ඕස්ට්‍රේලියානු කණ්ඩයමේ පුහුණුකරු ඩැරන් ලීමන් එළඹෙන සිකුරාදා දකුණු අප්‍රිකාව සමඟ පැවැත්වෙන සිව්වැනි ටෙස්ට් තරගයෙන් පසු සිය ධුරයෙන් ඉල්ලා අස්වීමට තීරණය කර තිබේ.
ඊයේ පැවති මධ්‍ය හමුවක දී ඩැරන් ලීමන් මේ පිළිබඳ කරුණු දැක්වූ අතර ඕස්ට්‍රේලියා ක්‍රිකට් පාලක මණ්ඩලය මේ පිළිබඳ නිල වශයෙන් කරුණු තහවුරු කිරීමට නියමිතය.
ඩැරන් ලීමන්ගේ ගිවිසුම්ගත කාලය අවසන් වීමට නියමිතව ඇත්තේ 2019 වසරේ එංගලන්තයේ පැවැත්වෙන අළු බඳුන තරගාවලියෙන් පසුව වුවත් කේප්ටවුන් හී දකුණු අප්‍රිකාව සමඟ පැවති තෙවැනි ටෙස්ට් තරගයේ දී සිදු වූ පන්දුව පළුදු කිරීමේ සිදුවීම් මාලාව නිසා ඩැරන් ලීමන් මෙම තීරණය ගත බව මධ්‍ය හමුවේ දී ඔහු ප්‍රකාශ කර සිටියේය.
ස්මිත් මාධ්‍ය හමුවේ හඬා වැටෙමින් සමාව ඉල්ලයි
“ඕස්ට්‍රේලියානු කණ්ඩයමේ නායකයා විදිහට මම එහි සියලුම වගකීම් බාර ගන්නවා, මම තීරණ ගැනීමේ දී ලොකු වරදක් කරා, දැන් මම එහි ප්‍රතිඵල අත්විඳිනවා” යැයි මුළු මහත් ක්‍රිකට්…
ඕස්ට්‍රේලියානු ක්‍රිකට් ආයතනය සිදු කළ පරීක්ෂණවලින් අනතුරුව ඩැරන් ලීමන් මෙම සිදුවීම පිළිබඳව කලින් දැන නොසිටි බව හෙළිවුනද ධුරයෙන් නික්ම යාමට මෙය සුදුසුම වෙලාව බවත් කණ්ඩයමේ හැසිරීම කෙරෙහි තමාට ද වගකීමක් ඇති බවත් ඔහු ප්‍රකාශ කර සිටියේය.
“ඊයේ මම මේ තීරණය මාධ්‍යට ප්‍රකශ කළේ නෑ, නමුත් ස්ටීවන් ස්මිත් හා බෑන්ක්‍රොෆ්ට් වේදනා විඳින පසුතැවෙන ආකාරය දුටුවාම මමත් ධුරයෙන් ඉල්ලා අස්වීම තමා සාධාරණම තීරණය කියා මා සිතනවා” වැඩිදුරටත් අදහස් දැක්වූ ඩැරන් ලීමන් පැවසිය.
“මගේ මේ තීරණය ඕස්ට්‍රේලියානු ක්‍රිකට් පාලක මණ්ඩලයට සිද්ධිය පිළිබඳ සම්පූර්ණ පරීක්ෂණයක් පවත්වලා ඕස්ට්‍රේලියානු ජනතාවගේ විශ්වාසය යලි දිනා ගන්නට පහසු කරාවි, අපි ගොඩ දෙනෙක්ව අපහසුතාවයට පත් කරා, අපිට සමාව දෙන්න, මෙම සිද්ධියට සම්බන්ධ උන ක්‍රීඩකයින්ට ගොඩක් දරුණු දඬුවම් ලැබුණා, හැබැයි ඔවුන් නරක ක්‍රීඩකයින් නොවේ.”
වංචාවෙන් දිනන්න ගිය ස්මිත් සහ වෝනර්ට දඬුවම් ලැබුණු හැටි
දකුණු අප්‍රිකාවට එරෙහිව නිව්ලන්ඩ්ස් හී පැවති ටෙස්ට් තරගයේ දී සිදු වූ පන්දුව පළුදු කිරීමේ සිද්ධි මාලාව හේතුවෙන් ස්ටීවන් ස්මිත් හා ඩේවිඩ් වෝනර් හට වසරක ජාත්‍යන්තර…
කඳුළු පිරි දෙනෙතෙන් යුතුව මධ්‍ය ඇමතු ඩැරන් ලීමන් අවසාන වශයෙන් ප්‍රකාශ කර සිටියේ තමාගේ රාජකාරියට උපරිම සහයෝගය දුන් සිය බිරිඳට හා දරුවන් හතර දෙනාට තමා ස්තුතිවන්ත වන බවයි.
“ඕස්ට්‍රේලියානු කණ්ඩයමේ පුහුණුකරු ධුරය අපූරු අත්දැකීමක් ගෙන දුන්නා, මම බලාපොරොත්තු වෙනවා කණ්ඩයම නැවත නැගිටියි කියලා, ඕස්ට්‍රේලියානු ජනතාව තරුණ ක්‍රීඩකයින්ට සමාව දෙයි කියලා, වෙනදා වගේම හෙටත් ක්‍රීඩා පිටියට අවතීර්ණ වන ක්‍රීඩකයින් එකොලොස්දෙනා පසුපස හිටගනී කියලා.”
>> තවත් ක්‍රිකට් පුවත් සඳහා පිවිසෙන්න <<
