ජාත්‍යන්තර ක්‍රිකට් කවුන්සිලයේ නවතම විස්සයි විස්ස පන්දු යවන්නන් ශ්‍රේණිගත කිරීමේ පළමු දස දෙනා අතරට පැමිණෙමින් සිය ක්‍රීඩා දිවියේ මෙතෙක් ලැබූ ඉහළම ශ්‍රේණිගත කිරීම වාර්තා කිරීමට දඟපන්දු යවන ක්‍රීඩක මහීෂ් තීක්ෂණ සමත් වී තිබෙනවා.
ඕස්ට්‍රේලියා කණ්ඩායම සමඟ පැවති විස්සයි විස්ස තරගාවලියේ දී දැක්වූ දස්කම් නිසාවෙන් ප්‍රසාද ලකුණු 647ක් ලබා ගනිමින් නවතම ශ්‍රේණිගත කිරීමේ අටවැනි තැන දක්වා ස්ථාන 16ක් ඉදිරියට පැමිණීමට මහීෂ්ට හැකි වුනා.
එම ශ්‍රේණිගත කිරීමේ පළමු දස දෙනා අතර සිටින දෙවැනි ශ්‍රී ලාංකික ක්‍රීඩකයා මහීෂ් වන අතර ඔහුට අමතරව වනිඳු හසරංග ප්‍රසාද ලකුණු 668ක් ලබා ගනිමින් හත්වැනි ස්ථානයේ පසුවනවා.
ශ්‍රී ලංකාව සමඟ පැවති විස්සයි විස්ස තරගාවලියේ වැඩිම කඩුලු ලාභියා වූ ඕස්ට්‍රේලියානු ක්‍රීඩක Josh Hazlewood ප්‍රසාද ලකුණු 792ක් ලබා ගනිමින් විස්සයි විස්ස පන්දු යවන්නන් ශ්‍රේණිගත කිරීමේ පළමු තැන පසු වෙද්දී, Adil Rashid සහ Tabraiz Shamsi දෙවැනි සහ තෙවැනි ස්ථානවල පසුවනවා.
එමෙන්ම ශ්‍රී ලංකාව සමඟ පැවති තරගාවලියේ දී කැපී පෙනෙන පන්දු යැවීමක නිරත වූ Ashton Agar ද ස්ථාන තුනක් පෙරමුණට පැමිණෙමින් වත්මන් ශ්‍රේණිගත කිරීමේ නවවැනි තැනට පැමිණ තිබෙනවා.
- Maxwell ශ්‍රී ලංකා බලාපොරොත්තු සුන්කරයි
- ICC මැයි මාසයේ සම්මානය මැතිව්ස්ට
- ඕස්ට්‍රේලියාවට එකට එක කරන්නට ශ්‍රී ලංකාව සූදානම්
- ශ්‍රී ලංකා – ඕස්ට්‍රේලියා පළමු ටෙස්ට් තරගය Shane Warneට වෙන්වෙයි
- ශානකගේ සුපිරි වැඩකිඩ සමඟින් ප්‍රේක්ෂකයින්ට අමතක නොවන ජයක්
දකුණු අප්‍රිකාව සමඟ පැවති මුල් තරග තුනේ දී දැක්වූ දස්කම් නිසාවෙන් නවතම ශ්‍රේණිගත කිරීමේ 11 වැනි ස්ථානය දක්වා ස්ථාන තුනක් ඉදිරියට පැමිණීමට ඉන්දීය ක්‍රීඩක Bhuvneshwar Kumar සමත් වී තිබෙනවා.
නවතම විස්සයි විස්ස පිතිකරුවන් ශ්‍රේණිගත කිරීමේ වැඩි ගෞරව පාකිස්තානයට හිමිව ඇති අතර Babar Azam ප්‍රසාද ලකුණු 818ක් සමඟ පළමු තැන හිමි කර ගනිද්දී, Mohammad Rizwan ප්‍රසාද ලකුණු 794ක් ලබා ගනිමින් දෙවැනි තැන පසුවනවා.
කොරෝනා වයිරසයට ගොදුරු වීම නිසාවෙන් ඉන්දීය සංචාරය අහිමි වූ Aiden Markram හට එක් ස්ථානයක් පහළට පැමිණීමට සිදුව ඇති අතර ප්‍රසාද ලකුණු 772ක් සමඟින් ඔහු තෙවැනි ස්ථානයේ පසුවනවා.
පිතිකරුවන් ශ්‍රේණිගත කිරීමේ මුල් දහය තුළ සිටින එකම ශ්‍රී ලාංකික පිතිකරුවා වන පැතුම් නිශ්ශංක ප්‍රසාද ලකුණු 661ක් ලබා ගනිමින් නවවැනි ස්ථානයේ පසුවනවා.
නවතම විස්සයි විස්ස තුන් ඉරියව් ක්‍රීඩකයින් ශ්‍රේණිගත කිරීමේ පළමු ස්ථානය Mohammad Nabi හට හිමිව ඇති අතර ඕස්ට්‍රේලියානු ක්‍රීඩක Glenn Maxwell හතරවැනි තැන දක්වා ඉහළට පැමිණ සිටිනවා.
එම තුන් ඉරියව් ක්‍රීඩක ශ්‍රේණිගත කිරීමේ ප්‍රසාද ලකුණු 150ක් ලබා ගත් ශ්‍රී ලංකා තුන් ඉරියව් ක්‍රීඩක වනිඳු හසරංග නවතම ශ්‍රේණිගත කිරීමේ දසවැනි ස්ථානයේ පසුවනවා.
>> තවත් ක්‍රිකට් පුවත් සඳහා පිවිසෙන්න <<
