මේ දිනවල ගෝලීය වසංගතයක් ලෙස පැතිර යන නව කොරෝනා හෙවත් COVID-19 වයිරසය නිසාවෙන් ලොව පුරා ක්‍රීඩා තරග රැසක් අවලංගු කිරීමට සිදු විය. මේ නිසා එක් එක් රටවල ක්‍රීඩා ආයතනවලට සිදු වූ පාඩුව අතිමහත්ය.
මෙම වයිරස් අර්බුදය හමුවේ දරා ගත නොහැකි මූල්‍යමය අපහසුතා හේතුවෙන් 11 වැනි පරිච්ඡේදයට අදාළ බංකොලොත් භාවය සඳහා කරුණු ගොනු කිරීමට ඇමරිකා එක්සත් ජනපද රග්බි මණ්ඩලය පසුගිය දා තම ඡන්දය ප්‍රකාශ කර තිබේ.
කොරෝනා පරද්දන්න රග්බි වීරවරියන් රෝහල‍ට
මෙම ගෝලීය වසංගතය හේතුවෙන් එරට රග්බි පාලක මණ්ඩලය විසින් මාර්තු 20 වැනිදා සිට සියලු තරග සහ රග්බි ක්‍රියාකාරකම් දින නියමයක් නොමැතිව අත්හිටුවන ලදි.
ඇමරිකා එක්සත් ජනපද රග්බි ක්‍රීඩාව ලෝක රග්බි ක්‍රීඩාවෙන් ප්‍රතිව්‍යුහගත කිරීමේ ක්‍රියාවලියකට භාජනය වන අතර රටේ පිරිමි සහ කාන්තා ජාතික කණ්ඩායම් මෙම අර්බුදයෙන් අනතුරුව රග්බි නැවත ආරම්භ කළ විට සාමාන්‍ය පරිදි තරග කරනු ඇත. පාලක මණ්ඩලය විසින් ඔවුන්ගේ මෙම තීරණය විස්තර කළේ අනාගත ස්ථාවරත්වයට පදනමක් ලබා දීමට හොඳම ක්‍රමය ලෙසයි.
ඇමරිකා එක්සත් ජනපදයේ රග්බි හි සභාපති බාබරා ඕ බ්‍රයන් ප්‍රකාශයක් කරමින් මෙසේ පැවසීය:
“මෙම සංවිධානය මුහුණ දී ඇති ඉතාම අභියෝගාත්මක කාල පරිච්ඡේදය මෙය වන අතර මෙම තීරණයට එළඹීමේ දී සියලු විසඳුම් කිසි විටෙකත් සැහැල්ලුවට ගත්තේ නෑ. වර්තමාන තත්ත්වය ඇත්ත වශයෙන්ම රග්බි ක්‍රීඩාවට වඩා විශාල වුවත්, ක්‍රීඩාව සැබවින්ම වර්ධනය විය හැකි දෙයක්. සමබර රග්බි ප්‍රජාවක් සඳහා අඛණ්ඩ වෑයමක් දරමින් අපි පාර්ශවකරුවන් සහ ආධාරකරුවන් සමඟ අවධානය යොමු කරනවා.”
රග්බි යනු එක්සත් ජනපදයේ වේගයෙන් වර්ධනය වන ක්‍රීඩාවක් වන අතර කාන්තා හා පිරිමි කණ්ඩායම් දෙකම මෙම ගිම්හානයේ ටෝකියෝ හි පැවැත්වීමට නියමිතව තිබූ ඔලිම්පික් උළෙල සඳහා සුදුසුකම් ලබා ඇත. කෙසේ වෙතත් මෙම COVID -19 ගෝලීය වසංගතය පැතිර යාම හේතුවෙන් එම ක්‍රීඩා උළෙල 2021 වසර දක්වා කල් දමා ඇත.
>> තවත් රග්බි පුවත් සඳහා පිවිසෙන්න – රග්බි පිටුවට <<
