සංචාරක ඕස්ට්‍රේලියානු ක්‍රිකට් කණ්ඩායමට එරෙහිව පැවැත්වුණු දෙවැනි විස්සයි විස්ස තරගයේ දී නියමිත කාලය තුළ පන්දුවාර යවා අවසන් නොකිරීම නිසා ශ්‍රී ලංකා කණ්ඩායමට තරග ගාස්තුවෙන් 40%ක දඩ මුදලක් නියම කිරීමට ICCය තීරණය කර තිබෙනවා.
දසුන් ශානකගේ නායකත්වයෙන් යුත් ශ්‍රී ලංකා කණ්ඩායම නියමිත කාලයේ දී පන්දුවාර දෙකක් අඩුවෙන් යවා තිබීම නිසා Emirates ICC Elite තරග තීරක රන්ජන් මඩුගල්ලේ මහතා මෙම දඩය නියම කර තිබෙනවා.
- ශ්‍රී ලංකා – ඕස්ට්‍රේලියා සංචාරයට CDB සමාගමත් එකතු වෙයි
- ඕස්ට්‍රේලියාවට එරෙහි වන ශ්‍රී ලංකා එක්දින සංචිතය නිකුත් කරයි
- ප්‍රබල ඕස්ට්‍රේලියානුවාට තෙවැනි විස්සයි විස්සත් අහිමි වෙයි
ICC ක්‍රීඩක චර්යා ධර්ම පද්ධතියේ 2.22 කොටසට අදාලව නියමිත කාලයේ දී යවා අවසන් කරන්නට නොහැකි වන එක් පන්දුවාරයක් වෙනුවෙන් 20%ක දඩ මුදලක් එම කණ්ඩායමට නියම වෙනවා.
ශානක විසින් සිය කණ්ඩායමේ වැරැද්ද පිළිගෙන දඬුවම ද භාරගෙන තිබෙන අතර ඒ නිසා මෙම කරුණ සඳහා නිල නඩු විභාගයක් සිදු කෙරෙන්නේ නැහැ.
පිටියේ විනිසුරුවන් වූ කුමාර් ධර්මසේන හා ප්‍රගීත් රඹුක්වැල්ල ද, තෙවැනි හා සිව්වැනි විනිසුරුවන් වූ ලින්ඩන් හැනිබෙල් හා රුචිර පල්ලියගුරුගේ ද මෙම දඬුවම තහවුරු කරනු ලැබුවා.
ICC ඇසුරෙන්
>>තවත් ක්‍රිකට් පුවත් සඳහා පිවිසෙන්න<<
