ශ්‍රී ලංකාවේ සංචාරයක නිරත වීමට නියමිත බංග්ලාදේශ ටෙස්ට් කණ්ඩායමේ ක්‍රීඩකයින් මේ දිනවල පැවැත්වෙන එරට පළමු පෙළ ක්‍රිකට් තරගාවලිය වන ජාතික ක්‍රිකට් ලීගයේ (NCL) තෙවැනි වටය ක්‍රීඩා නොකර සිටීමට සූදානම් වෙනවා. ඒ බංග්ලාදේශයේ COVID-19 ආසාදිතයින් ඉහළ යෑම නිසයි.
බංග්ලාදේශය මේ වසර මුල දී සංචාරක බටහිර ඉන්දීය කොදෙව් කණ්ඩායමට එරෙහිව 2-0ක් ලෙස ටෙස්ට් තරගාවලිය පරාජය වුනා. එම හේතුව නිසා බංග්ලාදේශ ක්‍රිකට් පාලක මණ්ඩලය බංග්ලාදේශ ක්‍රිකට් ක්‍රීඩකයින් සියලු දෙනාට NCL තරගාවලියේ ක්‍රීඩා කිරීම අනිවාර්ය කළා.
මේ වන විට තරගාවලියේ අදියර දෙකක් ක්‍රියාත්මක වී ඇති අතර බංග්ලාදේශයේ මේ වන විට එම තරගාවලිය ක්‍රීඩා කරන ක්‍රීඩකයින්ට COVID-19 වයිරසය වැළඳීමේ අවකාශය ඉහළ ගොස් ඇති නිසා එම ක්‍රීඩකයින් තෙවැනි අදියරෙන් ඉවත් කර ගැනීමට බංග්ලාදේශ ක්‍රිකට් පාලක මණ්ඩලය තීරණය කර තිබෙනවා.
බංග්ලාදේශ එක්දින හා විස්සයි විස්ස කණ්ඩායම මේ දිනවල නවසීලන්තයේ ද සංචාරයක නිරත වෙනවා.
බංග්ලාදේශ ක්‍රිකට් තේරීම් කමිටු ප්‍රධානී Minhajul Abedin පසුගිය බදාදා (31) මේ පිළිබඳව Cricbuzz වෙත පවසා තිබුණා. “වැඩි වන කොරෝනා රෝගීන් නිසා ශ්‍රී ලංකා ටෙස්ට් සංචාරයට එක්වන ක්‍රීඩකයින් NCL තරගාවලියේ වටය ක්‍රීඩා කරන්නේ නැහැ. අපිට කිසිම අවදානමක් ගන්නට අවශ්‍ය නැහැ.”
තවත් ක්‍රිකට් පුවත්:
- ශ්‍රී ලංකා පිතිකරණය බිඳ වැටෙද්දී පැතුම්ගෙන් සටන්කාමි පිතිකරණයක්
- ප්‍රබල ක්‍රීඩකයෙකු IPL තරගාවලිය මඟහරී!
- චමිඳු වික්‍රමසිංහ ශතකයකින් දිනය හැඩකරයි
බංග්ලාදේශ ටෙස්ට් ක්‍රීඩකයින් කිහිප දෙනෙකුටම COVID-19 වැළඳීම නිසා NCL තරගාවලිය ක්‍රීඩා කරන්නට නොහැකි වී තිබුණා. Shadman Islam හට අදියර දෙකම අහිමි වූ අතර Ebadat Hossainට පළමු අදියරේ තෙවැනි දිනයේ දී COVID-19 වැළඳී ඇතැයි අනාවරණය වුනා. වේගපන්දු යවන Khaled Ahmed හට ද වයිරසය ආසාදනය වීම නිසා දෙවැනි අදියර අහිමි වුනා.
NCL තරගාවලියේ තෙවැනි දියර අප්‍රේල් 5 වැනිදා ආරම්භ වීමට නියමිතයි. එරට පවතින තත්වය මත ජෛව ආරක්‍ෂිත බුබුලක ක්‍රීඩකයින් රඳවමින් ක්‍රීඩාංගණ දෙකක පමණක් තරග පැවැත්වෙනු ඇත.
එම තරගාවලියේ පළමු අදියර Khulna, Rajshahi, Barisal හා BKSP හිදී පැවැත්වුණා. විවිධ තත්වයන්ට ක්‍රීඩකයින් හුරු කිරීමේ අරමුණින් බංග්ලාදේශ ක්‍රිකට් පාලක මණ්ඩලය තරගාවලිය විවිධ ක්‍රීඩාංගණවල දී පැවැත්වීමට සැලසුම් කර තිබුණා.
Cricbuzz ඇසුරින්
>> තවත් ක්‍රිකට් පුවත් සඳහා පිවිසෙන්න <<
 තෙවැනි වටය ක්‍රීඩා නොකර සිටීමට සූදානම් වෙනවා. ඒ බංග්ලාදේශයේ COVID-19 ආසාදිතයින් ඉහළ යෑම නිසයි.){kind=link}