයි; ප්‍රේක්ෂකයින්ට කණගාටුදායක පුවතක්
Zaman අවසන් වරට විස්සයි විස්ස තරගයක් ක්‍රීඩා කළේ පසුගිය නොවැම්බර් මාසයේ දීයි. Covid-19 රෝග ලක්ෂණ මතු වීම නිසා ඔහුට නවසීලන්ත සංචාරය ද අහිමි වුනා. කෙසේ වෙතත් Wanderers ක්‍රීඩාංගණයේ දී දකුණු අප්‍රිකාවට එරෙහිව පන්දු 154කට ලකුණු 195ක් රැස් කරමින් Zaman පාකිස්තාන තේරීම් කමිටුවේ අවධානය දිනා ගත් අතර එම ඉනිමත් සමඟ ඔහු ICC පිතිකරු ශ්‍රේණිගත කිරීම්වල ඉදිරියට ද පැමිණෙන්නට සමත් වුනා.
තරගාවලියේ ජයග්‍රාහකයා තීරණය වුණු තෙවැනි එක්දින තරගයේ දී Zaman පන්දු 104ක දී ලකුණු 101ක් රැස් කළේ විස්සයි විස්ස කණ්ඩායමේ ද අසුනක් තමාගේ නමට ලියා ගනිමිනුයි.
පාකිස්තානය දකුණු අප්‍රිකාවට එරෙහිව විස්සයි විස්ස තරග හතරක් ක්‍රීඩා කිරීමට නියමිත අතර අනතුරුව සිම්බාබ්වේ හිදී ටෙස්ට් තරග දෙකක් හා විස්සයි විස්ස තරග තුනක් ද ක්‍රීඩා කිරීමට නියමිතයි.
පාකිස්තාන විස්සයි විස්ස සංචිතය: Babar Azam (C), Sharjeel Khan, Mohammad Hafeez, Haider Ali, Danish Aziz, Asif Ali, Mohammad Nawaz, Faheem Ashraf, Mohammad Rizwan (කඩුලු රකින), Sarfaraz Ahmed (කඩුලු රකින), Shaheen Shah Afridi, Mohammad Wasim Jr, Haris Rauf, Mohammad Hasnain, Usman Qadir, Hasan Ali, Arshad Iqbal, Fakhar Zaman, Zahid Mahmood
Cricinfo ඇසුරින්
>> තවත් ක්‍රිකට් පුවත් සඳහා පිවිසෙන්න <<
