සාවද්‍ය තොරතුරු සැපයූ ලෝක ශූරයාට වැඩ වරදි

368

තහනම් උත්තේජක පරීක්ෂණයන් මගහැරීම නිසාවෙන් පසුගිය ජනවාරි මස සිට තාවකාලික තරග තහනමක් පනවා තිබූ මැරතන් ඉසව්වේ හිටපු ලෝක ශූර කෙන්යානු ජාතික Wilson Kipsang හට වසර හතරක තරග තහනමක් පැනවූ බව “Athletics Integrity Unit” මගින් පසුගිය දා නිවේදනය කරන ලදි.

පාසල් පිටියේ දක්ෂයන් තේරීමේ තරගාවලිය අවලංගු වෙයි

තහනම් උත්තේජක පරීක්ෂණ මගහැරීම නිසාවෙන් ඔහුට තරග තහනමක් පනවා තිබූ අතර එහි දී ඔහු විසින් එක් පරීක්ෂණයක් මගහැරීමට හේතුවක් ලෙස රිය අනතුරක ඡායාරූපයක් ඉදිරිපත් කර තිබුණි.

එම අනතුර නිසාවෙන් 2019 වසරේ මැයි මස තිබූ පරීක්ෂණය තමන් හට මගහැරී ගිය බව ඔහු ප්‍රකාශ කර තිබූ අතර පසුව එය පිළිබඳව සිදු කළ පරීක්ෂණවලින් අනතුරුව එම අනතුර එම වසරේම අගෝස්තු මස එනම් පරීක්ෂණය මගහැරී මාස තුනකට පසුව සිදු වූ අනතුරක් බව හෙළි විය.

ඒ අනුව ඔහු හට 2020 වසරේ ජනවාරි මස 10 වැනිදා සිට වසර හතරක් දක්වා තරග තහනමක් නිකුත් කිරීමට කටයුතු කරමින් “Athletics Integrity” ඒකකය මගින් සඳහන් කර තිබුණේ තහනම් උත්තේජක පරීක්ෂණ මහහැරීම සහ අසත්‍ය තොරතුරු/සාක්ෂි සැපයීම නිසාවෙන් මෙම තහනම නිකුත් කළ බවයි.

කෙසේ නමුත් මෙම තීරණය පිළිබඳව නිවේදනයක් නිකුත් කරමින් Wilson Kipsangගේ කළමනාකාර ආයතනය විසින් ප්‍රකාශ කර සිටියේ ඔහුගේ පෙර පරීක්ෂණ තුළින් කිසිවිටකත් තහනම් ද්‍රව්‍ය හමුවී නොමැති නිසාවෙන් මෙම තීරණයට විරුද්ධව අභියාචනාවක් නිකුත් කරන බවයි.

මලල ක්‍රීඩා පුහුණු සංචිතයක් නුවරඑළියට

38 වැනි වියෙහි පසුවන Wilson Kipsang 2007 වසරේ සිටම කෙන්යාව වෙනුවෙන් දිගුදුර ධාවන පිටියේ ජයග්‍රහණ රැසක් ලබා දීමට සමත් වූ අතර 2012 වසරේ පැවති ඔලිම්පික් උළෙලේ මැරතන් ඉසව්වේ ලෝකඩ පදක්කම දිනා ගැනීමට සමත් වූ ඔහු 2013 වසරේ පැවති බර්ලින් මැරතන් තරගය පැය 2:03:23 කාලයකින් අවසන් කරමින් එම ඉසව්වේ ලෝක වාර්තාව ද අලුත් කිරීමට ද සමත් විය.

දිගුදුර ධාවන පිටියේ කැපී පෙනෙන දස්කම් දැක්වූ කෙන්යානු ක්‍රීඩක ක්‍රීඩිකාවන් හට මෙම වසර එතරම් සුබදායී වසරක් නොවූ අතර මෙම වසර තුළ පමණක් කෙන්යානු ක්‍රීඩක ක්‍රීඩිකාවන් හයකට ආසන්න සංඛ්‍යාවක් තහනම් උත්තේජක නීති නිසාවෙන් තහනමට ලක්ව ඇත.

>> තවත් මලල ක්රීඩා පුවත් සඳහා පිවිසෙන්න – මලල ක්රීඩා පිටුවට <<