ஷெர்பேனே ரூதர்போர்ட் இன் அரைச்சதம் மற்றும் ஜேசன் ஹோல்டரின் இறுதிநேர அதிரடி துடுப்பாட்டம் என்பவற்றின் துணையோடு, இலங்கை அணிக்கு எதிரான தீர்மானமிக்க மூன்றாவதும் மற்றும் இறுதியுமான T20I போட்டியில் மேற்கிந்திய தீவுகள் அணி 5 விக்கெட்டுக்களால் அபார வெற்றி பெற்று தொடரை 2-1 என கைப்பற்றியுள்ளது.  ஜமைக்காவில் நேற்று (14) நடைபெற்ற விறுவிறுப்பான இந்தப் போட்டியில் நாணய சுழற்சியில் வென்ற மேற்கிந்திய தீவுகள் அணியின் தலைவர் சாய் ஹோப் முதலில் பந்துவீச்சினைத் தெரிவு செய்து கொண்டார்.  தசுன் ஷானக்க, மிஷார மிரட்டல்; T20 தொடரை சமன் செய்த இலங்கை அதன்படி முதலில் துடுப்பெடுத்தாடிய இலங்கை அணி, மேற்கிந்திய தீவுகள் அணியின் துல்லியமான பந்துவீச்சை எதிர்கொள்ள முடியாமல் தடுமாறியது. ஒரு கட்டத்தில் 88 ஓட்டங்களுக்கு 5 விக்கெட்டுக்களை இழந்து காணப்பட்ட அவ்வணிக்கு துனித் வெல்லாலகே நம்பிக்கை வழங்கினார்.  இதனையடுத்து 20 ஓவர்கள் நிறைவில் அனைத்து விக்கெட்டுக்களையும் இழந்து 169 ஓட்டங்களை இலங்கை பெற்றது.   இலங்கை அணியின் துடுப்பாட்டத்தில் நடுத்தர வரிசையில் அதிரடியாக ஆடிய துனித் வெல்லாலகே 28 பந்துகளில் 6 பவுண்டரிகள் மற்றும் ஒரு சிக்ஸர் அடங்கலாக அதிகபட்சமாக 43 ஓட்டங்களைப் பெற்றிருந்தார்.  மேற்கிந்திய தீவுகள் அணியின் பந்துவீச்சில் ஷாமர் ஜோசப் 4 ஓவர்களில் 33 ஓட்டங்களை மாத்திரம் வழங்கி 5 விக்கெட்டுக்களை வீழ்த்தி தனது முதலாவது சர்வதேச T20I ஐந்து விக்கெட் சாதனையை பதிவு செய்தார்.  பின்னர் போட்டியின் வெற்றி இலக்காக நிர்ணயிக்கப்பட்ட 170 ஓட்டங்களை நோக்கிப் பதிலுக்குத் துடுப்பெடுத்தாடிய மேற்கிந்திய தீவுகள் அணி, 19.4 ஓவர்கள் நிறைவில் 5 விக்கெட்டுக்களை மாத்திரம் இழந்து, 170 ஓட்டங்களைப் பெற்று 5 விக்கெட்டுக்களால் வெற்றியைத் தன்வசப்படுத்தியது.  தொடக்கத்தில் 53 ஓட்டங்களுக்கு 4 விக்கெட்டுக்களை இழந்து மேற்கிந்திய தீவுகள் அணி தடுமாறிய போது, ஜோடி சேர்ந்த ரொவ்மன் பவல் மற்றும் ஷெர்பேன் ரூதர்போர்ட் ஆகியோர் அணியை மீட்டெடுத்தனர். இதில் அபாரமாக ஆடிய ரூதர்போர்ட் 40 பந்துகளில் 54 ஓட்டங்களை விளாசி இறுதிவரை ஆட்டமிழக்காமல் களத்தில் இருந்தார். அவருக்கு நல்ல ஒத்துழைப்பு வழங்கிய தலைவர் ரொவ்மன் பவல் 33 ஓட்டங்களைப் பெற்று ஆட்டமிழந்தார். அதேநேரம் இறுதிநேர அதிரடி காட்டிய ஜேசன் ஹோல்டர் வெறும் 5 பந்துகளில் 3 சிக்ஸர்கள் அடங்கலாக 21 ஓட்டங்கள் பெற்றார்.  இலங்கை அணியின் பந்துவீச்சில் வனிந்து ஹஸரங்க 4 ஓவர்களில் 17 ஓட்டங்களை மாத்திரம் வழங்கி 2 விக்கெட்டுக்களைக் கைப்பற்றிய போதிலும், மேற்கிந்திய தீவுகளின் ஓட்ட வேகத்தை இலங்கை அணியின் ஏனைய பந்துவீச்சாளர்களால் கட்டுப்படுத்த முடியாமல் போனது.  இந்தப் போட்டியில் ஷாமர் ஜோசப் ஆட்டநாயகனாகவும், தொடர் நாயகனாகவும் தெரிவு செய்யப்பட்டார்.  போட்டியின் சுருக்கம்  $contents = file_get_contents("https://stats.thepapare.com/cricket/embed/match_result/west-indies-vs-sri-lanka-sri-lanka-tour-of-west-indies-3rd-t20");...

தசுன் ஷானக்கவின் மிரட்டல் அரைச்சதம், கமில் மிஷார மற்றும் வனிந்து ஹஸரங்க ஆகியோரது அசத்தல் ஆட்டம் என்பவற்றுடன் துணையோடு இலங்கை...

நியூசிலாந்து கிரிக்கெட் அணியின் நட்சத்திர வீரர் கேன் வில்லியம்சன் சர்வதேச கிரிக்கெட்டின் அனைத்து வடிவங்களிலிருந்தும் உடனடியாக ஓய்வு பெறுவதாக அதிரடியாக அறிவித்துள்ளார்.   இங்கிலாந்துக்கு எதிரான மூன்று போட்டிகள் கொண்ட டெஸ்ட் தொடர் பாதியிலேயே நடந்து கொண்டிருக்கும் வேளையில் இவரது இந்த முடிவு வெளியாகியுள்ளது. இதன் மூலம் கடந்த 2010 ஆம் ஆண்டு தொடங்கிய அவரது 16 ஆண்டுகால சர்வதேச கிரிக்கெட் பயணம் முடிவுக்கு வந்துள்ளது.  35 வயதான வில்லியம்சன், லோர்ட்ஸ் மைதானத்தில் நடைபெற்ற இங்கிலாந்துக்கு எதிரான முதல் டெஸ்ட் போட்டியில் 0 மற்றும் 18 ஓட்டங்கள் மட்டுமே எடுத்து ஆட்டமிழந்தார். இப்போட்டியில் நியூசிலாந்து அணி தோல்வியடைந்தது.   இந்நிலையில், ஓவல் மற்றும் ட்ரெண்ட் பிரிட்ஜ் ஆகிய மைதானங்களில் நடைபெறவுள்ள அடுத்த இரண்டு டெஸ்ட் போட்டிகளில் விளையாடப்போவதில்லை என அவர் முடிவு செய்துள்ளார். கடந்த 2024 ஜூன் மாதம் முதல் அவர் நியூசிலாந்து கிரிக்கெட் சபையின் வீரர்களுக்கான மத்திய ஒப்பந்தத்தில் இடம்பெறவில்லை என்பது குறிப்பிடத்தக்கது. தனது கிரிக்கெட் வாழ்க்கையின் இறுதி காலப்பகுதியில் டி20 லீக் போட்டிகளில் கவனம் செலுத்துவதற்காக, தேர்ந்தெடுக்கப்பட்ட சர்வதேச தொடர்களில் மட்டுமே அவர் விளையாடி வந்தமை குறிப்பிடத்தக்கது.   கிரிக்கெட்டிலிருந்து ஓய்வை அறிவித்த நியூசிலாந்து சகலதுறை வீரர் அவிஷ்கவின் அதிரடி சதத்துடன் இலங்கை A அணிக்கு இலகு வெற்றி ...

ஆப்கானிஸ்தான் A அணிக்கு எதிராக நடைபெற்ற முத்தரப்பு ஒருநாள் தொடரின் தங்களுடைய இரண்டாவது போட்டியில் இலங்கை A அணி 8...

எட்ஜ்பாஸ்டனில் நடைபெற்று முடிந்த இலங்கை – இங்கிலாந்து அணிகள் இடையிலான மகளிர் T20 உலகக் கிண்ண முதல் போட்டியில் இங்கிலாந்து...

இலங்கை வளர்ந்து வரும் கிரிக்கெட் அணிக்கும் மேற்கிந்தியத் தீவுகள் கிரிக்கெட் பயிற்சியக அணிக்கும் இடையிலான இரண்டு போட்டிகள் கொண்ட நான்கு...

ஜேசன் ஹோல்டர் மற்றும் ஷாய் ஹோப் ஆகியோரது சிறந்த ஆட்டத்துடன் இலங்கை அணிக்கு எதிரான முதலாவது T20I போட்டியில் மேற்கிந்திய...

சுற்றுலா பாகிஸ்தான் மகளிர் மற்றும் இலங்கை மகளிர் அணிகளுக்கு இடையிலான ஒருநாள் மற்றும் T20I தொடர்களுக்கான போட்டி அட்டவணை உத்தியோகபூர்வமாக...

இலங்கை 19 வயதுக்குட்பட்ட மகளிர் கிரிக்கெட் அணியானது இருதரப்பு தொடர்களில் பங்கேற்பதற்காக இம்மாத நடுப்பகுதியில் இந்தியாவிற்கு சுற்றுப்பயணம் மேற்கொள்ளவுள்ளது. >>விறுவிறுப்பான போட்டியில்...