මෙම වසරේ පැවැත්වීමට නියමිත දැල්පන්දු ලෝක කුසලානය සඳහා ක්රීඩිකාවන් 20 දෙනෙකුගෙන් යුත් සංචිතයක් ශ්රී ලංකා දැල්පන්දු සම්මේලනය විසින් නම් කර තිබෙනවා.
දැල්පන්දු ලෝක කුසලානය ජූලි වැනිදා 28 සිට අගෝස්තු 06 වැනිදා දක්වා දකුණු අප්රිකාවේ කේප් ටවුන් හී පැවැත්වීමට නියමිතයි.
මෙම ක්රීඩිකාවන් 20 දෙනාගෙන් යුත් සංචිතය වත්මන් පුහුණුකාරිණිය වන තිලකා ජිනදාස මහත්මියගේ අධීක්ෂණය යටතේ පුහුණුවීම් සිදු කර පසුව අවසන් 15 දෙනා තෝරා ගැනීමට නියමිතයි.
- 2023 දැල්පන්දු ලෝක කුසලානයේ ශ්රී ලංකා ප්රතිවාදීන් තීන්දුයි
- වෘත්තීය ක්රීඩා මාධ්යවේදීන්ගේ සංගමයේ නව නිලධාරීන් පත් කෙරේ
- රනිත්මා සහ බුවනෙක ජාතික බැඩ්මින්ටන් කිරුළු දිනයි
- 2023 ජාතික ක්රීඩා දින දර්ශනය නිකුත් කරයි
මෙම සංචිතය සඳහා ආසියානු කුසලානය ක්රීඩා කළ ක්රීඩිකාවන් 12 දෙනාගෙන් 09 දෙනෙකු ඇතුළත් වන අතර ඕස්ට්රේලියාවේ ක්රීඩා කිරීම නිසා තර්ජනී සිවලිංගම් සහ වෛද්ය හේතුවක් නිසා භාශිනී ද සිල්වා තේරීම් තරග සඳහා සහභාගී වන්නේ නැහැ.
හිටපු ජාතික නායිකා දමයන්ති ජයතිලක, තිසරංගි කොඩිතුවක්කු සහ චාමිකා ජයසේකර යන තේරීම් කමිටුව මගින් මෙම සංචිතය නම් කර තිබෙනවා.
ලෝක කුසලානයට නම් කළ මූලික සංචිතය: තිශලා අලගම, සේමිනී අල්විස්, ශානිකා පෙරේරා, හංසිමා දිසානායක, ඉමාශා පෙරේරා, ගයංජලී අමරවංශ, රශ්මි දිව්යාංජලී, රුක්ෂලා හපුආරච්චි, පාරමී කොඩිතුවක්කු, චමුදි වික්රමරත්න, දුලංගි වන්නිතිලක, මල්මි හෙට්ටිආරච්චි, තරුෂි නවෝද්යා, ගයනි දිසානායක, චතුරංගි ජයසූරිය, දුලංජලී සුරවීර, ගයාත්රි කෞෂල්යා, ඉශානි මදුශිකා, තර්ජනී සිවලිංගම්, භාෂිනී ද සිල්වා.
>> තවත් ක්රීඩා පුවත් සඳහා පිවිසෙන්න <<