ශ්‍රී ලංකාව සමඟ පැවැත්වීමට නියමිත තරග තුනකින් සමන්විත විස්සයි විස්ස ක්‍රිකට් තරගාවලිය සඳහා ක්‍රීඩකයින් 16 දෙනෙකුගෙන් සමන්විත ඇෆ්ගන් සංචිතයක් ප්‍රකාශයට පත් කර තිබෙනවා.
නිමා වූ එක්දින ක්‍රිකට් ලෝක කුසලානයෙන් පසුව පිට කොන්දේ ආබාධයක් නිසා ජාත්‍යන්තර ක්‍රිකට් පිටියෙන් ඈත් වූ නිත්‍ය විස්සයි විස්ස නායක Rashid Khan තවදුරටත් සුවය ලබමින් සිටින නිසා මෙම තරගාවලිය සඳහා ද ඔහුහේ නම සංචිතයට ඇතුළත් වී නැහැ. Rashid මෙම ආබාධය හේතුවෙන් ඕස්ට්‍රේලියාවේ Big Bash ලීගය, දකුණු අප්‍රිකාවේ SA20 තරගාවලිය මෙන්ම, එළඹෙන පාකිස්තානයේ PSL තරගාවලියෙන් ද ඉවත් වීමට පියවර ගත්තා. එමෙන්ම ඇෆ්ගනිස්තානයේ ඉන්දීය සංචාරය ද මෙම ආබාධය නිසා Rashidට අහිමි වුනා.
මේ අනුව මෙම තරගාවලිය සඳහා ද Ibrahim Zadran ඇෆ්ගන් නායකයා ලෙස කටයුතු කරනු ඇති අතර, Rashidට අමතරව Mujeeb Ur Rahmanගේ දායකත්වය ද මෙම තරගාවලියේ දී ඔහුට අහිමි ව යනු ඇති.
Mujeeb ද ආබාධයක් නිසා සංචිතයෙන් ඉවත් කර ඇති අතර, ඊට අමතරව Mohommad Saleem ද ආබාධයක් හේතුවෙන් සංචිතයට ඇතුළත් වී නැහැ.
මේ අතර ඉන්දියාව සමඟ පැවැත්වුණු විස්සයි විස්ස තරගාවලියට සහභාගී වූ ඇෆ්ගන් සංචිතයේ සිටි Ikram Alikhil සහ Rahmat Shah යන දෙදෙනා ව ද මෙම සංචිතයෙන් ඉවත් කර තිබීම විශේෂත්වයක්.
මේ වෙනුවට Mohammad Ishaq සහ Wafadar Momand යන ක්‍රීඩකයින් සංචිතයට ඇතුළත් කර තිබෙනවා.
- බංග්ලාදේශ ක්‍රිකට්වල වෙනස්කම් රැසක්!
- ඔස්ට්‍රේලියා යෞවනයෝ ඉන්දියාව දණ ගස්වයි
- උගන්ඩා ක්‍රීඩකයෝ සංවර්ධිත කණ්ඩායමට පරාජය වේ
- ඇෆ්ගනිස්තානය සමඟ T20 තරගාවලියට ශ්‍රී ලංකා සංචිතය නම් කරයි
ඇෆ්ගන් විස්සයි විස්ස සංචිතය මෙසේයි;
Ibrahim Zadran (නායක), Rahmanullah Gurbaz, Mohammad Ishaq, Hazratullah Zazai, Gulbadin Naib, Mohammad Nabi, Najibullah Zadran, Azmatullah Omarzai, Karim Janat, Sharafuddin Ashraf, Fazalhaq Farooqi, Fareed Ahmad, Naveen-ul-Haq, Noor Ahmad, Wafadar Momand, Qais Ahmad
පෙබරවාරි 17, 19 සහ 21 යන දින වල දී ශ්‍රී ලංකා – ඇෆ්ගනිස්තාන විස්සයි විස්ස තරගාවලියේ තරග ත්‍රිත්වය පැවැත්වීමට නියමිතයි.
ඇෆ්ගන් – ශ්‍රී ලංකා ක්‍රිකට් ගැටුම පිළිබඳ සියලු උණුසුම් තතු විත්ති ඔබ වෙත සමීප කිරීමට ThePapare සූදානම්, රැඳී සිටින්න ශ්‍රී ලංකාවේ අංක එකේ ක්‍රීඩා නාලිකාව ThePapare සමඟින්.
>> තවත් ක්‍රිකට් පුවත් සඳහා පිවිසෙන්න <<
