சுவிட்ஸர்லாந்தின் லௌசேன் பொன்டெய்ஸ் ஒலிம்பிக் விளையாட்டரங்கில் நடைபெற்ற டயமண்ட் லீக் தடகளத் தொடரின் 12ஆவது அத்தியாயத்தில், ஆண்களுக்கான ஈட்டி எறிதல் போட்டியில் முதலிடத்தைப் பிடித்து இலங்கையின் ருமேஷ் தரங்க சாதனை படைத்துள்ளார்.
இலங்கை நேரப்படி இன்று (22) அதிகாலை நிறைவடைந்த இப்போட்டியில், அவர் 88.14 மீற்றர் தூரம் ஈட்டி எறிந்து இந்த வெற்றியைத் தன்வசப்படுத்தினார்.
இவ்வ வெற்றியின் மூலம், ருமேஷ் தரங்க தொடர்ச்சியாக மூன்று டயமண்ட் லீக் தொடர்களில் முதலிடத்தைப் பிடித்துள்ளமை குறிப்பிடத்தக்க அம்சமாகும்.
இப்போட்டியில் கடும் சவாலை அளித்த ஒலிம்பிக் சம்பியனான இந்தியாவின் நீராஜ் சொப்ரா, 88.05 மீற்றர் தூரம் எறிந்து இரண்டாம் இடத்தைப் பெற்றார். இதுவே நடப்பு பருவத்தில் நீராஜ் சொப்ராவின் மிகச்சிறந்த தூரமாகவும் பதிவாகியது.
போட்டியின் மூன்றாம் இடத்தை 86.69 மீற்றர் தூரம் எறிந்த கிரெனடாவின் அண்டர்சன் பீட்டர்ஸ் பெற்றார்.
- ஈட்டி எறிதலில் புது சரித்திரம் படைத்தார் ருமேஷ் தரங்க
- பொதுநலவாய விளையாட்டு விழாவில் தங்கம் வென்று புது வரலாறு படைத்தார் ருமேஷ் தரங்க
23 வயதான ருமேஷ் தரங்க பத்திரகே, அண்மையில் நடைபெற்ற 2026 பொதுநலவாய விளையாட்டு விழா ஆண்களுக்கான ஈட்டி எறிதலில் 89.75 மீற்றர் தூரத்தைப் பதிவு செய்து தங்கப் பதக்கம் வென்றிருந்தமை குறிப்பிடத்தக்கது.
முன்னதாக இந்த ஆண்டு டயமண்ட் லீக் தொடரில் ரபாட் டயமண்ட் லீக்கில் (85.97 மீற்றர்) இரண்டாம் இடத்தைப் பெற்ற ருமேஷ் தரங்க ரோமாபுரி டயமண்ட் லீக்கில் (92.62 மீற்றர்) தேசிய சாதனையுடன் முதலாம் இடத்தையும், தோஹா டயமண்ட் லீக்கில் (88.68 மீற்றர்) முதலாம் இடதையும் பெற்றார்.
இப் போட்டிக்குப் பின்னர் பெல்ஜியத்தில் செப்டெம்பர் 4, 5ஆம் திகதிகளில் நடைபெறவுள்ள ப்ரசல்ஸ்ஸ் டயமண்ட் லீக்கிலும் ருமேஷ் தரங்க பங்குபற்றவுள்ளார்.
>>மேலும் பல மெய்வல்லுனர் செய்திகளைப் படிக்க<<
