ඉන්දියාව තුළ නැවතත් හිස එසවූ කොරෝනා වසංගත තත්වයෙන් මුම්බායි නගරයට විශාල බලපෑමක් එල්ල වී ඇති නිසා මෙවර ඉන්දියානු ප්‍රිමියර් ලීග් තරගාවලිය (IPL) පැවැත්වීම පිළිබඳව තවත් ගැටලුවකට ඉන්දීය ක්‍රිකට් බලධාරින් මුහුණ දී ඇත.
එමෙන්ම එම වසංගත තත්වය තරගාවලිය වෙතද බලපෑම් එල්ල කර ඇති අතර පසුගිය ඉරිදා නිකුත් වූ කොරෝනා පරීක්ෂණ වාර්තාවන්ගෙන් Delhi Capitals ක්‍රීඩක Axar Patel, Royal Challengers Bangalore ක්‍රීඩක Devdutt Padikkal, වන්කඩේ ක්‍රීඩා පිටියෙහි සේවකයන්, කණ්ඩායම් නිලධාරියෙකු ඇතුළු පිරිසක් කොරෝනා ආසාදිතයන් බවට තහවුරු විය.
Devdutt Padikkal නිරෝධානයට යොමු වෙමින් සිටිය දී කොරෝනා ආසාදිතයෙකු බව තහවුරු වූ අතර ඔහුට තරගාවලියේ මුල්ම තරගය වන Mumbai Indians සහ Royal Challengers Bangalore අතර තරගය බොහෝ විට මගහැරී යනු ඇත.
මෙම තත්වය නිසාවෙන් තරගාවලියේ ජෛව ආරක්ෂිත බුබුල නිවැරදිව පවත්වා ගැනීමට දැඩි සහ හදිසි ක්‍රියාමාර්ගයන් ගැනීමට අවශ්‍ය බව ඉන්දියානු ක්‍රිකට් ආයතනය ප්‍රකාශ කර ඇත.
තවත් ක්‍රිකට් පුවත් කියවන්න:
- ශ්‍රී ලංකා – බංග්ලාදේශ තරගාවලිය පිළිබඳව බලාපොරොත්තුවක්
- Kohli ස්ථානය රැක ගනිද්දී, සඳකැන් මුල් 10 දෙනා අතරට
- දිමුත් සහ ඕෂදගේ පිතිකරණයෙන් තරගාවලිය ජය පරාජයෙන් තොරයි
එමෙන්ම තරග පැවැත්වෙන ස්ථානයන් මාරු කිරීමට අවශ්‍ය වන අවස්ථා වලදී ඒවාට විකල්පයන් තබා ගැනීමට අවශ්‍ය බවත්, දැනට මුම්බායි නගරය කේන්ද්‍ර කරගනිමින් ඇති සැලසුම් ඉදිරියට ගෙන යාමටත් ඔවුන් තීරණය කර ඇත.
තරගාවලිය සඳහා සහභාගී වන කණ්ඩායම් අටෙන් කණ්ඩායම්, කණ්ඩායම් පහක් මේ වන විට මුම්බායි නගරය කේන්ද්‍ර කරගනිමින් කණ්ඩායම් ජෛව ආරක්ෂික බුබුලු වෙත එක්ව ඇති අතර Kolkata Knight Riders කණ්ඩායම සිය මුල්ම තරගයට සහභාගී වීම සඳහා චෙන්නායි නුවර වෙත යෑමට සූදානමින් පසුවේ.
“අපි මීළඟ පැය 48ක කාලය හොඳින් බලා අධ්‍යනය කළ යුතුයි. පරීක්ෂාවන් ගණන වැඩි කරන්න ඕන වගේම සෑම දෙනාම මෙහි නීති රීතීන් අනුගමනය කරමින් ඒවාට අනුගමනය වෙන්න ඕන. සෑම දෙනාම එය අනුගමනය කරනවා නම් කිසිම ගැටලුවක් නෑ.” යැයි සංවිධායකයින් ප්‍රකාශ කර ඇත.
කොරෝනා වසංගතය නිසාවෙන් මෙවර වැඩිම බලපෑමක් එල්ල වී ඇති නගරය මුම්බායි නගරය වන නමුත් තරගාවලියේ මුම්බායිහි පැවැත්වෙන තරගයන් වෙනත් ස්ථානයකට ගෙන යෑම පිළිබඳව මෙතෙක් තීරණය කර නැත.
>> තවත් ක්‍රිකට් පුවත් සඳහා පිවිසෙන්න <<
 පැවැත්වීම පිළිබඳව තවත් ගැටලුවකට ඉන්දීය ක්‍රිකට් බලධාරින් මුහුණ දී ඇත. ){kind=link}