සිම්බාබ්වේ කණ්ඩායමේ පාකිස්තාන සංචාරය සඳහා සහභාගී වන කණ්ඩායම පසුගිය දා නම් කර තිබුණි. එම සංචිතය සඳහා ක්‍රීඩකයන් 20 දෙනෙකු ඇතුළත් වන අතර එහි සුවිශේෂී කරුණ වූයේ Blessing Muzarabani ද ඇතුළත් වීමයි.
පසුගිය සෙනසුරාදා නිකුත් කළ මෙම සංචිතය සඳහා Blessing Muzarabani ඇතුළත් වීමත් සමඟින් ඔහුගේ ජාත්‍යන්තර ආගමනය සටහන් වීමට නියමිතය.
Blessing Muzarabani මේ දක්වා එක් ජාත්‍යන්තර ටෙස්ට් තරගයක දී පමණක් සිම්බාබ්වේ කණ්ඩායම නියෝජනය කර තිබේ. ඔහු එක්දින තරග 18ක් හා විස්සයි විස්ස තරග 6ක් සඳහා සිම්බාබ්වේ කණ්ඩායම නියෝජනය කළේය.
තවත් ක්‍රිකට් පුවත්:
- Sunil Narineට ලොකු චෝදනාවක්
- කුසල් මෙන්ඩිස්ගෙන් සටන්කාමී ශතකයක්
- ෂොයිබ් මලික්ගෙන් වාර්තාවක්!
- සජිත් ප්‍රනාන්දුට ඇමරිකාවේ ක්‍රිකට් නිලයක්
- “තරග සැලසුම් තාම අත ඇරලා නැහැ” – BCB ප්‍රධාන විධායක නිලධාරි
පසුගිය 2018 වසරේ දී සිය ජාත්‍යන්තර ක්‍රිකට් දිවියට තාවකාලික විරාමයක් තැබීමට Blessing Muzarabani තීරණය කළේ Northamptonshire කණ්ඩායම හා ගිවිසුමකට එළඹීමත් සමඟිනි.
සිම්බාබ්වේ කණ්ඩායම එළඹෙන ඔක්තෝබර් 30 වැනිදා පාකිස්තානයේ සංචාරයක් සඳහා එක්වීමට නියමිත අතර එම තරගාවලිය නොවැම්බර් මාසය පුරා පැවැත්වීමට නියමිතය.
මෙම සංචාරය සඳහා එක්දින තරග තුනක් ඇතුළත් වන අතර එම තරග ඔක්තෝබර් මස 30 වැනිදා සිට නොවැම්බර් මස 3 වැනිදා දක්වා පැවැත්වීමට නියමිතය.
තරගාවලියේ විස්සයි විස්ස තරග 3 නොවැම්බර් මස 7 වැනිදා සිට 10 වැනිදා දක්වා පැවැත්වීමට සැලසුම් කර ඇත.
තරගාවලිය සඳහා සහභාගී වන සිම්බාබ්වේ කණ්ඩායමට අත්දැකීම් බහුල ජ්‍යේෂ්ඨ ක්‍රීඩකයන් රැසක් ඇතුළත්ව තිබේ. එම ක්‍රීඩකයන් අතර Brendan Taylor, Tendai Chatara, Craig Ervine, Sikandar Raza, Sean Williams and Elton Chigumbura. කණ්ඩායමේ නායකත්වය Chamu Chibhabha හට හිමිව තිබේ.
සිම්බාබ්වේ කණ්ඩායමට නවක ක්‍රීඩකයන් ද ඇතුළත් වන අතර Wessly Madhevere හා Richard Ngarava ඒ අතර ප්‍රධාන වේ. Milton Shumba හා Faraz Akram මෙම තරගාවලියේ දී ජාත්‍යන්තර ක්‍රිකට් වරම් දිනා ගැනීමට නියමිතය.
සිම්බාබ්වේ කණ්ඩායමේ පාකිස්තාන සංචාරය පූර්ණ සෞඛ්‍යාරක්ෂිත විධිවිධාන යටතේ ජෛව ආරක්‍ෂිත වටපිටාවක් තුල පැවැත්වීමට නියමිතය. පාකිස්තානයට යාමට පෙර ද සිම්බාබ්වේ කණ්ඩායම ජෛව ආරක්‍ෂිත වටපිටාවක් තුල සිටීමට නියමිතය.
තරගාවලිය සඳහා නම් කළ සිම්බාබ්වේ සංචිතය:
Chamu Chibhabha (c), Faraz Akram, Ryan Burl, Brian Chari, Tendai Chatara, Elton Chigumbura, Tendai Chisoro, Craig Ervine, Tinashe Kamunhukamwe, Wessly Madhevere, Wellington Masakadza, Carl Mumba, Richmond Mutumbami, Blessing Muzarabani, Richard Ngarava, Sikandar Raza, Milton Shumba, Brendan Taylor, Donald Tiripano, Sean Williams
Cricbuzz ඇසුරිනි
>> තවත් ක්‍රිකට් පුවත් සඳහා පිවිසෙන්න <<
