යුද හමුදාව විසින් පළමු වරට සංවිධානය කරනු ලබන ‘යුද හමුදා පන්දුවාර විස්සයි විස්ස ක්රිකට් තරගාවලිය’ පසුගියදා ආරම්හ වූ අතර අද (10) දිනයේ දී එහි සාර්ථක පස්වැනි දිනය ක්රියාත්මක විය. මෙම තරගාවලියේ තරග සියල්ලම කළුතර පිහිටි දොඹගොඩ ක්රිකට් පිටියේ දී පැවැත්වේ.
මෙල්බන් Western Warriors සහ ඩිමෝ Southern Warriors
තරගයේ කාසියේ වාසිය දිනාගත් ඩිමෝ Southern Warriors නායක දිනේෂ් චන්දිමාල් පළමුව පන්දු යැවීම සඳහා තීරණය කළේය. ඒ අවසරයෙන් පළමුව පන්දුවට පහර දුන් මෙල්බන් Western Warriors කණ්ඩායම සිය නියමිත පන්දුවාර විස්ස අවසානයේ කඩුලු 8ක් දැවී ලකුණු 175ක් වාර්තා කර ගන්නා ලදි.
තවත් ක්රිකට් පුවත්:
- යුද හමුදාවේ අපරාජිත බව නැති වෙද්දී ටැමිල් යුනියන්ට දැවැන්ත ජයක්
- සුපිරි ක්රිකට් තරු දෙකක් LPL එන්න බැහැ කියයි
- යුද හමුදා ක්රිකට් ලීගයේ මුල් දිනයේම සුපිරි පන්දුවාරයක්
- LPL ක්රීඩක වෙන්දේසිය ආයිත් පස්සට
මෙම තරගාවලිය තුළ වැඩිම ලකුණු වාර්තා කරගන්නා ක්රීඩකයා හට විශේෂ පැහැයක් සහිත හිස්වැස්මක් ලබාදෙන අතර එය ඩිමෝ Southern Warriors නායක දිනේෂ් චන්දිමාල් (ලකුණු 216) නැවත වතාවක් තමන් සතුකර ගත්තේ අවිශ්ක ප්රනාන්දු (ලකුණු 212) අභිබවා යමිනි.
මෙම තරගයේ දීද ඔවුන් දෙදෙනාම සිය කණ්ඩායම් වෙනුවෙන් අර්ධ ශතක රැස්කර ගත් අතර මෙල්බන් Western Warriors කණ්ඩායමේ අවිශ්ක ප්රනාන්දු පන්දු 38ක් තුළ ලකුණු 56ක් වාර්තා කරගත්තේ හතරේ පහර 4ක් සහ හයේ පහර 3ක් එල්ල කරමිනි. මදුශාන් බෝතොටගේ කඩුලු 2ක් දවා ගත්තේය.
ඩිමෝ Southern Warriors කණ්ඩායම නැවතත් ප්රසාද ලකුණු සටහනේ පළමු ස්ථානයේ තැබීම වෙනුවෙන් දිනේෂ් චන්දිමාල් ද ලකුණු 67ක් රැස්කර ගෙන දස්කම් දක්වන විට හර්ෂජිත් විරේන්ද් සහ තිසර අතරේ පිළිවෙලින් කඩුලු 3ක් සහ කඩුලු 2ක බැඟින් බෙදී ගියේය. චන්දිමාල් මෙවර තරගාවලිය තුළ වාර්තා කළ දෙවන අර්ධ ශතකය මෙය වේ.
මෙල්බන් Western Warriors – 175/8 (20):අවිශ්ක ප්රනාන්දු 56, මදුශාන් බෝතොටගේ 2/39.
ඩිමෝ Southern Warriors – 120/10 (17.3): දිනේෂ් චන්දිමාල් 67, හර්ෂජිත් විරේන්ද්ර 3/32, තිසර පෙරේරා 2/11.
මෙල්බන් Western Warriors කණ්ඩායමට ලකුණු 55ක ජයක් හිමි විය.
- තරගයේ වීරයා – දිනේෂ් චන්දිමාල් (ඩිමෝ Southern Warriors).
ප්රීමා Eastern Warriors සහ සුපර් ෆැෂන් Northern Warriors
තරගයේ කාසියේ වාසිය දිනාගත් ප්රීමා Eastern Warriors කණ්ඩායම පළමුව පන්දුවට පහරදෙන ලදි.
පසුගියදා නිමාවට පත්වූ දේශීය පළමු පෙළ Tier A ක්රිකට් තරගාවලියේ දී ද්විත්ව ශතකයක් සහ ශතක තුනක් වාර්තා කරගත් කුසල් මෙන්ඩිස්, අද දිනයේ දී ශතකයක් වාර්තා කරගනිමින් දස්කම් දක්වන ලදි. එම ඉනිම සඳහා හතරේ පහර 11ක් සහ හයේ පහර 5ක් ඇතුළත් විය. කෙසේ නමුත් ඔවුන්ගේ කණ්ඩායමේ අනෙක් පිතිකරුවන්ගෙන් නිසි පරිදි සහයක් නොලැබීම නිසාවෙන් ප්රීමා Eastern Warriors ඉනිම ලකුණු 166කට සීමා විය.
පන්දු යැවීමේ දී සුපර් ෆැෂන් Northern Warriors නායක සීකුගේ ප්රසන්න ලකුණු 22කට කඩුල්ලක් දවා ගත්තේය. සුපර් ෆැෂන් Northern Warriors කණ්ඩායම වෙනුවෙන් සුපිරි ප්රහාරයක් දියත් කළ නායක සීකුගේ සහ දසුන් ශානක පිළිවෙලින් ලකුණු 67ක් සහ ලකුණු 59ක් රැස්කර ගනිමින් සිය කණ්ඩායම ජයග්රහණය වෙත රැගෙන ගියහ.
ප්රීමා Eastern Warriors – 166/5 (20):කුසල් මෙන්ඩිස් 133*, සීකුගේ ප්රසන්න 1/22.
සුපර් ෆැෂන් Northern Warriors – 167/8(19.3):සීකුගේ ප්රසන්න 67, දසුන් ශානක 59, හෂාන් සංදීප 2/18.
සුපර් ෆැෂන් Northern Warriors කණ්ඩායමට කඩුලු 2ක ජයක් හිමි විය.
- තරගයේ වීරයා –දසුන් ශානක (සුපර් ෆැෂන් Northern Warriors).
මෙම තරගාවලියේ මූලික වටයේ අවසන් තරග දෙක හෙට (11) දිනයේ දී මෙම ක්රිකට් පිටියේ දීම පැවැත්වේ.
>> තවත් ක්රිකට් පුවත් සඳහා පිවිසෙන්න <<