සංචාරක ශ්‍රී ලංකා කාන්තා ක්‍රිකට් කණ්ඩායම සහ සත්කාරක පාකිස්තාන ක්‍රිකට් කාන්තා කණ්ඩායම අතර අද (01) පැවති පළමු එක්දින තරගයෙන් කඩුලු 8ක පහසු ජයක් ලබා ගන්නට සත්කාරක ක්‍රීඩිකාවන්ට හැකි වුනා.
කරච්චි නුවර දී පැවති මෙම තරගයේ කාසියේ වාසිය දිනූ ශ්‍රී ලංකා නායිකා චමරි අතපත්තු පළමුවෙන් පන්දුවට පහර දීමට තීරණය කළා.
- පාකිස්තාන කණ්ඩායම: ismah Maroof (c), Muneeba Ali, Sidra Ameen, Omaima Sohail, Nida Dar, Aliya Riaz, Sidra Nawaz (wk), Fatima Sana, Diana Baig, Ghulam Fatima, Sadia Iqbal
- ශ්‍රී ලංකා කණ්ඩායම: චමරි අතපත්තු, හසිනි පෙරේරා, හංසිමා කරුණාරත්න, ප්‍රසාදිනී වීරක්කොඩි, නිලක්ෂි ද සිල්වා, කවීෂා ඩිල්හාරි, අමා කාංචනා, ඕෂධී රණසිංහ, අචිනි කුලසූරිය, ඉනෝකා රණවීර, සුගන්ධිකා කුමාරි
අභියෝගාත්මක ලකුණු පුවරුවක් නිර්මාණය කිරීමේ අරමුණින් ශ්‍රී ලංකා ක්‍රීඩිකාවන් පිටියට පිවිසුනත්, හසිනි පෙරේරා දුවද්දී දැවී යාමකට හසුකර ගැනීමට පාකිස්තාන ක්‍රීඩිකාවන්ට හැකි වුනේ මුළු ලකුණු සංඛ්‍යාව 7ක් වන විටයි.
දෙවැනි කඩුල්ල සඳහා ලකුණු 39ක සම්බන්ධතාවක් පිහිටුවීමෙන් අනතුරුව ලකුණු 25ක් ලබා සිටි ශ්‍රී ලංකාවේ ප්‍රබලතම ක්‍රීඩිකාව වන චමරි අතපත්තු පිටියෙන් ඉවත් කිරීමට Sadia Iqbalට හැකි වුනා.
ලකුණු 12ක් ලබා සිටි හංසිමා කරුණාරත්න ශ්‍රී ලංකාවේ 3 වැනි කඩුල්ල ලෙස පිටියෙන් ඉවත් වෙද්දී, හතරවැනි කඩුල්ල සඳහා ලකුණු 50ක වටිනා සම්බන්ධතාවක් ගොඩනැගීමට නිලක්ෂි ද සිල්වාට සහ පී. එම්. වීරක්කොඩිට හැකි වුනා.
- බංග්ලාදේශ ටෙස්ට් නායකයා ඉල්ලා අස්වෙයි
- 2022 IPL තරගාවලියේ ධනවත්ම ක්රීඩකයා Jos Buttler
- “නායකත්වය ගැන තීරණය ගන්න”, Mominulට ඉල්ලීමක්
- IPL අවසන් මහා තරගය වාර්තා පොත් අතරට
ශ්‍රී ලංකා මුළු ලකුණු සංඛ්‍යාව 96ක් වන විට ලකුණු 16ක් ලබා සිටි නිලක්ෂි ද සිල්වා සහ ලකුණු 30ක් ලබා සිටි පී. එම්. වීරක්කොඩි දවා ගනිමින් ශ්‍රී ලංකා ලකුණු පුවරුව 95/5ක් බවට පත්කිරීමට පාකිස්තාන ක්‍රීඩිකාවන්ට හැකි වුනේ ශ්‍රී ලංකා ක්‍රීඩිකාවන්ට දැඩි පීඩනයක් එල්ල කරමිනුයි.
සටන්කාමී ඉනිමක් ක්‍රීඩා කළ යොවුන් ක්‍රීඩිකා කවීෂා ඩිල්හාරි පන්දු 50ක් තුළ නොදැවී ලකුණු 49ක් රැස් කිරීමට සමත් වූ අතර අනෙකුත් පසුපෙළ පිතිකාරිණියන් අතරින් ලකුණු 10 සීමාවට ළඟා වීමට සමත් වුනේ ඉනෝකා රණවීර පමණයි.
ඒ සමඟ ශ්‍රී ලංකා ක්‍රීඩිකාවන් පන්දුවාර 47.5ක් අවසානයේ සියල්ලන් දැවී රැස්කළේ ලකුණු 169ක් පමණක් වන අතර පන්දු යැවීමේ දී Ghulam Fatima ලකුණු 21කට කඩුලු 4ක් දවා ගැනීමට සමත් වුනා.
ලකුණු 170ක ඉලක්කයක් හඹා යෑමට පිටියට පිවිසි පාකිස්තාන කාන්තා කණ්ඩායමේ පළමු කඩුල්ල ලෙස Muneeba Ali ලකුණු 14ක් ලබා සිටිය දී දවා ගැනීමට අචිනි කුලසූරියට හැකි වුනා.
නමුත් ඉන්පසු පිටියේ එක්වූ Sidra Ameen සහ Bismah Maroof දෙවැනි කඩුල්ල සඳහා පිහිටවූ ලකුණු 143ක සම්බන්ධතාව නිසාවෙන් පාකිස්තාන ක්‍රීඩිකාවන් පන්දුවාර 41.5ක් අවසානයේ කඩුලු 2ක් පමණක් දැවී ජයග්‍රාහී සීමාව පසු කළා.
අගනා ඉනිමක් ක්‍රීඩා කළ Sidra Ameen ලකුණු 76ක් ලබා ගනිද්දී, නායකත්වයේ ඉනිමක් ක්‍රීඩා කළ Bismah Maroof නොදැවී ලකුණු 62ක් රැස් කළා.
Result
| Batsmen | R | B | 4s | 6s | SR | |
|---|---|---|---|---|---|---|
| Hasini Perera | run out (Sidra Nawaz) | 4 | 11 | 0 | 0 | 36.36 |
| Chamari Athapaththu | c Muneeba Ali b Sadia Iqbal | 25 | 39 | 3 | 1 | 64.10 |
| Hansima Karunarathne | c Bismah Maroof b Ghulam Fatima | 12 | 40 | 1 | 0 | 30.00 |
| Prasadani Weerakkody | st Sidra Nawaz b Ghulam Fatima | 30 | 44 | 3 | 0 | 68.18 |
| Nilakshi de Silva | c Sidra Nawaz b Sadia Iqbal | 16 | 46 | 0 | 0 | 34.78 |
| Kavisha Dilhari | not out | 49 | 50 | 5 | 0 | 98.00 |
| Oshadi Ranasinghe | b Ghulam Fatima | 0 | 1 | 0 | 0 | 0.00 |
| Ama Kanchana | c Sidra Nawaz b Ghulam Fatima | 3 | 16 | 0 | 0 | 18.75 |
| Sugandika Kumari | run out (Sidra Nawaz) | 3 | 12 | 0 | 0 | 25.00 |
| Inoka Ranaweera | c Aliya Riaz b Fatima Sana | 10 | 27 | 0 | 0 | 37.04 |
| Achini Kulasuriya | lbw b Fatima Sana | 0 | 2 | 0 | 0 | 0.00 |
| Extras | 17 (b 0 , lb 3 , nb 0, w 14, pen 0) |
| Total | 169/10 (47.5 Overs, RR: 3.53) |
| Bowling | O | M | R | W | Econ | |
|---|---|---|---|---|---|---|
| Diana Baig | 9 | 0 | 37 | 0 | 4.11 | |
| Fatima Sana | 7.5 | 0 | 24 | 2 | 3.20 | |
| Nida Dar | 8 | 0 | 33 | 0 | 4.12 | |
| Sadia Iqbal | 10 | 1 | 30 | 2 | 3.00 | |
| Ghulam Fatima | 10 | 2 | 21 | 4 | 2.10 | |
| Omaima Sohail | 2 | 0 | 13 | 0 | 6.50 | |
| Bismah Maroof | 1 | 0 | 8 | 0 | 8.00 | |
| Batsmen | R | B | 4s | 6s | SR | |
|---|---|---|---|---|---|---|
| Muneeba Ali | c Nilakshi de Silva b Achini Kulasuriya | 14 | 28 | 2 | 0 | 50.00 |
| Sidra Ameen | b Oshadi Ranasinghe | 76 | 118 | 7 | 0 | 64.41 |
| Bismah Maroof | not out | 62 | 101 | 4 | 0 | 61.39 |
| Omaima Sohail | not out | 1 | 4 | 0 | 0 | 25.00 |
| Extras | 17 (b 0 , lb 1 , nb 1, w 15, pen 0) |
| Total | 170/2 (41.5 Overs, RR: 4.06) |
| Bowling | O | M | R | W | Econ | |
|---|---|---|---|---|---|---|
| Sugandika Kumari | 4 | 0 | 28 | 0 | 7.00 | |
| Achini Kulasuriya | 5 | 2 | 13 | 1 | 2.60 | |
| Ama Kanchana | 4 | 0 | 10 | 0 | 2.50 | |
| Oshadi Ranasinghe | 8.5 | 0 | 35 | 1 | 4.12 | |
| Inoka Ranaweera | 9 | 0 | 30 | 0 | 3.33 | |
| Chamari Athapaththu | 4 | 0 | 21 | 0 | 5.25 | |
| Kavisha Dilhari | 7 | 0 | 32 | 0 | 4.57 | |
ඒ අනුව මෙම තරගය කඩුලු 8කින් ජයග්‍රහණය කරමින් තරග තුනකින් යුත් එක්දින තරගාවලිය 1-0ක් ලෙස පෙරමුණ ගැනීමට පාකිස්තාන ක්‍රීඩිකාවන්ට හැකි වුනා.
>> තවත් ක්‍රිකට් පුවත් සඳහා පිවිසෙන්න <<
 පැවති පළමු එක්දින තරගයෙන් කඩුලු 8ක පහසු ජයක් ලබා ගන්නට සත්කාරක ක්‍රීඩිකාවන්ට හැකි වුනා.){kind=link}