අරුණ, නදීෂා සහ රුසිරු ජයග්‍රාහකයින් අතරට

ශ්‍රී ලංකා මලල ක්‍රීඩා සංගමය විසින් සංවිධානය කරන මෙම වසරේ පළමු මලල ක්‍රීඩා තේරීම් තරගාවලියේ දෙවැනි දිනයේ තරග අද (08) කොළඹ සුගතදාස එළිමහන් ක්‍රීඩා පිටියේ දී පැවැත්වුනා.

අද දිනය ඉසව් කිහිපයට සීමා කර තිබූ අතර බොහෝ ඉසව්වන්හී මූලික වටයේ තරග පමණක් අද පැවැත්වුනා.

ජ්‍යෙෂ්ඨ තේරීම් තරග 

පිරිමි කවපෙත්ත විසි කිරීමේ ඉසව්ව මීටර් 44.69ක දුරක් වාර්තා කරමින් ජයග්‍රහණය ලබා ගන්නට යුද හමුදා ක්‍රීඩක පී. සෙපරමාදු සමත් වුනා. දෙවැනි සහ තෙවැනි ස්ථාන දිනා ගැනීමට ද යුද හමුදාව නියෝජනය කළ කේ. සිල්වා (මීටර් 44.69) සහ ටී. බන්දුල (මීටර් 44.35) සමත් වුනා.

පිරිමි උස පැනීම තරගය ජය ගන්නට මීටර් 2.11 දක්ෂතාවයක් පෙන්නුම් කළ තරිඳු දිල්ෂාන්ට හැකි වුනා. මීටර් 2.08ක උසක් වාර්තා කළ උදයකුමාර දෙවැනි තැනත්, මීටර් 2.05ක උසක් වාර්තා කළ ඉනුර කවිෂාන් තෙවැනි තැනටත් පත්වුනා.

කාන්තා කවපෙත්ත විසි කිරීම ඉසව්වේ ජයග්‍රහණය, මීටර් 41.78ක දුරක් වාර්තා කළ පී. පෙරේරාට හිමි වුනා. හේෂානි මහේෂිකා (මීටර් 40.53) දෙවැනි තැනත්, එම්. දිල්රුක්ෂි (මීටර් 39.57) තෙවැනි තැනත් දිනා ගන්නට සමත් වුනා.

අද පැවති මීටර් 400 පිරිමි කඩුලු පැනීම මූලික තරග ජය ගැනීමට එල්. ප්‍රසන්ජිත් (තත් 54.28), අයි. රත්නසේන (තත් 53.35) සහ ටී. රත්නසේන (තත් 52.73) සමත් වුනා.

මීටර් 200 ඉසව්වේ පිරිමි තරගයන්හී ජය දිනුක දේශාන් (තත් 22.00), එම්. සෆාන් (තත් 21.22), අරුණ දර්ශන (තත් 21.45) සහ කාලිංග කුමාරගේ (තත් 21.76) හට හිමි වුනා.

කාන්තා මීටර් 200 මූලික තරග ජය ගන්නට නදීෂා රාමනායක (තත් 24.75) සහ අමාෂා ද සිල්වා (තත් 24.67) සමත් වුනා.

පිරිමි මීටර් 800 ඉසව්වේ මූලික තරග ජය ගැනීමට සසිඳු සංකල්ප (මිනිත්තු 1:53.79), ටී. බුලත්සිංහල (මිනිත්තු 1:53.70) සහ රුසිරු චතුරංග (මිනිත්තු 1:51.92) සමත් වුනා.

එමෙන්ම අද පැවති පිරිමි මීටර් 110 කඩුලු පැනීම ඉසව්වන්ගේ ජයග්‍රහණ ලබා ගන්නට එස්. රංදීව (තත් 15.30) සහ  අයි. ලක්විජය (තත් 14.54) සමත් වුනා.

තවත් ක්‍රීඩා පුවත්:

• කාලිංග, හිමාෂ සහ අමාෂා සිය ආධිපත්‍ය රැකගනී
• ජාතික මැරතන් ශූරයා ශිවරාජන්, ශූරිය ක්‍රිශාන්තී
• ජාතික ශූරයන්ගේ දස්කම් මැන බැලෙන තරගාවලියට සියල්ල සූදානම්

කනිෂ්ඨ තේරීම් තරග 

කනිෂ්ඨ අංශයේ උණුසුම්ම ඉසව්ව වූ පිරිමි මීටර් 110 කඩුලු පැනීමේ තරගය ජය ගැනීමට එස්. කේ. ඩයස් සමත් වුනා (තත් 14.53). කවීෂ් බණ්ඩාර (තත් 14.62) දෙවැනි ස්ථානයත්, රයන් පෙරේරා (තත් 15.11) තෙවැනි ස්ථානයත් දිනා ගත්තා.

කාන්තා කනිෂ්ඨ දුර පැනීම ඉසව්වේ ජයග්‍රහණය මීටර් 5.40ක දක්ෂතාවයක් පෙන්නුම් කළ සදිනි කවීෂාට හිමි වුනා. දෙවැනි සහ තෙවැනි ස්ථාන පිළිවෙළින් ලක්ෂානි දිසානායක (මීටර් 5.40) සහ දුල්මි වීරක්කොඩි (මීටර් 5.16) විසින් දිනා ගත්තා.

කනිෂ්ඨ පිරිමි තුන් පිම්ම තරගය ජය ගැනීමට මීටර් 15.50ක දක්ෂතාවයක් පෙන්නුම් කළ පසිඳු මල්ෂාන්ට හැකි වුනා. දෙවැනි ස්ථානය විෂ්මිත කුමාරට (මීටර් 15.24) සහ තෙවැනි ස්ථානය ගයාන් දර්ෂණට හිමි වුනා (මීටර් 14.76).

කනිෂ්ඨ අංශයේ මීටර් 400 කඩුලු පැනීම මූලික වටයේ තරග ජය ගන්නට ඩී. දර්ශන (තත් 54.13) සහ අමිඳු රාජපක්ෂ (තත් 56.92) සමත් වුනා.

තරගාවලියේ දෙවැනි සහ අවසන් දිනයේ (09) සියලූම තොරතුරු ඔබ වෙත ගෙන ඒමට ThePapare.com අප සූදානම්. රැඳී සිටින්න, ThePapare.com සමඟ

>> තවත් මලල ක්‍රීඩා පුවත් සඳහා පිවිසෙන්න – මලල ක්‍රීඩා පිටුවට <<