බංගබන්ධු මධ්‍යම ආසියානු වෙලිබෝල් ශූරතාවලියේ අවසන් මහා තරගය පසුගිය දෙසැම්බර් 28 වැනිදා ශ්‍රී ලංකාව හා සත්කාරක බංග්ලාදේශය අතර පැවැත්වුනා. එම තරගය වට 3-0ක් ලෙස ජය ගත්තේ ශ්‍රී ලංකාවයි.
ඒ සමඟම මධ්‍යම ආසියානු වොලිබෝල් ශූරතාවය ශ්‍රී ලංකාවට හිමි වුනා. තරගය පැවැත්වුනේ බංග්ලාදේශයේ ඩකා නුවරයි.
- පහරට පහරින් උණුසුම් වූ අවසන් සංග්‍රාමයේ ජයග්‍රහණය දෙබෑගමට
- මධ්‍යම ආසියාව ජය ගන්න ශ්‍රී ලංකා වොලිබෝල් කණ්ඩායම් ඉගිළෙයි
- ප්‍රතිවාදීන් මෙල්ල කරමින් විජය ක්‍රීඩිකාවන් ශූරතාව රැගෙන යයි
ශ්‍රී ලංකා කණ්ඩායම ලසිඳු මෙත්මාල්ගේ නායකත්වයෙන් තරග වැදුණා. තරගාවලිය පුරාම අපරාජිතව සිටි ශ්‍රී ලංකාව වට තුන ජය ගත්තේ ලකුණු 28-26ක්, 25-20ක් හා 25-20ක් ලෙසයි. ශ්‍රී ලංකාව අවසන් තරගයට පෙර ඔවුන් සහභාගී වූ තරග සියල්ලම ජය ගෙන සිටියා. මූලික වටයේ දී ශ්‍රී ලංකාව බංග්ලාදේශය පරාජය කළේ තරග වට 3-1ක් ලෙසයි.
මහේල ඉන්දීවර හා දනුෂ්ක දිල්ශාන් හොඳම ප්‍රහාරකයා හා හොඳම පන්දු සකසන්නා ලෙස සම්මාන දිනා ගත්තා. Kyrgyzstan පරාජය කළ ශ්‍රී ලංකා කාන්තා කණ්ඩායම එම තරගාවලියේ තුන්වැනි ස්ථානය දිනා ගත්තා.
>> තවත් වොලිබෝල් පුවත් සඳහා පිවිසෙන්න <<
