ஐசிசி மகளிர் வளர்ந்து வரும்; நாடுகளுக்கான கிண்ணத் தொடரில் ஸ்கொட்லாந்துக்கு எதிராக நேற்று (13) நடைபெற்ற போட்டியில் 4 விக்கெட்டுகளால் இலங்கை அணி வெற்றியீட்டியது.
சுகந்திகா குமாரி, சத்யா சந்தீபனி ஆகியோரின் துல்லியமான பந்துவீச்சுகள், விஷ்மி குணரட்னவின் அபார துடுப்பாட்டம் என்பன இலங்கையின் வெற்றியில் முக்கிய பங்காற்றின.
ஓமானின் அஜ்மானில் நேற்று (13) நடைபெற்ற 5ஆவது லீக் போட்டியில் இலங்கை மற்றும் ஸ்கொட்லாந்து மகளிர் அணிகள் மோதிக்கொண்டன.
இப்போட்டியில் முதலில் துடுப்பெடுத்தாடிய ஸ்கொட்லாந்து மகளிர் அணி, நிர்ணயிக்கப்பட்ட 20 ஓவர்களில் 8 விக்கெட்டுக்கள் இழப்புக்கு ஓட்டங்களைப் பெற்றது. பந்துவீச்சில், சுகந்திகா குமாரி,சத்யா சந்தீபனி இருவரும் தலா 2 விக்கெட்டுக்களை வீழ்த்தினர்.
- அயர்லாந்து அணிக்கு எதிராக இலங்கைக்கு மகளிருக்கு வெற்றி ஆரம்பம்
- வளர்ந்து வரும் அணிகளுக்கான தொடரிலிருந்து சமுதி பிரபோதா திடீர் விலகல்
112 ஓட்டங்கள் என்ற வெற்றி இலக்கை நோக்கி பதிலுக்குத் துடுப்பெடுத்தாடிய இலங்கை அணி 18.1 ஓவர்களில் 6 விக்கெட் இழப்புக்கு 115 ஓட்டங்களைப் பெற்று 4 விக்கெட்டுக்களால் வென்றது. இதில் விஷ்மி குணரட்ன 49 ஓட்டங்களையும், ஹர்ஷிதா சமரவிக்ரம 24 ஓட்டங்களையும் பெற்றனர்.
பந்துவீச்சில் அப்தஹா மக்சூத் 18 ஓட்டங்களுக்கு 3 விக்கெட்டுகளை வீழ்த்தினார்.
இந்தத் தொடரில் இலங்கை ஈட்டிய இரண்டாவது வெற்றி இதுவாகும். இதன் மூலம் அரை இறுதி வாய்ப்பை இலங்கை அதிகரித்துக்கொண்டதுடன், 4 புள்ளிகளுடன் குழு ‘ஏ’யில் முதலிடத்தைப் பிடித்தது.
இந்தப் போட்டியின் ஆட்ட நாயகியாக விஷ்மி குணரட்ன தெரிவானார்.
இலங்கை மகளிர் அணி, தனது மூன்றாவது போட்டியில் நாளை (15) பபுவா நியூகினியா மகளிர் அணியை எதிர்கொள்ளவுள்ளது.
போட்டியின் சுருக்கம்
ஸ்கொட்லாந்து மகளிர் அணி – 111/8 (20 ஓவர்கள்) டார்சி கார்ட்டர் 62, மேகன் மெக்கோல் 16, சுகந்திகா குமாரி 2/15, சத்யா சந்தீபனி: 2/18
இலங்கை மகளிர் அணி – 115/6 (18.1 ஓவர்கள்) விஷ்மி குணரத்ன 49, ஹர்ஷிதா சமரவிக்ரம 24, அப்தஹா மக்சூத் 3/18, க்ளோ அபெல் 1/8
முடிவு – இலங்கை மகளிர் அணி 4 விக்கெட்டுகளால் வெற்றி பெற்றது.
 நடைபெற்ற போட்டியில் 4 விக்கெட்டுகளால் இலங்கை அணி வெற்றியீட்டியது.){kind=link}