අනූව දශකයේ මුල දිනයක ඕස්ට්‍රේලියාවේ නිව් සවුත් වේල්ස් ප්‍රාන්තයේ පවුලක සාමාජිකයින් පිරිසක් රාත්‍රි ආහාරය ගනිමින් සිටියා. තවත් එක් පවුල් සාමාජිකයෙකු මේ අතරට එක්වීමට නියමිතව සිටියා.
ඔහු ජාත්‍යන්තර තරගවල දී ඕස්ට්‍රේලියානු ක්‍රිකට් කණ්ඩායම නියෝජනය කරන පුද්ගලයෙක්.
“මහා” නොහොත් දෙවන මැක්ග්‍රාත්
අන්තර්ජාතික ක්‍රිකට් විචාරකයන් ඔහුව හැඳින්වූයේ එලෙසින් ය. ඒ ඔහු ජාත්‍යන්තර පිටියට පිවිසෙන විට එතරම් නිවැරදි…..
එදා ස්ටීව් වෝ නම් මේ පුද්ගලයාට රාත්‍රි ආහාරය ගන්නා තම පවුලේ සාමාජිකයින්ට දැනුම් දෙන්නට ආරංචියක් තිබුණා. ඒ තමාට වඩා විනාඩි හතරක පරතරයකින් මෙලොව එළිය දුටු මාක් නම් තමන්ගේ නිවුන් සොහොයුරාට ඕස්ට්‍රේලියාව වෙනුවෙන් ටෙස්ට් වරම් හිමි වී ඇති ආරංචිය. මේ සුබ ආරංචියෙන් පවුලේ සියලු දෙනාම මහත් උද්දාමයට පත්වුණා. ඒ සමගම ඔවුන්ගේ ගැටලුව වුණේ මාක් වෙනුවෙන් කණ්ඩායමෙන් ඉවතට ගියේ කවුරුන්ද යන්න. එවිට ස්ටීව් පවසන්නේ මාක් වෙනුවට කණ්ඩායමෙන් ඉවත් කර ඇත්තේ තමා බවයි. මෙකී රාත්‍රිය වෝ පවුලට සතුට හා දුක මිශ්‍ර රාත්‍රියක් බවට පත්වුණේ එලෙසින්.
“අම්මටත්, තාත්තටත් එය වැදගත් ආරංචියක් වුනා. ඇත්තටම කුමන ආකාරයකින් ප්‍රතිචාර දැක්විය යුතු ද සිතා ගැනීමට නොහැකිව ඔවුන් විනාඩි පහක් පමණ ගල් ගැසී සිටියා. මට සුබ පතනවා ද, ස්ටීව්ට ශෝකය පළ කරනවා ද ඔවුන්ට එක්වරම සිතා ගැනීමට නොහැකි වුණා.
සැබැවින්ම ඒ කාලයේ ඕස්ට්‍රේලියානු ක්‍රිකට් පාලක මණ්ඩලයේ සන්නිවේදන ක්‍රියාවලිය එතරම්ම සාර්ථකයි. තමා වෙනුවෙන් වෙනකෙකු කණ්ඩායමට තෝරාගත් පණිවිඩය ලබා දෙන්නට සිදු වන්නේත් කණ්ඩායමෙන් ඉවතට ගිය ක්‍රීඩකයාටමයි”
ටෙස්ට් කණ්ඩායමට තෝරාගත් දිනයේ රාත්‍රිය ගැන මාක් පසුකලෙක එසේ පැවසුවා.
එලෙසින් ටෙස්ට් වරම් දිනූ මාක් තමන්ගේ පළමු ටෙස්ට් තරගයේ දී ම එංගලන්තයට එරෙහිව ශතකයක් වාර්තා කරගන්නවා.
1965 වසරේ ජුනි දෙවැනිදා නිව් සවුත් වේල්ස් ප්‍රාන්තයේ කැන්ටබරි හීදී උපත ලද මාක් මෙන්ම ඔහුගේ නිවුන් සොයුරු ස්ටීව් ද ක්‍රීඩාව හා බැඳුණේ ඉතාම කුඩා වයසේ දී. දෙදෙනා අතර වයස් පරතරය විනාඩි හතරක් වුවද ස්ටීව්, මාක්ට බොහෝ කලකට පෙර ඕස්ට්‍රේලියාව වෙනුවෙන් ජාත්‍යන්තර වරම් දිනා ගන්නට සමත් වුනා. එකවරම ජාත්‍යන්තර ක්‍රිකට් වරම් නොලැබුව ද මාක් නිරන්තරයෙන් ජාතික කණ්ඩායමේ දොරට තට්ටු කරමින් දොරකඩ සිටි බව සියලු දෙනා දැන සිටියා.
මෑඩ් මැක්ස්, තැන්පත් අරවින්දයක් කළ මේට්ලන්ඩ් පෙදෙසේ හටන
1987 වසරේ එක්තරා අවාසනාවන්ත සමයක නවසීලන්ත ක්‍රිකට් කණ්ඩායමක් මෙරට සංචාරයක නිරත වෙමින් සිටියහ.
මාක් ඉතාම දැකුම්කළු, නෙතට අතිශයින්ම ප්‍රියමනාප පිතිකරුවෙකු ලෙසයි සැලකෙන්නේ. එමෙන්ම ස්ලිප් කලාපයේ පන්දු රැකීමේ අති දක්ෂයෙකු ලෙසත් මාක් හැඳින්විය හැකියි. අවස්ථානුකූලව මද වේගපන්දු හෝ දඟපන්දු යැවීමේ හැකියාවක් ඔහුට තිබුණා.
වයස අවුරුදු 15ක් වන මාක්ට එක්තරා විරල ආබාධයක් ඇති වුනා. මෙම ආබාධිත තත්වය නිසා මාක්ගේ උස එවකට තිබූ උස වූ සෙන්ටි මීටර් 152කින් වැඩීමක් බලාපොරොත්තු විය නොහැකි බවක් කියවී තිබුණේ. නමුත් මාක්ගේ වාසනාවකට අවුරුද්දකට පසු ඔහුගේ උස අඩියකින් පමණ වැඩී තිබුණා.
එලෙස බාධා මැදින් නැවත වතාවක් ක්‍රීඩාව හා සම්බන්ධ වූ මාක් තමන්ගේ ක්‍රීඩා දිවිය නිමා වන විට ටෙස්ට් තරග 128කටත් එක්දින ජාත්‍යන්තර තරග 244කටත් ඕස්ට්‍රේලියානු කණ්ඩායම නියෝජනය කර තිබුණා.
මාක් ගැන සඳහන් කිරීමේ දී ඔහුගේ නිවුන් සොයුරු ස්ටීව් ගැන අමතක කරන්න බැහැ. එක් කුස උපන්නත් මේ දෙදෙනාගේ වෙනස්කම් බොහෝමයි. මේ දෙදෙනා අතර එතරම් සමීප සබඳතාවයක් නැති බවත් ප්‍රසිද්ධ කාරණාවක්.
“අපේ තාත්තාට ෆෝඩ් ෆැල්කන් මෝටර් රථයක් තිබුණා. අපි දෙදෙනාම එය පාවිච්චි කළා. ගමනකට අවශ්‍ය ඉන්ධන ප්‍රමාණය අපි දෙදෙනාම හොඳින් දැන සිටියා. මා මෝටර් රථය රැගෙන ගොස් ඉන්ධන ප්‍රමාණය යන්තම් වාහනය පාරට ගැනීමට ප්‍රමාණවත් තරමින් ඉතිරි කරනවා. බොහෝ විට මට පසුව මෝටර් රථය පාවිච්චි කරන්නේ ස්ටීව්. ඉන්ධන නොමැතිව මෝටර් රථය මග නැවතී ස්ටීව් අපහසුතාවයට පත්වූ වාර ගණන අනන්තයි.
අපි දෙදෙනා අතර පිටිය මැද දී එතරම් හොඳ සබඳතාවයක් ඇතිවී නැහැ. බොහෝ දෙනෙක් විමසනවා අපි දෙදෙනාගෙන් හොඳම පිතිකරුවා කවුද කියා.
ස්ටීව් සතුව හොඳ ටෙස්ට් වාර්තාවක් තිබෙනවා. මා සතුව සීමිත පන්දුවාර රටාවේ හොඳ පිතිකරණ වාර්තාවක් තිබෙනවා. පළමුපෙළ තරඟ වාර්තාව අපි දෙදෙනාගේම හුඟාක් සමානයි.
ඉතින් හොඳම පිතිකරුවා කවුද කියන එක තෝරගන්න තරමක් අපහසු කටයුත්තක්. ”
මාක් තම නිවුන් සොයුරා ගැන කියන්නේ එහෙමය.
සවනට කොඳුරා මරණය සිහි කළ කොදෙව් අකුණු සැරය
“මම ඉපදුණේ ක්‍රීඩාවට ඉතාම ලැදි පවුලක. පාසලේ දී පවා මම හැකි සෑම විටම ක්‍රීඩාවක නිරත වුනා. මලල ක්‍රීඩා, ක්‍රිකට්……
අළුබදුන තරගයක දී වරක් ස්ටීව් වෝට ශතකයක් අහිමි වූයේ මාක්ගේ වරදිනි. ආබාධයකට ලක්වූ ක්‍රේග් මැක්ඩමට් වෙනුවට සහායක දුවන්නෙකු ලෙස පැමිණි මාක් දුවන්නට ගොස් දැවී ගියේය. ඒ වන විට ස්ටීව් අනෙක් අන්තයේ ලකුණු 99ක් ලබා නොදැවී ක්‍රීඩා කරමින් සිටියේය.
“මාක්ට විතරක් වරද පටවන්න බෑ. මට උවමනාවක් තිබුණා නම් ඊට කලින් ශතකය ලබා ගන්න තිබුණා. ඒක ක්‍රීඩාවේ ස්වභාවය”
ස්ටීව් පැවසුවේ සිය සොයුරාට වරද පටවන්නේ නැතිවය.
කොයිතරම් ප්‍රබලයෙකු වුනත් ෂේන් වෝන්ට වඩා මුත්තයියා මුරලිදරන් අමාරු කාරයෙක් බව මාක් කියන්නේය.
“පිතිකරුවෙකු විදියට මුත්තයියා මුරලිදරන්ගේ පන්දුවලට පහර දෙන්න අමාරුයි. මොන යම් හේතුවට හෝ ෂේන් වෝන්ගේ පන්දුවලට මුහුණ දීමට එතරම් අපහසුතාවයක් මට දැනිලා නැහැ.
එක වතාවක් සිඩ්නි ක්‍රීඩාංගණයේ දී පැවති ෂෙෆිල්ඩ් ෂීල්ඩ් තරගයේ දී මම වෝන්ට එරෙහිව ශතකයක් වාර්තා කළා. ඒ කාලේ වෝන් ඔහුගේ දස්කම්වල හිණිපෙත්තටම ගිහින් හිටපු කාලයක්. තරගය පැවැත්වුණ සිඩ්නි ක්‍රීඩාංගණයේ ලකුණු පුවරුව හරිම අපූරු එකක්. තරගයක් අතරතුර වාර්තාවක් අලුත් වූ සැණින් එය ලකුණු පුවරුවේ පෙන්නුම් වෙනවා. මේ කියන දිනයේත් මගේ වාර්තා කිහිපයක් අලුත් වුනා. නිතරම මා ලකුණු පුවරුව දෙස බලන විට වෝන් පැවසුවා “ඔය ලකුණු පුවරුව දිහා බැලුවා ඇති.” කියා.
“උඹ ඇත්තටම පන්දුව දඟ කැව්වොත් මම ඒක දිහා බලන එක නවත්වන්නම්” කියා මම පිළිතුරු බැන්දා.
මුත්තයියා මුරලිදරන් කියන්නේ අසාමාන්‍ය ඉරියව්වක් සහිත පන්දු යවන්නෙක්. ඔහු පන්දුව දමා ගසනවා කියා මට කවදාවත් සිතී නැහැ. වේගයෙන් සහ වැඩියෙන් පන්දුව දඟ කැවීමේ හැකියාවක් ඔහු සතුයි. පිට දඟපන්දුව, දූස්රාව සහ අනෙකුත් පන්දු සංකලනය නිසා ඔහුගේ පන්දු යැවීම වෝන්ට වඩා තර්ජනාත්මකයි.
“දූස්රාව කියන පන්දුව නීත්‍යනුකූල ඉරියව්වකින් යැවීමට හරිම අපහසු පන්දුවක්. හැබැයි මුරලිදරන් වන් අසාමාන්‍ය ලෙස නම්‍යශීලී මැණික් කටුවක් සහිත අතක් හිමි ක්‍රීඩකයෙකුට එය කිසිසේත්ම අපහසු කටයුත්තක් නොවෙයි.”
මාක් වෝ නම් සුවිශේෂී ක්‍රීඩකයාගේ නම එක්තරා අවස්ථාවක යම් කළු පැල්ලමක් එකතු වෙනවා.
1994 වසරේ ශ්‍රී ලංකාවේ පැවති සිංගර් සිව්කොන් ශූරතා තරගාවලියේ දී බුකීකරුවන් හා සම්බන්ධ වෙමින් කටයුතු කිරීම එම චෝදනාවයි. මෙම චෝදනාවට මාක් වෝ, ෂේන් වෝන් සහ ටිම් මේ යන ක්‍රීඩකයින් තිදෙනාම වැරදිකරුවන් බවට නම් කෙරුණා. ඕස්ට්‍රේලියානු ක්‍රීඩාලෝලීන්ගෙන් අදාළ චූදිතයන්ට ලැබුණේ යහපත් ප්‍රතිචාරයක් නම් නොවෙයි.
ක්‍රීඩාවෙන් සමුගැනීමෙන් අනතුරුව මාක් ක්‍රිකට් විස්තර විචාරකයෙකු මෙන්ම ඕස්ට්‍රේලියානු ක්‍රිකට් තේරීම් කමිටුවේ සාමාජිකයෙකු ලෙසින් ද කටයුතු කළා.
>> තවත් විශේෂාංග ලිපි සඳහා පිවිසෙන්න <<
