இந்திய டெஸ்ட் குழாத்தில் உபாதை ஆபத்துக் காரணமாக இடம்பெறுவதில் சந்தேகம் நிலவிய சாய் சுதர்ஷன் இந்திய டெஸ்ட் அணியில் இருந்து விலகியுள்ளதாக தெரிவிக்கப்பட்டிருக்கின்றது.
முதன்முறையாக LPL சம்பியன் பட்டம் வென்ற கோல் கெலன்ட்ஸ்
கால் உபாதைக்கு உள்ளாகிய முன்வரிசை துடுப்பாட்டவீரரான சாய் சுதர்ஷன் இலங்கைக்கு சுற்றுப் பயணம் மேற்கொள்ளும் இந்திய டெஸ்ட் அணியில் உள்வாங்கப்பட்ட போதும் அவர் இலங்கை வந்த இந்திய அணியில் காணப்படவில்லை. சாய் சுதர்ஷன் இந்த வார இறுதியில் இந்திய டெஸ்ட் அணியில் உபாதை ஆபத்துக்கள் நீங்கிய பின் இணைவார் என எதிர்பார்க்கப்பட்ட நிலையிலையே அவர் முழுமையாக இலங்கை டெஸ்ட் தொடரில் இருந்து விலகியிருக்கின்றார்.
அதேநேரம் சுதர்ஷனின் பிரதியீடாக உள்வாங்கப்பட்டுள்ள சர்பராஸ் கான் ஒகஸ்ட் 15ஆம் திகதி காலியில் தொடங்கவுள்ள முதல் டெஸ்ட் போட்டிக்கு முன்னதாக இந்திய அணியுடன் இணைவதாக கூறப்பட்டுள்ளது.
2024ஆம் ஆண்டு நியூசிலாந்திற்கு எதிரான டெஸ்ட் தொடரில் இறுதியாக விளையாடிய சர்பராஸ் கான், இதுவரை மொத்தமாக 6 டெஸ்ட் போட்டிகளில் பங்கேற்று ஒரு சதமும் 3 அரைச் சதங்களும் விளாசியிருக்க்கின்றார். சர்பராஸ் கான் அண்மைய ரஞ்சி கிண்ணத் தொடரில் 9 இன்னிங்ஸ்களில் 53.62 என்கிற துடுப்பாட்ட சராசரியுடன், 429 ஓட்டங்கள் குவித்திருந்தமை குறிப்பிடத்தக்கது.
எனினும் சர்பராஸ் கான் சென்னை சுப்பர் கிங்ஸ் அணிக்காக ஏப்ரலில் IPL தொடரில் விளையாடிய பிறகு எந்த தொழில்முறை போட்டிகளிலும் பங்கேற்கவில்லை.
பயிற்சி கிரிக்கெட் போட்டியில் இந்தியா வெற்றி
அதேவேளை சர்பராஸ் கான் இந்திய டெஸ்ட் அணியில் உள்வாங்கப்பட்ட போதும் இலங்கை கிரிக்கெட் பதினொருவர் அணியுடன் பயிற்சிப் போட்டியில் சதமடித்து அசத்திய தேவ்டத் படிக்கல், முதல் டெஸ்டில் மூன்றாம் இலக்க வீரராக (சாய் சுதர்ஷன் இடத்தில்) களமிறங்குவார் என எதிர்பார்க்கப்படுகிறது.
இலங்கை தொடருக்கான இந்திய டெஸ்ட் அணி
சுப்மான் கில், K.L. ராகுல், யஷஸ்வி ஜெய்ஸ்வால், ரிஷாப் பாண்ட், துருவ் ஜுரெல், ரவீந்திர ஜடேஜா, குல்தீப் யாதவ், மானவ் சுதர், மொஹமட் சிராஜ், பிரசித் கிருஷ்ணா, குர்னூர் பிரார், டேவ்தத் படிக்கல், சாரன்ஷ் ஜெயின், ஆகிப் நபி, சர்பராஸ் கான்
>>மேலும் கிரிக்கெட் செய்திகளைப் படிக்க<<
