பயிற்சி கிரிக்கெட் போட்டியில் இந்தியா வெற்றி

இலங்கை சுற்றுப்பயணம் மேற்கொண்டுள்ள இந்திய கிரிக்கெட் அணி, இலங்கை கிரிக்கெட் பதினொருவர் அணியுடன் (Sri Lanka Cricket XI) ஆடிய பயிற்சிப் போட்டியில்  

6 விக்கெட்டுக்களால் வெற்றியைப் பதிவு செய்துள்ளது. 

முதன்முறையாக LPL சம்பியன் பட்டம் வென்ற கோல் கெலன்ட்ஸ்

இலங்கைக்கு சுற்றுப்பயணம் மேற்கொண்டுள்ள இந்தியா, இலங்கை அணியுடனான உலக டெஸ்ட் சம்பியன்ஷிப் தொடருக்கு முன்னதாக மூன்று நாட்கள் கொண்ட பயிற்சி போட்டியில் இலங்கை கிரிக்கெட் கிரிக்கெட் பதினொருவர் அணியினை எதிர் கொண்டிருந்தது. 

கடந்த வெள்ளிக்கிழமை (07) கொழும்பு NCC மைதானத்தில் ஆரம்பமாகிய இந்தப் போட்டியில் சோனால் தினுஷ தலைமையிலான இலங்கைத் தரப்பு முதலில் நாணய சுழற்சியில் வென்று முதலில் துடுப்பாட்டத்தை தெரிவு செய்து கொண்டது. 

பின்னர் இலங்கை கிரிக்கெட் பதினொருவர் அணி, ரவிந்து ரசன்த மற்றும் நிஷான் மதுஷ்க ஆகியோரின் அரைச் சதங்களின் உதவியுடன் 90 ஓவர்களில் 8 விக்கெட் இழப்பிற்கு 363 ஓட்டங்கள் எடுத்து முதல் இன்னிங்ஸை இடைநிறுத்தம்  செய்தது.  

இலங்கைத் தரப்பில் அரைச்சதங்களை விளாசிய வீரர்களிவ் ரவிந்து ரசன்த 71 ஓட்டங்களும், நிஷான் மதுஷ்க 66 ஓட்டங்களும் பெற்றனர். இவர்கள் தவிர சோனால் தினுஷ 52 ஓட்டங்கள் பெற்றார். 

இந்திய தரப்பில் சுழற்பந்து வீச்சாளர்களான ரவீந்திர ஜடேஜா மற்றும் குல்தீப் யாதவ் தலா 2 விக்கெட்டுகளைக் கைப்பற்றினர். 

இதனைத் தொடர்ந்து தனது முதல் இன்னிங்ஸைத் தொடங்கிய இந்திய அணிக்கு தேவ்தத் படிக்கல் அபாரமாக விளையாடி சதமடித்தார். அவர் 142 ஓட்டங்கள் எடுத்து ஆட்டமிழக்காமல் இருந்தார். அவருக்கு உறுதுணையாக விளையாடிய ரவீந்திர ஜடேஜா 63 ஓட்டங்கள் பெற்று,  மைதானத்தில் இருந்து (Retired Hurt) வெளியேறினார்.  

பின்னர் இந்திய அணி 90 ஓவர்களில் 6 விக்கெட் இழப்பிற்கு 357 ஓட்டங்கள் எடுத்து தனது முதல் இன்னிங்ஸை முடித்துக் கொண்டது. 

இலங்கைத் தரப்பின் பந்துவீச்சில் அசங்க மனோஜ் மற்றும் ரமேஷ் மெண்டிஸ் ஆகியோர் தலா 2 விக்கெட்டுக்கள் வீதம் வீழ்த்தியிருந்தனர். 

இலங்கை டெஸ்ட் தொடரில் இவ்வாரம் இணையும் சுதர்ஷன்

இரண்டாவது இன்னிங்ஸில் களமிறங்கிய இலங்கை கிரிக்கெட் பதினொருவர் அணி 45 ஓவர்களில் 6 விக்கெட் இழப்பிற்கு 200 ஓட்டங்கள் எடுத்து ஆட்டத்தினை இடைநிறுத்தியது. 

இலங்கை துடுப்பாட்டம் தரப்பில் மீண்டும் அரைச்சதம் பெற்ற அணியில் நிஷான் மதுஷ்க 63 ஓட்டங்கள் எடுக்க, நிபுன் தனஞ்சய 46 ஓட்டங்கள் பெற்றார். இந்திய அணியின் பந்துவீச்சில் ரவீந்திர ஜடேஜா மீண்டும் சிறப்பாக பந்துவீசி 2 விக்கெட்டுகளை வீழ்த்தினார். 

இலங்கையின் இரண்டாம் இன்னிங்ஸின் பின் போட்டியின் வெற்றி இலக்காக நிர்ணயிக்கப்பட்ட 207 ஓட்டங்களை இலக்கை நோக்கி இரண்டாவது இன்னிங்ஸ் துடுப்பாட்டத்தை ஆரம்பித்த இந்திய அணி, 45 ஓவர்களில் 4 விக்கெட்டுகளை மட்டுமே இழந்து 214 ஓட்டங்கள் எடுத்து வெற்றி இலக்கை அடைந்தது. 

இந்திய தரப்பில் வெற்றியை உறுதி செய்ய காரணமாக அமைந்த  யஷஸ்வி ஜெய்ஸ்வால் 2 சிக்ஸர்கள் மற்றும் 9 பெளண்டரிகள் அடங்கலாக 61 ஓட்டங்கள் எடுத்தார். அதேநேரம் சுப்மான் கில் 44 ஓட்டங்கள் பெற்றிருந்தார். 

ஸ்கோர் விபரம் 

 

இலங்கை கிரிக்கெட் XI (முதல் இன்னிங்ஸ்) – 363/8d (90) ரவிந்து ரசன்த 71, நிஷான் மதுஷ்க 66, சோனால் தினுஷ 52, பவான் ரத்நாயக்க 39, மானவ் சுதர் 2/33, ரவீந்திர ஜடேஜா 2/64, குல்தீப் யாதவ் 2/76 & (இரண்டாவது இன்னிங்ஸ்) 200/6d (45) நிஷான் மதுஷ்க 63, நிபுன் தனஞ்சய 46, ரவீந்திர ஜடேஜா 2/33, குர்னூர் பிரார் 2/37 

 

இந்தியா (முதல் இன்னிங்ஸ்) – 357/6d (90) டேவ்தத் படிக்கல் 142*, ரவீந்திர ஜடேஜா 63, மானவ் சுதர் 41, KL ராகுல் 40, அசங்க மனோஜ் 2/32, ரமேஷ் மெண்டிஸ் 2/77 & (இரண்டாவது இன்னிங்ஸ்) 214/4 (45) யஷஸ்வி ஜெய்ஸ்வால் 61 

 

முடிவு – இந்தியா 6 விக்கெட்டுக்களால் வெற்றி 

>>மேலும் கிரிக்கெட் செய்திகளைப் படிக்க<<