එංගලන්ත ටෙස්ට් කණ්ඩායමේ නායක Joe Root නායකත්වයෙන් ඉවත් වීමට කටයුතු කර ඇති බව එංගලන්ත ක්‍රිකට් ආයතනය නිල වශයෙන් ප්‍රකාශ කර තිබෙනවා.
එංගලන්ත ටෙස්ට් ඉතිහාසයේ බිහි වූ සාර්ථකම නායකයෙකු වන Root සිය කණ්ඩායම ජයග්‍රහණය 27කට මෙහෙයවමින් වැඩිම ටෙස්ට් ජයග්‍රහණය ලැබූ එංගලන්ත නායකයා බවට පත්වීමට ද සමත් වුනා.
2017 වසරේ දී එංගලන්ත ටෙස්ට් නායකත්වයට පත්වූ ඔහු ඉන්දියාවට එරෙහිව 4-1 ජයක් සහ දකුණු අප්‍රිකාවට එරෙහිව දකුණු අප්‍රිකාවේ දී 3-1ක ජයක් ලබා ගන්නට සමත් වුනා.
එමෙන්ම ආසියානු කලාපයේ ද සිය ආධිපත්‍ය පැතිර වූ ඔහු 2018 වසරේ දී ශ්‍රී ලංකාවේ දී ටෙස්ට් තරගාවලියක් ජය ගනිමින් 2001 වසරින් පසුව එම දස්කම පෑ පළමු එංගලන්ත නායකයා බවට ද පත් වුනා.
තමන් එංගලන්ත ටෙස්ට් නායකත්වය අතහැරීම පිළිබඳව අදහස් දක්වමින් Root ප්‍රකාශ කළේ,
“බටහිර ඉන්දීය කොදෙව් සංචාරය නිමා වෙලා ආවට පස්සේ මම ටෙස්ට් නායකත්වයෙන් අයින් වෙන්න තීරණය කළා. අ මගේ ජීවිතේ අමාරුම තීරණයක් වුනා වගේම මම ඒ ගැන මගේ පවුලේ අය සහ සමීපතමයන් එක්ක කතා කළා. මම දන්නවා වෙලාව හරි කියලා.
මගේ රටට නායකත්වය ලබා දෙන්න පුළුවන් වීම ගැන මම ගොඩක් ආඩම්බර වෙනවා වගේම පසුගිය අවුරුදු 5 ගැන බලද්දී මට දැනෙන්නේ ලොකු ආඩම්බරයක්.
මම මේක අවස්ථාවක් කර ගන්නවා ස්තුති කරන්න මගේ පවුලේ අයට සහ සමීපතමයින්ට, මාත් එක්ක ක්‍රීඩා කළ ක්‍රීඩකයින්, පුහුණුකරුවන් ඇතුළු සියළුම දෙනාට.
ඒ වගේම අපේ රටේ ප්‍රේක්ෂකයන්ටත් මම විශේෂයෙන් ස්තුතිවන්ත වෙනවා. අපි ගොඩක් වාසනාවන්තයි ලෝකේ හොඳම ප්‍රේක්ෂකයන් අපිට ලැබුණු එකට.
ඒ වගේම මම අපේ මීළඟ නායකයාට, මගේ කණ්ඩායම් සඟයන්ට සහ පුහුණුකරුවන්ට මට පුළුවන් උපරිම උදව් කරන්න බලාපොරොත්තු වෙනවා”.
- Suryakumar Yadavට මහේලගෙන් පැසසුම්
- Mumbai Indians හා Rohit Sharma කබලෙන් ලිපට
- ශ්‍රී ලංකා ක්‍රිකට් ක්‍රීඩිකාවන්ගේ ඉතිහාසගත තරගාවලි කාලසටහන නිකුත් වෙයි
- බංග්ලාදේශයට එරෙහි වන ශ්‍රී ලංකා මූලික ටෙස්ට් සංචිතය නම් කරයි
- ඕස්ට්‍රේලියාවට නව ක්‍රිකට් පුහුණුකරුවෙක්
Joe Root එංගලන්ත ටෙස්ට් නායකත්වයෙන් ඉවත් වීම පිළිබඳව අදහස් දැක්වූ එංගලන්ත ක්‍රිකට් බලධාරි Tom Harrison ප්‍රකාශ කළේ,
“Joe ඔහුට පවරපු දේ පසුගිය කාලෙම හරියට කළා. නායකත්ව පීඩනය සමබර කරගෙන ඔහු පෞද්ගලිකව ද දස්කම් දැක්වුවා. ඔහුගේ නායකත්වයට උදාහරණය නම් අනෙකුත් එංගලන්ත ටෙස්ට් නායකයන්ට වඩා ජයග්‍රහණය තිබීමයි. ඒ වගේම මව්බිමේ දී සහ පිටත දී ලබා ගත් කැපී පෙනෙන ජයග්‍රහණය ද ඊට ඇතුළත්.
ඒ වගේම ඔහු අපේ කණ්ඩායම මෙහෙයවූවේ ඉතාම අමාරු කාලසීමාවකයි. ලොව පුරා දරුණු වසංගතයක් තියෙනකොට ඔහු ඒ දස්කම් දැක්වුවේ. ඒ වගේම ඔහුගේ යටතේ වැඩ කරපු හැම ක්‍රීඩකයෙක්ම කියන්නේ ඔහුගේ හොඳ ගතිගුණ සහ කාරුණික බව ගැනයි.
ඔහු සමඟ වැඩ කරන්න ලැබුණු එක ඉතාම සතුටක්. ඒ වගේම අපි හැමෝම දන්නවා ඔහු ඉදිරියටත් එංගලන්ත කණ්ඩායමට සේවය ලබා දෙමින් කණ්ඩායම ඉදිරියට ගෙනි යන්න ලෑස්ති කියලා”.
>> තවත් ක්‍රිකට් පුවත් සඳහා පිවිසෙන්න <<
