දඟපන්දු යවන ක්‍රීඩක ඉම්රාන් තාහිර් හැරෙන්නට අනෙක් කිසිදු දකුණු අප්‍රිකානු ක්‍රිකට් ක්‍රීඩකයෙක් අගෝස්තු 18 වැනිදා ආරම්භ වන කැරිබියන් ප්‍රිමියර් ලීග් තරගාවලියට සහභාගී නොවන බව වාර්තා වෙනවා.
රසී වැන් ඩර් ඩුසේන්, ටබ්‍රාස් ශම්සි, Anrich Nortje, රයිලි රූසෝ හා කොලින් ඉන්ග්‍රම් යන ක්‍රීඩකයින් අගෝස්තු 1 වැනිදා වන විට කැරිබියන් දූපත් වෙත යෑමට ගමන් පහසුකම් සකසා ගැනීමට අසමත් වීම නිසා මෙලෙස ඔවුන්ට CPL තරගාවලිය අහිමි වෙනවා. කැරිබියන් ප්‍රිමියර් ලීග් තරගාවලිය ආරම්භ වීමට පෙර සියලුම ක්‍රීඩකයින් දින 14ක නිරෝධායනය වීමට නියමිතයි.
බ්‍රෝඩ් 500 සීමාව කරමින් එංගලන්තයට ආවේණික ජයක්
කැරිබියන් ප්‍රිමියර් ලීග් සංවිධායකයින් එංගලන්තයේ ලන්ඩන් සිට ට්‍රිනිඩෑඩ් දක්වා ගුවන් යානයක් සුදානම් කර තිබුණු අතර දකුණු අප්‍රිකා ක්‍රීඩකයින් එංගලන්තයට පැමිණ එම ගුවන් යානය අල්ලා ගැනීමට නියමිතව තිබුණා. කෙසේ වෙතත් වීසා ලබා ගැනීම හා රජයේ අවසර ගැනීම පමා වීම යන කරුණු නිසා දකුණු අප්‍රිකානු ක්‍රීඩකයින්ට එම ගුවන් යානය වෙත පැමිණීමට නොහැකි වී තිබෙනවා.
කොරෝනා වයිරස ව්‍යාප්තිය නිසා නගර වසා දැමුණු කාලසීමාවේ, පාකිස්තාන සුපර් ලීග් තරගාවලිය ක්‍රීඩා කරමින් සිටි නිසා දකුණු අප්‍රිකාවේ නොව පාකිස්තානයේ සිටි තාහිර් එහි සිට බටහිර ඉන්දීය කොදෙව් දූපත් වෙත ගැටලුවක් රහිතවම ගමන් කර තිබෙනවා.
මේ වන විට දකුණු අප්‍රිකාවේ සියලුම ජාත්‍යන්තර දේශ සීමා වසා ඇති අතර එරට වයිරස තත්වය තත්වය පහව යෑමෙන් අනතුරුව එළඹෙන සැප්තැම්බර් මාසයේ දී පමණ සංචරණ සීමා ලිහිල් කිරීමට දකුණු අප්‍රිකානු රජය බලාපොරොත්තු වෙනවා. ඒ නිසාම IPL තරගාවලියට සහභාගී වීමට නියමිත දකුණු අප්‍රිකානු ක්‍රීඩකයින්ට ද එරටින් පිටවීම සඳහා රජයේ අවසරය අත්‍යවශ්‍ය වෙනවා. එළඹෙන සැප්තැම්බර් මාසයේ දී එංගලන්තය සංචාරයකට පිටත්ව යෑමට නියමිත දකුණු අප්‍රිකානු කාන්තා ක්‍රිකට් කණ්ඩායමත් එරට රජයේ අවසරය ලැබීමේ අපේක්ෂාවෙන් සිටිනවා.
Kohliගේ අසාර්ථකත්වය මකා දැමූ Shastriගේ උපදෙස
දකුණු අප්‍රිකානු ක්‍රිකට් පාලක මණ්ඩලය එරට ක්‍රීඩකයින් හට IPL තරගාවලියට සහභාගී වීමට අවසර ලබා දී තිබෙනවා. කෙසේ වෙතත් ක්‍රීඩකයින්ට ගමනාගමනය සඳහා අවසර ලබා ගත යුතු අතර නිරෝධායනය නීති රීති ද අනුගමනය කළ යුතුයි. IPL තරගාවලිය සැප්තැම්බර් 19 වැනිදා සිට නොවැම්බර් 8 වැනිදා දක්වා පැවැත්වීමට නියමිත අතර ඒ නිසා නිරෝධායනයට හා පෙර පුහුණුවීම් ආරම්භ කිරීමට දකුණු අප්‍රිකානු ක්‍රීඩකයින් සැප්තැම්බර් මාසය මුලදී එරටින් පිටව යා යුතු වෙනවා.
තරගාවලිය අවසන් කර නැවත දකුණු අප්‍රිකාවට පැමිණීමේ දී ද ඔවුන් දින 14ක නිරෝධායන කාලසීමාවක් ගත කළ යුතු වෙනවා. ඩේවිඩ් වෝනර් පවසා තිබුණු ආකාරයට ක්‍රීඩකයින්ගේ පවුල් වලට ක්‍රීඩකයින් සමඟ ගමන් කිරීමට නොහැකි වීම නිසා ක්‍රීඩකයින් බොහෝ දෙනෙකුට සිය පවුල් පසුබිම හා ගමන් සැලසුම් පිළිබඳව දැඩි අවධානයක් යොමු කිරීමට සිදු වෙනවා.
ICCය ක්‍රිකට් ක්‍රීඩාවේ නැගී එන රටවල් අගයයි
දකුණු අප්‍රිකානු ක්‍රීඩකයින් 10 දෙනෙක් IPL තරගාවලිය සමඟ ගිවිසුම්ගත වී ඇති අතර ඉන් ඒ. බී ඩිවිලියර්ස් හා ෆෆ් ඩූ ප්ලේසිස් යන දෙදෙනාම එළඹෙන සති කිහිපය තුළ දරු උපතක් අපේක්ෂාවෙන් සිටිනවා. පසුගිය සතියේ දී පැවැත්වුණු 3TC ප්‍රදර්ශනාත්මක ක්‍රිකට් තරගාවලියට දකුණු අප්‍රිකානු ක්‍රීඩකයින් තිදෙනෙක් සහභාගී වුනේ නැහැ. පෞද්ගලික හේතුවක් මත ක්‍රිස් මොරිස් තරගාවලියෙන් ඉවත් වුණු අතර පවුලේ සාමාජිකයෙකුගේ අභාවයක් නිසා කගිසෝ රබාඩාත් සිය පවුලේ ආසන්නතමයෙකුට COVID-19 වැළඳී ඇති බව සොයා ගත් නිසා ක්වින්ටන් ඩි කොක් ද එම තරගාවලියෙන් ඉවත් වුනා.
cricinfo ඇසුරින්
>> තවත් ක්‍රිකට් පුවත් සඳහා පිවිසෙන්න <<
