ராவல்பிண்டியில் நடைபெற்ற சுற்றுலா இலங்கை மற்றும் பாகிஸ்தான் அணிகள் இடையிலான முதல் டெஸ்ட் போட்டி சமநிலையில் நிறைவடைந்துள்ளது.
>>சமநிலை முடிவினை நோக்கி நகரும் முதல் டெஸ்ட் போட்டி
இந்த டெஸ்ட் போட்டியின் நான்காம் நாள் ஆட்டம் சீரற்ற காலநிலை காரணமாக நேற்று (12) நிறைவடையும் போது இரண்டாம் இன்னிங்ஸில் துடுப்பாடிய பாகிஸ்தான் 57 ஓட்டங்களுக்கு ஒரு விக்கெட்டினை இழந்து காணப்பட்டது. களத்தில் இருந்த அசான் அவைஸ் 22 ஓட்டங்களையும், மொஹமட் தாஹா 24 ஓட்டங்களையும் எடுத்திருந்தனர்.
இன்று (13) போட்டியின் ஐந்தாம் நாளில் காலநிலை சீர்கேட்டின் தாக்கம் இருந்த போதும் இலங்கை வீரர்கள், பாகிஸ்தானின் முன்வரிசை வீரர்களுக்கு இலங்கை நெருக்கடி வழங்கியது. பாகிஸ்தான் ஐந்தாம் நாளில் முதல் விக்கெட்டாக அசான் அவைஸைப் பறிகொடுத்தது. அவர் 22 ஓட்டங்களுடனும், அவரை அடுத்து மொஹமட் தாஹா 24 ஓட்டங்களுடனும் அடுத்தடுத்து வெளியேறினர்.
இதனையடுத்து பாபர் அசாம் புதிய வீரராக வந்து பாகிஸ்தானின் 4ஆவது விக்கெட்டானார். அவர் 34 ஓட்டங்களுக்கு ஆட்டமிழந்து செல்ல அவரின் பின்னர் சல்மான் அகாவின் இன்னிங்ஸ் 13 ஓட்டங்களுடன் முடிவடைந்தது.
எனினும் போட்டி சமநிலை அடையும் வரை களத்தில் இருந்த சௌத் சகீல் சிறப்பாக துடுப்பாடியதோடு 97 ஓட்டங்கள் பெற்று சதத்தினை தவறவிட்டார். சௌத் சகீலின் விக்கெட்டினை அடுத்து போட்டி சமநிலை அடைந்தது. போட்டி சமநிலை அடையும் போது பாகிஸ்தான் அணியினர் 84.5 ஓவர்களில் 8 விக்கெட்டுக்களை இழந்து 284 ஓட்டங்கள் எடுத்திருந்தனர்.
இலங்கை அணியின் பந்துவீச்சில் மிலான் ரத்நாயக்க 3 விக்கெட்டுக்களைச் சாய்க்க, லஹிரு குமார மற்றும் அசித பெர்னாண்டோ ஆகியோர் தலா 2 விக்கெட்டுக்கள் வீதம் சாய்த்திருந்தனர். போட்டியின் ஆட்டநாயகனாக சகிப் கான் தெரிவாகியிருந்தார்.
