වසර දෙකකට පසුව වෙළඳසේවා රග්බි නැවතත්

ශ්‍රී ලංකා වෙළඳසේවා රග්බි සම්මේලනය විසින් සංවිධානය කරනු ලබන “2022 වෙළඳසේවා සත් සාමාජික රග්බි තරගාවලිය” එළඹෙන 23 සහ 24 දිනවල කොළඹ CR&FC ක්‍රීඩාංගණයේ දී පැවැත්වීමට නියමිතයි.

කොරෝනා වසංගතය හේතුවෙන් වසර දෙකක් පමණ තරගාවලිය සංවිධානය කිරීමට නොහැකි වූ අතර 50 වැනි වතාවට පැවැත්වීමට නියමිත මෙවර තරගාවලිය සාර්ථක කර ගැනීම වෙනුවෙන් වෙළඳසේවා රග්බි සම්මේලනය දැඩි කැපී වීමෙන් යුතුව සංවිධාන කටයුතු සිදු කරමින් පවතිනවා.

තරගාවලිය සඳහා සහභාගී වන කණ්ඩායම් සංඛ්‍යාව අධික වීම නිසාවෙන් මින් පෙර තරගාවලිය දින 3ක් පුරාවට පැවති නමුත් රටේ පවතින වත්මන් ආර්ථික අර්බුදය හමුවේ කණ්ඩායම් 25ක් පමණක් සහභාගී කර ගනිමින් දින දෙකක් තුළ තරගාවලිය පවත්වා අවසන් කරන්නට සංවිධායකයින් තීරණය කර තිබෙනවා.

• තියුණු ජයකින් බැසිල් වීරතුංග කුසලානය සාන්ත පීතර විද්‍යාලයට
• ThePapare වසරේ ජනප්‍රියතම පාසල් රග්බි කණ්ඩායම තේරීම ඇරඹෙයි
• ඉසිපතන ශූරයෝ ජෝසප්වරුන් පරාජය කරයි
• Premier කුසලානය අපරාජිත ඩී. එස්. සේනානායකයින්ට
• සභාපති කුසලානය නුගේගොඩින් පිළියන්දලට

කුසලාන/ පලඟ අදියර වෙනුවෙන් දක්ෂතාවලින් පරිපූර්ණ ක්‍රීඩකයින්ගෙන් සැදුම්ලත් කණ්ඩායම් 4ක් තරග වැදීමට නියමිත අතර බඳුන/ පලිහ වෙනුවෙන් කණ්ඩායම් 18ක් සටන් කිරීමට නියමිතයි.

මෙවර තරගාවලිය තරමක් සුවිශේෂි මුහුණුවරක් ගන්නේ කාන්තා කණ්ඩායම් 3ක් සහභාගී කර ගනිමින් කාන්තා tag rugby තරගාවලියක් ද මීට සමගාමීව පැවැත්වීමට සංවිධායකයින් තීරණය කර තිබෙන නිසාවෙනුයි.

තරගාවලියේ පළමු අදියර Round Robin ක්‍රමයට පැවැත්වීමට නියමිත අතර ඉන් අනතුරුව කණ්ඩායම් විවිධ කාණ්ඩවලට වෙන්කිරීම සිදු කරනු ඇත.

ශ්‍රී ලංකාවේ අංක 1 ක්‍රීඩා වෙබ් අඩවිය වන ThePapare.com මෙවර තරගාවලියේ Digital සහකරු ලෙස කටයුතු කරන අතර 24 වැනිදා උදෑසන 8:20 සිට තරගාවලිය සජීව ලෙස ඔබ වෙත රැගෙන ඒමට ද ThePapare.com සූදානම්. රැඳී සිටින්න ThePapare.com සමඟින්ම.

>> තවත් රග්බි පුවත් සඳහා පිවිසෙන්න – රග්බි පිටුවට <<