ශ්‍රී ලංකා ක්‍රිකට් කණ්ඩායමේ හිටපු නායක සහ සුපිරි පිතිකරු කුමාර් සංගක්කාර, 2021 ඉන්දීය ප්‍රිමියර් ලීග් ක්‍රිකට් තරගාවලියේ රාජස්ථාන් රෝයල්ස් කණ්ඩායමේ ක්‍රීඩා අධ්‍යක්ෂක ලෙස තෝරා පත්කර ගෙන තිබෙනවා. මේ බව රාජස්ථාන් රෝයල්ස් කණ්ඩායමේ නිල twitter ගිණුම හරහා නිවේදනයක් නිකුත් කරමින් ඔවුන් තහවුරු කර තිබුණා.
එසේම රාජස්ථාන් රෝයල්ස් කණ්ඩායමේ නව නායකයා ලෙස Sanju Samson තෝරා පත් කර ගෙන ඇති අතර සංගක්කාර තමන් සතුව තිබෙන ජාත්‍යන්තර ක්‍රිකට් පිටියේ අත්දැකීම් සහ IPL පිටියේ අත්දැකීම් මේ ක්‍රීඩකයින් හට ලබා දෙනු ඇත.
තවත් ක්‍රිකට් පුවත්:
මෙවර රාජස්ථාන් රෝයල්ස් කණ්ඩායමේ ප්‍රධාන පුහුණුකරු ලෙස Andrew McDonald මහතා කටයුතු කිරීමට නියමිත අතර Shane Warne ඔවුන්ගේ කණ්ඩායමේ සන්නාම තානාපති (Brand ambassador) ලෙස වැඩ කටයුතු කිරීමට නියමිතයි.
2020 වසරේ එක්සත් අරාබි එමීර් රාජ්‍යයේ දී පැවති අවසන් ඉන්දීය ප්‍රිමියර් ලීග් ක්‍රිකට් තරගාවලියේ දී රාජස්ථාන් රෝයල්ස් අවසන් ස්ථානයට පත්වුනා.
Marylebone ක්‍රිකට් සමාජයේ (MCC) සභාපති ලෙස ද කටයුතු කරනු ලබන කුමාර් සංගක්කාර 2021 වසරේ ජනවාරි මස 28 වැනිදා සිට පෙබරවාරි මස 06 වැනිදා දක්වා Sheikh Zayed ක්‍රිකට් පිටියේ දී පැවැත්වීමට නියමිත අබුඩාබි T10 ක්‍රිකට් තරගාවලියේ Team Abu Dhabi හි කණ්ඩායම් උපදේශක ලෙස ද කටයුතු කිරීමට නියමිතයි.
>> තවත් ක්‍රිකට් පුවත් සඳහා පිවිසෙන්න <<
