අර්ධ මැරතන් ඉසව්වේ වත්මන් ලෝක වාර්තාවට හිමිකම් කියන කෙන්යානු දිගු දුර ධාවන ශූර Geoffrey Kamworor පසුගියදා රිය අනතුරකට පත්ව ඇති බව ජාත්‍යන්තර මාධ්‍ය වාර්තා කරන ලදි.
බ්‍රිතාන්‍ය මලල ක්‍රීඩා ශූරයන් තේරීමට දින නියම වේ
ලොව පැතිර යන කොරෝනා වසංගතය නිසාවෙන් කල් දැමීමට සිදු වූ බ්‍රිතාන්‍ය මලල ක්‍රීඩා ශූරතාවලිය මෙම වසරේ…
සිය පුහුණුවීම් අතරතුර යතුරු පැදියක ගැටීමෙන් මෙම අනතුර සිදුවී ඇති අතර එය පිළිබඳව අදහස් දක්වමින් Kamworor ප්‍රකාශ කර සිටියේ එම අනතුරින් ඔහුගේ හිසට සහ පාදයට යම් ආබාධයක් සිදු වූ බවයි.
“මම නිවසේ ඉඳන් කිලෝමීටරයක් විතර දුරින් මගේ පුහුණුවීම් කටයුතු සිදුකරමින් සිටියේ. ඒ වෙලාවේ වේගයෙන් පැමිණි යතුරු පැදියක් මගේ පිටුපසින් හැප්පීම නිසා මගේ පාදය සහ හිස ආබාධයකට ලක්වුනා. පසුව එහි රියදුරු විසින්ම මාව රෝහල කරා ගෙන යාමට කටයුතු කළා.” යැයි ඔහු වැඩිදුරටත් ප්‍රකාශ කර සිටියේය.
රෝහලට ගෙන යාමෙන් අනතුරුව ඔහුව යම් ශල්‍යකර්මයකට භාජනය කර ඇති අතර ඔහුගේ තත්වය පිළිබඳව ඔහු හට ප්‍රතිකාර කළ වෛද්‍යවරයා ‘Daily Nation Newspaper’ වෙත අදහස් දක්වමින් ප්‍රකාශ කර තිබුනේ අනතුරින් ඔහුගේ දකුණු පාදයේ යම් අස්ථි බිඳීමක් සහ හිසට යම් තුවාල සිදු වී තිබූ නමුත් ශල්‍යකර්මයෙන් අනතුරුව ඔහුගේ තත්වය යහපත් බවයි.
තවමත් 26 වන වියෙහි පසුවන ඔහු 2011 වසරේ පැවති ලෝක කණිෂ්ට රට හරහා දිවීමේ තරගයේ රන් පදක්කම දිනා ගනිමින් ජාත්‍යන්තර පිටියට පිවිසියේය. දීර්ඝ කාලයක් මුළුල්ලේ දිගු දුර ධාවන පිටියෙහි දස්කම් දැක්වීමෙන් අනතුරුව 2019 වසරේ පැවති ‘Copenhagen Half Marathon’ තරගය මිනිත්තු 58:01ක කාලයකින් අවසන් කරමින් එම ඉසව්වේ ලෝක වාර්තාව පිහිටුවීමට සමත් විය.
ලොව විශාලතම මැරතන් තරගයටත් කොරෝනා හරස් වෙයි
ලොව පුරා පැතිර යන කොරෝනා වයිරස තත්වය නිසාවෙන් සුප්‍රකට නිව්යෝක් මැරතන් තරගය අවලංගු කිරීමට තීරණය…
එමෙන්ම එම වසරේම සුප්‍රකට නිව්යෝක් මැරතන් තරගය ද ජය ගැනීමට මොහු සමත් විය. මෙම අනතුර පිළිබඳව සැලවීමෙන් පසුව Kamwororගේ කණ්ඩායම් සගයෙකු මෙන්ම මැරතන් ඉසව්වේ ලෝක ශූරයා වන Eliud Kipchoge විසින්ද ඉක්මන් සුව ප්‍රාර්ථනා කර තිබුනි.
>> තවත් මලල ක්‍රීඩා පුවත් සඳහා පිවිසෙන්න – මලල ක්‍රීඩා පිටුවට <<
