ඉදිරියේ දී පැවැත්වීමට නියමිතව තිබූ ඕස්ට්‍රේලියා – ඇෆ්ගනිස්තාන ටෙස්ට් ක්‍රිකට් තරගය සහ නවසීලන්තය සමඟ පැවැත්වීමට තිබූ තරග තුනකින් සමන්විත එක්දින ක්‍රිකට් තරගාවලිය ලබන වසර දක්වා කල් දැමීමට ඕස්ට්‍රේලියානු ක්‍රිකට් බලධාරීන් ඊයේ (25) පියවර ගෙන තිබේ.
මේ තරග සියල්ලම කල් දැමීමට එරට ක්‍රිකට් බලධාරීන්ට සිදුව ඇත්තේ කොරෝනා වසංගතය නිසා කල් දැමුණු ක්‍රිකට් තරගාවලි කිහිපයක් මෙම වසර අවසානයට පෙර ක්‍රීඩා කිරීමට නියමිතව තිබෙන නිසාවෙනි. ඒ අනුව මේ වසර අවසානයේ පැවැත්වීමට නියමිතව තිබූ මේ තරගාවලි දෙක ලබන වසර දක්වා කල් දැමීමෙන් ක්‍රීඩකයින්ගේ කාලසටහන තරමක් ලිහිල් වනු ඇත.
තවත් කියවන්න
- ඩීන් ජෝන්ස් ජීවිතක්ෂයට
- බංග්ලාදේශ ක්‍රිකට් කණ්ඩායමෙන් තවත් කොරෝනා ආසාදිතයෙක්
- සන්රයිසස් කණ්ඩායමේ වෙනසක්! කොදෙව් නායකයාට IPL වරම්
- RCB ජර්සිය උපහාර වැකියකින් වර්ණවත් වෙයි
- කෝලිට වැඩ වරදියි: දඩය ලක්ෂ 12ක්
“අපි නවසීලන්ත ක්‍රිකට් බලධාරීන් එක්ක වගේම ඇෆ්ගනිස්තාන ක්‍රිකට් බලධාරීන් එක්ක සුහදව මේ ගැටලුව පිළිබඳව කතා බහ කරලා විසඳ ගත්තා. ඒ වගේම තමයි කොරෝනා වසංගතය තවමත් ලෝකයෙන් තුරන්ව ගොස් නැහැ. ඒකක් අපි මතක තියා ගන්න ඕනේ” යැයි ක්‍රිකට් ඕස්ට්‍රේලියා ආයතනයේ අතුරු ප්‍රධාන විධායක නිලධාරි Nick Hockley මහතා මාධ්‍ය නිවේදනය තුල සිය අදහස් දක්වා තිබේ.
“ඉදිරියේ දී අපේ රටට ඉන්දීය කණ්ඩායම එනවා, ඒ තරගාවලියට ටෙස්ට් තරග 4ක්, එක්දින තරග තුනක් සහ විස්සයි විස්ස තරග තුනක් ඇතුළත් වෙනවා. ඒක ලොකු සංචාරයක්. ඒ වගේම අපේ ප්‍රාන්ත ක්‍රිකට් තරගාවලිය වගේම අපේ Big Bash ක්‍රිකට් තරගාවලියත් අපි මේ වසර අවසානයේ දී පවත්වන්න සැලසුම් කරලා තියෙනවා. දැනට තියෙන විදිහට මේ එක තරගාවලියක් සඳහාවත් ප්‍රේක්ෂකයින්ට එන්න දෙන්න වෙන්නේ නැහැ” යැයි Hockley මහතා වැඩිදුරටත් සිය අදහස් දක්වමින් පවසා සිටියේය.
>> තවත් ක්‍රිකට් පුවත් සඳහා පිවිසෙන්න <<
