ඉන්දීය ක්‍රිකට් පාලක මණ්ඩලයේ (BCCI) මධ්‍යම ගිවිසුම්ගත ක්‍රීඩක ක්‍රීඩිකාවන් හට පසුගිය දා ඔවුන් සිටින ස්ථාන හෙළිකිරීමට අසමත් වීමට අදාළව එරට ජාතික උත්තේජක මර්දන නියෝජ්‍යායතනය (NADA) විසින් නිවේදන නිකුත් කරනු ලැබීය.
ඒ අනුව Cheteshwar Pujara, Ravindra Jadeja සහ KL Rahul හා ක්‍රීඩිකාවන් වන Smriti Mandhana සහ Deepti Sharma වෙත මේ ආකාරයට නිවේදන නිකුත් වී ඇති අතර කෙසේ නමුත් ඔවුන්ගේ එම අදාළ තොරතුරු දැනුම් දීමට අදාළව සිදු වූ ප්‍රමාදය සම්බන්ධයෙන් හේතු දක්වමින් ක්‍රිකට් පාලක මණ්ඩලය පවසා ඇත්තේ ඔවුන්ගේ මුරකේතවල ඇති වූ හදිසි දෝෂයක් හේතුවෙන් එසේ ප්‍රමාදයක් සිදු වූ බවයි.
මේ පිළිබඳව අදහස් දක්වමින් ජාතික උත්තේජක මර්දන නියෝජ්‍යායතනයේ අධ්‍යක්ෂ ජෙනරාල් Navin Agarwal විසින් එසේ එම ක්‍රීඩක ක්‍රීඩිකාවන්ට නිවේදන නිකුත් කිරීමක් සිදු වූ බවත්, ඔවුන් වෙනුවෙන් ක්‍රිකට් පාලක මණ්ඩලය විසින් එම අයදුම්පත් පිරවීමේ දී එම වෙබ් අඩවියේ මුරකේතවලට අදාළව ඇතිවූ හදිසි දෝෂයක් හේතුවෙන් ඒවා ලබා දීමට ප්‍රමාද වූ බව ක්‍රිකට් පාලක මණ්ඩලය සිය නියෝජ්‍යායතනය වෙත දන්වා සිටි බවත් තහවුරු කර සිටින්නට විය.
“ඔවුන් අපිට ඒ ප්‍රමාදයට අදාළව හේතු දක්වලා තියෙනවා. ඒක සාධාරණ හේතුවක් මං හිතන විදිහට නම්. කොහොම වුනත් අපි ඒ සම්බන්ධව තීරණයක් ගන්නවා. ඔවුන් පවසලා තියෙන්නේ ADAMS එකේ මුරකේතවලට අදාළව හදිසි දෝෂයක් හේතුවෙන් ඒක වුනේ කියලා. ඒ වගේම ඔවුන් පවසලා තියෙන්නේ මේ වෙද්දී ඒ ප්‍රශ්නේ විසඳිලා තියෙන්නේ කියලා” Agarwal පැවසීය.
තවත් කියවන්න;
- වර්ණවාදයට සංගාගෙන් පිළිතුරක්
- හිටපු ශ්‍රී ලංකා නායිකාව UAE හි හිරවෙයි
- සෆ්රාස්ගේ අනාගතය ගැන පුහුණුකරුගෙන් අනාවැකි
- බංග්ලාදේශ ක්‍රිකට් ක්‍රීඩකයින්ගේ ඉල්ලීම ප්‍රතික්ෂේපයි
ඔහු මෙහි දී වැඩිදුරටත් අදහස් දක්වමින් ප්‍රකාශ කර සිටියේ මෙම සිදුවීමට අදාළව කිසියම් ප්‍රතිවිපාක ඇති වනු ඇත්දැයි යන්න පිළිබඳව ඔවුන් තවමත් තීරණය කර නොමැති බවයි.
“ක්‍රිකට් පාලක මණ්ඩලය ලබා දුන්න හේතුව පිළිබඳව සාකච්ඡා කරලා ඒක ‘filing failures’ තුනෙන් එකකට ගන්න පුළුවන් ද, බැරි ද කියලා තීරණය කරන්න ඕන. ඒක ඒ අදාළ හේතු දැක්වීම මත සහ ක්‍රිකට් පාලක මණ්ඩලය මෙතැන සිට කටයුතු කරන්නේ කොහොමද කියන එක මත තීරණය වෙයි.”
ඉන්දියාව තුළ මාස දෙකකට අධික කාලයක් රට වසා දමා මාර්තු මාසයේ මැද භාගයේ සිට ක්‍රිකට් තරග පැවැත්වීමට අවස්ථාවක් නොවුනත් ක්‍රීඩක ක්‍රීඩිකාවන් රැඳී සිටින ස්ථාන දැනුවත් කර සිටීම අනිවාර්ය කටයුත්තක් වන අතර එය තෙවරක් සිදු කිරීමට අපොහොසත් වීම හරහා උත්තේජක මර්දන නීති උල්ලංඝණය වීමක් සිදු වේ. ඒ අනුව එවන් අවස්ථාවක දී එය විභාග කිරීමෙන් අනතුරුව එම ක්‍රීඩක ක්‍රීඩිකාවන්ට උපරිමය වසර 2කට යටත්ව තරග තහනමක් පැනවීමේ හැකියාව ඇත.
>> තවත් ක්‍රිකට් පුවත් සඳහා පිවිසෙන්න <<
 මධ්‍යම ගිවිසුම්ගත ක්‍රීඩක ක්‍රීඩිකාවන් හට පසුගිය දා ඔවුන් සිටින ස්ථාන හෙළිකිරීමට අසමත් වීමට අදාළව එරට ජාතික උත්තේජක මර්දන නියෝජ්‍යායතනය (NADA) විසින් නිවේදන නිකුත් කරනු ලැබීය.){kind=link}