වයස අවුරුදු 50න් ඉහළ ක්‍රීඩකයින් තරග වදිනු ලබන ක්‍රිකට් ලෝක කුසලාන තරගාවලිය මාර්තු 6 සිට 22 දක්වා දකුණු අප්‍රිකාවේ දී පැවැත්වීමට නියමිතයි.
ඒ සඳහා තරග වදිනු ලබන ක්‍රීඩකයින් 17 දෙනෙකුගෙන් යුත් ශ්‍රී ලංකා සංචිතය අද (11) නිල වශයෙන් මාධ්‍ය වෙත නිකුත් කළ අතර එයට ශ්‍රී ලංකා A ක්‍රිකට් කණ්ඩායම නියෝජනය කළ ක්‍රීඩකයින් දෙදෙනෙක් වන සුවන්ජි මදනායක, රුවින් පීරිස් ඇතුලත්ව සිටින අතර, ශ්‍රී ලංකා වයස අවුරුදු 19න් පහළ කණ්ඩායම නියෝජනය කළ කාමන් මාපටුන ද මේ සංචිතයට ඇතුළත්.
අවසන් වරට 50න් ඉහළ ක්‍රිකට් ලෝක කුසලානයක් පැවති 2020 වසරේ තරගාවලියේ දී ශ්‍රී ලංකාව නියෝජනය කළ සහ පළමු පෙළ අත්දැකීම් තිබෙන සෙනරත් සෙනෙවිරත්න සහ ශේන් ප්‍රනාන්දු පිළිවෙළින් මේ කණ්ඩායමේ නායකත්වය සහ උප නායකත්වය දරනවා.
- එංගලන්ත ක්‍රීඩකයින් නැවතී සිටි හෝටලය අසල වෙඩි ප්‍රහාරයක්
- ශ්‍රී ලංකාවේ ඉන්දීය ක්‍රිකට් කාලසටහන තීන්දුයි
- පෙරළිකාර Falcons හමුවේ ගියවර ශූරයින් පරාජයට
- Kandy Falcons දෙවැනි ජයග්‍රහණයත් ලබා ගනී
- පවුල පෙරට; Warner නායකත්ව සිහිනය අත් හරී!
තෙවැනි වරට පැවැත්වෙන මේ ලෝක කුසලාන ක්‍රිකට් තරගාවලිය සඳහා ශ්‍රී ලංකාව, ඕස්ට්‍රේලියාව, එංගලන්තය, ඉන්දියාව, දකුණු අප්‍රිකාව, නවසීලන්තය, බටහිර ඉන්දීය කොදෙව්, පාකිස්තානය, වේල්සය, නැමීබියාව, සිම්බාබ්වේ, ඇමරිකා එක්සත් ජනපදය, එක්සත් අරාබි එමීර් රාජ්‍යය සහ කැනඩාව යන රටවල් 14 කාණ්ඩ දෙකක් යටතේ තරග වැදීමට නියමිතයි.
2018 වසරේ දී සහ 2020 වසරේ දී පැවැත්වුණු ලෝක කුසලාන දෙකේ දී ම එහි ශූරතාවය දිනා ගන්නට ඕස්ට්‍රේලියාව සමත් වුනා. ලෝක කුසලානය සඳහා පිටත්ව යන ශ්‍රී ලංකා කණ්ඩායම එළඹෙන මාර්තු 2 වැනිදා දිවයිනෙන් පිටත්ව යාමට නියමිතයි.
2023 වයස අවුරුදු 50 ඉහළ ක්‍රිකට් ලෝක කුසලානය සඳහා තරග වදිනු ලබන ශ්‍රී ලංකා සංචිතය,
සෙනරත් සෙනෙවිරත්න (නායක), ශේන් ප්‍රනාන්දු (උප නායක), සුරන්ජිත් ධර්මසේන, කාර්මෙන් මාපටුන, සුවන්ජි මදනායක, ශෆීක් රහීම් (කඩුලු රකින්නා), රුවින් පීරිස්, දුමින්ද ද සිල්වා, රෝරි ඉංග්‍රම්, ඩිලන් ෆර්ඩිනැන්ඩස්, රවී පෙරේරා, මාර්ලන් මර්ලින්ග්, ප්‍රසන්න ජයවර්ධන, වජිර විජේගුණවර්ධන, පාලිත ලියනගේ, චමින්ද රාජපක්ෂ, පූජිත උඩුවන.
>> තවත් ක්‍රිකට් පුවත් සඳහා පිවිසෙන්න <<
