ශ්‍රී ලංකාව සමඟ පැවැත්වීමට නියමිත තරග දෙකකින් යුත් ටෙස්ට් තරගාවලිය සඳහා සහභාගී වන අයර්ලන්ත ටෙස්ට් කණ්ඩායම අයර්ලන්ත ක්‍රිකට් ආයතනය විසින් නිවේදනය කර තිබෙනවා.
එම කණ්ඩායම සඳහා අයර්ලන්ත පිතිකරු Paul Stirling නම් කර ඇති අතර ඔහු දෙවැනි ටෙස්ට් තරගයේ කණ්ඩායම තේරීම් සඳහා සූදානම් බව ද එම නිවේදනයේ සඳහන්.
ශ්‍රී ලංකාව සමඟ පැවැත්වීමට තිබූ එක්දින තරගාවලිය අවලංගු වීම සහ බංග්ලාදේශ තරගාවලිය කල් යාම නිසා Paul Stirlingව ශ්‍රී ලංකාව සමඟ ටෙස්ට් තරගාවලියට එක් කළ බව අයර්ලන්ත ක්‍රිකට් ආයතනය ප්‍රකාශ කර සිටියා.
- අයර්ලන්ත කණ්ඩායමේ ශ්‍රී ලංකා සංචාරයට දින නියම වෙයි
- ශ්‍රී ලංකාවට එරෙහි නවසීලන්ත එක්දින සංචිතය නම් කරයි
- විලියම්සන්ගේ ශතකය නිසා කිවියන්ට අවසන් පන්දුවේ තියුණු ජයක්!
- මැතිව්ස්ගේ ශතකය සමඟින් තරගය සමබරව පස්වැනි දිනයට
- Daryl Mitchellගේ ශතකයෙන් පසු Matt Henryගෙන් නොසිතූ ප්‍රහාරයක්
ඔහුගේ එක් වීමත් සමඟ කණ්ඩායමට ක්‍රීඩකයින් 16 දෙනෙකු ඇතුළත් වන අතර කණ්ඩායමේ නායකත්වය සුපුරුදු පරිදි Andrew Balbirnie හට හිමිව තිබෙනවා. තරගාවලියේ පළමු ටෙස්ට් තරගය අප්‍රේල් 16 සිට 20 දක්වා පැවැත්වීමට නියමිත අතර දෙවැනි ටෙස්ට් තරගය අප්‍රේල් 24 සිට 28 දක්වා පැවැත්වීමට නියමිතයි.
මෙම තරගාවලිය මීට පෙර ටෙස්ට් තරගයකින් සහ එක්දින තරගාවලියකින් සමන්විත වූවත්, පසුව එම තරගාවලියෙන් එක්දින තරග ඉවත් කර තවත් ටෙස්ට් තරගයක් ඇතුළත් කිරීමට තීරණය කළා.
ශ්‍රී ලංකා තරගාවලියට නම් කළ අයර්ලන්ත සංචිතය,
Andrew Balbirnie (Capt), Mark Adair, Curtis Campher, Murray Commins, George Dockrell, Fionn Hand, Graham Hume, Matthew Humphreys, Tom Mayes, Andrew McBrine, James McCollum, Paul Stirling*, PJ Moor, Harry Tector, Lorcan Tucker, Ben White.
අයර්ලන්ත කණ්ඩායමේ ශ්‍රී ලංකා සංචාරය ඇතුළු දේශීය සහ ජාත්‍යන්තර ක්‍රිකට් පිටියේ තොරතුරු සඳහා රැඳී සිටින්න ThePapare.com සමඟම.
>> තවත් ක්‍රිකට් පුවත් සඳහා පිවිසෙන්න <<
