සොහාන්, හිරාන්, මුදිත, පවන් සහ ශානික්‍ය මංගල අර්ධ ශතක වාර්තා කරයි

ශ්‍රී ලංකා ක්‍රිකට් සංවිධානය කරන Major Club විස්සයි විස්ස ක්‍රිකට් තරගාවලියේ අද  (24) පැවැති තරගවල දී සොහාන් ද ලිවේරා,  හිරාන් ජයසුන්දර, මුදිත ලක්ශාන්, පවන් පතිරාජ සහ ශානික්‍ය දේශප්‍රිය තම විස්සයි විස්ස තරග දිවියේ මංගල අර්ධ ශතක වාර්තා කළා.

එහි දී Moors SC කණ්ඩායමේ සොහාන් ද ලිවේරා Police SC කණ්ඩායමට එරෙහි ව පන්දු 31කට මුහුණ දෙමින් හතරේ පහර 10ක් සමඟින් ලකුණු 58ක් ද, Ace Capital CC කණ්ඩායමේ පවන් පතිරාජ Bloomfield C & AC කණ්ඩායමට එරෙහි ව පන්දු 31කට මුහුණ දෙමින් හතරේ පහර 3ක් සහ හයේ පහර 3ක් සමඟින් නොදැවී ලකුණු 50ක් ද සහ Bloomfield C & AC කණ්ඩායමේ ශානික්‍ය දේශප්‍රිය Ace Capital CC කණ්ඩායමට එරෙහි ව පන්දු 37කට මුහුණ දෙමින් හතරේ පහරක් සහ හයේ පහරක් සමඟින් නොදැවී ලකුණු 59ක් ද ලබා ගන්නවා.

මේ අතර Colts CC කණ්ඩායම සහ Baduraliya SC කණ්ඩායම අතර තරගයේ දී Colts CC කණ්ඩායමේ  හිරාන් ජයසුන්දර සහ මුදිත ලක්ෂාන් ද තම මංගල අර්ධ ශතක ඉනිම් වාර්තා කළා. ඒ අතුරින් හිරාන් ජයසුන්දර පන්දු 55කට මුහුණ දෙමින් හතරේ පහර 9ක් සමඟින් ලකුණු 71ක් ද සහ මුදිත ලක්ෂාන් පන්දු 18ක දී හතරේ පහර 5ක් සහ හයේ පහර 4ක් සමඟින් නොදැවී  ලකුණු 56ක් ද සහ ලබා ගනිමින් ඔවුන් සමඟින් ම එම කඩඉම්වලට පිවිසියා.

ඔවුන්ට අමතර ව Moors SC කණ්ඩායමේ ජනිශ්ක පෙරේරා (නොදැවී 50), Nugegoda S & WC කණ්ඩායමේ සම්මු අශාන් (53), NCC කණ්ඩායමේ කමිල් මිෂාර (50), SSC කණ්ඩායමේ අවිශ්ක ප්‍රනාන්දු (73) සහ Bloomfield C & AC කණ්ඩායමේ ජනිත් ලියනගේ (58) අර්ධ ශතක ඉනිම් වාර්තා කළා.

මේ අතර දිනයේ හොඳම පන්දු යැවීම වාර්තා කිරීමට BRC කණ්ඩායමේ තරුශ්ක ආශෙල් සමත් වුණා. ඔහු Kurunegala Youth CC කණ්ඩායමට එරෙහි ව ලකුණු 8කට කඩුලු 4ක් දවා ගනිමින් මෙම දක්ෂතාව දැක් වූවා. ඊට අමතර ව  Bloomfield C & AC කණ්ඩායමේ දුලාජ් සමුදිත (4/38) ද පන්දු යැවීමේ දී දක්ෂතා දැක් වූවා.

• සොනාල් දිනූෂ ශ්‍රී ලංකාවේ ගැලවුම්කරු බවට පත් වෙයි
• ආසියානු කුසලානයට යන ශ්‍රී ලංකා කණ්ඩායම නම් කරයි
• පළමු දිනයේ ම මොවින්ගෙන් මල්වෙඩිවන් ඉනිමක්
• යොවුන් පිටිය බැබළවූ සඳරු, හිරාන්, මල්ෂ සහ තරුශ්ක
• සොහාන් සහ කවීන් List A මංගල ශතක වාර්තා කරයි

නිමා වූ තරගවල කෙටි ලකුණු පුවරු

Moors SC සහ Police SC අතර තරගය කොළඹ, Colts ක්‍රිකට් ක්‍රීඩාංගණයේ දී.

• Police SC – කඩුලු 9ක් දැවී 132 (20.0)චතුරංග ජයතිලක 38, මොහොමඩ් ශමාස් 37, රමේෂ් මෙන්ඩිස් 2/14, දුවිඳු තිලකරත්න 2/20, ගරුක සංකේත් 2/29
• Moors SC – කඩුලු 4ක් දැවී 135 (16.4)සොහාන් ද ලිවේරා 58, ජනිශ්ක පෙරේරා නොදැවී 50, රමේෂ් මෙන්ඩිස් නොදැවී 18, තීසාන් විතුසාන් 2/27

Moors SC කණ්ඩායමට කඩුලු 6ක ජයක්.

Kurunegala Youth CC සහ BRC අතර තරගය කොළඹ, P. Sara Oval ක්‍රිකට් ක්‍රීඩාංගණයේ දී.

• Kurunegala Youth CC – සියලුම දෙනා දැවී 66 (17.1) ජනිත් රත්නසිරි 11, මොහොමඩ් ශිරාස් 2/21, තරුශ්ක ආශෙල් 4/08
• BRC – කඩුලු 3ක් දැවී 70 (10.5)ඉසුරු ප්‍රනාන්දු නොදැවී 35, ලිත්ම පෙරේරා නොදැවී 15, විකුම් සංජය 2/24

BRC කණ්ඩායමට කඩුලු 7ක ජයක්.

Nugegoda S & WC සහ Tamil Union C & AC අතර තරගය, කොළඹ NCC ක්‍රිකට් ක්‍රීඩාංගණයේ දී. 

• Tamil Union C & AC – කඩුලු 9ක් දැවී 180 (20.0)තනුක දාබරේ 20, මිනෝද් භානුක 27, ශාරුජන් ශන්මුගනාදන් 30, සචිත ජයතිලක 31, සම්මු අශාන් 2/30, අබ්දුල් හකම් 3/34
• Nugegoda S & WC – කඩුලු 9ක් දැවී 152 (20.0)ලහිරු දවටගේ 29, සම්මු අශාන් 53, විනුශ්ක සිල්වා 20, ලහිරු සමරකෝන් 3/35, නවෝද් පරණවිතාන 2/36

Tamil Union C & AC කණ්ඩායමට ලකුණු 28ක ජයක්.

NCC සහ SSC අතර තරගය කොළඹ, Colts ක්‍රිකට් ක්‍රීඩාංගණයේ දී.

• NCC – කඩුලු 8ක් දැවී 167(20.0)පැතුම් නිස්සංක 31, කමිල් මිෂාර 50, සහන් ආරච්චිගේ 34, කසුන් රාජිත 2/18, මල්ශ ප්‍රනාන්දු 2/33, දිනුර කළුපහන 3/34
• SSC – කඩුලු 5ක් දැවී 168 (19.4)අවිශ්ක ප්‍රනාන්දු 73, රොන් චන්ද්‍රගුප්ත 32, නිපුන් ධනංජය 21, ශක්ති උදාර 2/29, සහන් ආරච්චිගේ 3/23

SSC කණ්ඩායමට කඩුලු 5ක ජයක්.

Baduraliya SC සහ Colts CC අතර තරගය කොළඹ, කොළඹ, P. Sara Oval ක්‍රිකට් ක්‍රීඩාංගණයේ දී.

• Colts CC – කඩුලු 4ක් දැවී 189 (20.0) හිරාන් ජයසුන්දර 71, ඇන්ජලෝ මැතිව්ස් 28, මුදිත ලක්ෂාන් නොදැවී 56, මාලිංග අමරසිංහ 2/50
• Baduraliya SC- සියලුම දෙනා දැවී 115 (16.4) රොහාන් සංජය 21, ධනංජය ලක්ශාන් 2/20, අකිල ධනංජය 3/17

Colts CC කණ්ඩායමට ලකුණු 74ක ජයක්.  

Ace Capital CC සහ Bloomfield C & AC අතර තරගය, කොළඹ P. Sara Oval ක්‍රිකට් ක්‍රීඩාංගණයේ දී.

• Bloomfield C & AC – කඩුලු 7ක් දැවී 187(20.0)හසිත අමරසිංහ 28, ජනිත් ලියනගේ 58, ශානික්‍ය දේශප්‍රිය නොදැවී 59, ඉසිත විජේසුන්දර 2/29
• Ace Capital CC–කඩුලු 9ක් දැවී 174 (20.0)තනුජ රාජපක්ෂ 28, පවන්ත වීරසිංහ 35, පවන් පතිරාජ 50, ඉසිත විජේසුන්දර 30, දුලාජ් සමුදිත 4/38, තරින්ද නිර්මාල් 2/27

Bloomfield C & AC කණ්ඩායමට ලකුණු 13ක ජයක්.

Major Club විස්සයි විස්ස ක්‍රිකට් තරගාවලියේ උණුසුම් පුවත් සහ දෙස් විදෙස් ක්‍රීඩා පිටියේ උණුසුම් පුවත් දැන ගැනීමට රැදී සිටින්න ThePapare.com අප සමඟ ම.

>> තවත් ක්‍රිකට් පුවත් සඳහා පිවිසෙන්න <<