උෂාන් තිවංකගෙන් ජයග්‍රාහී ආරම්භයක්

ඇමරිකාවේ වාසය කරන ශ්‍රී ලංකා මලල ක්‍රීඩක උෂාන් තිවංක ඊයේ (11) පැවති Tiger Paw Invitational ගෘහස්ථ තරගාවලියේ උස පැනීම ඉසව්වේ පළමු ස්ථානය දිනා ගැනීමට සමත් වුනා.

ටෙක්සාස් නුවර A&M සරසවිය නියෝජනය කරමින් තරග වදින ඔහු තරගාවලියේ පළමු ස්ථානය මීටර් 2.25ක දස්කමක් දක්වමින් දිනා ගනිද්දී, එම දස්කම ම දක්වමින් Trey Allen දෙවැනි තැන දිනා ගත්තා.

මෙය උෂාන් මෙවර තරග වාරයේ සහභාගී වූ පළමු තරගය වූ අතර එම තරගයේම කැපී පෙනෙන දස්කම් දැක්වීමට ඔහුට හැකි වීම මෙවර තරග වාරය සඳහා හොඳ ආරම්භයක්.

පිරිමි උස පැනීම ඉසව්වේ මීටර් 2.30 දස්කමක් දක්වමින් දකුණු ආසියානු වාර්තාවට හිමිකම් කියන උෂාන් පසුගිය වසරේ දී මීටර් 2.27ක දස්කමක් දක්වමින් ඉසව්වේ ගෘහස්ථ ජාතික වාර්තාව ද බිඳ හෙළන්නට සමත් වුනා.

• Yohan Blake ක්‍රීඩා පිටියෙන් සමුගැනීමට දින නියම කරයි
• Asian Games Fun Run වැඩසටහන වරාය නගරයේ දී
• හිමාෂ ඒෂාන්ගේ තරග තහනම දීර්ඝ වෙයි
• SPRYNG™ සන්නාම තානාපති ධුරය Gabby Thomasට

ඔහු පසුගිය වසරේ පැවති පොදුරාජ්‍ය මණ්ඩලීය ක්‍රීඩා උළෙල සඳහා නම් කළ මලල ක්‍රීඩා සංචිතයට ද ඇතුළත් වූ නමුත් පෞද්ගලික හේතුවක් නිසාවෙන් එම තරගාවලියට සහභාගී වීම ඔහු ප්‍රතික්ෂේප කළා.

උෂාන්ගේ වර්තමාන දස්කම් අනුව ඔහු ආසියානු කලාපයේ ක්‍රීඩකයින් අතර ඉහළින් සිටින නිසාවෙන් මෙම වසරේ පැවැත්වීමට නියමිත ආසියානු ක්‍රීඩා උළෙලේ පදක්කම් දිනා ගැනීමට ඔහුට විශාල හැකියාවක් තිබෙනවා.

>> තවත් මලල ක්‍රීඩා පුවත් සඳහා පිවිසෙන්න<<