දකුණු අප්‍රිකාවේ Skukuza හිදී ක්‍රීඩකයින්ගේ එකමුතු බව වැඩි කිරීම වෙනුවෙන් පැවති සංස්කෘතික කඳවුරක් තුල දකුණු අප්‍රිකානු ක්‍රිකට් ක්‍රීඩකයින් දෙදෙනෙකු හට කොරෝනා වයිරසය ආසාදනය වී ඇති බව දකුණු අප්‍රිකානු ක්‍රිකට් පරිපාලනය පවසා සිටියි.
ලහිරු උදාරගේ ලකුණු මැෂිම 1000 සීමාව අභියසට
කෙසේ නමුත් ඔවුන් එම ක්‍රීඩකයින් දෙදෙනාගේ නම් සහ ඔවුන් කවුරුන් ද යන වග ජාත්‍යන්තර මාධ්‍ය වෙත පවසා නොමැත. එම ක්‍රීඩකයින් දෙදෙනාව නිරෝධායනය කර ඉදිරි ප්‍රතිකාර කටයුතු කිරීමට බලාපොරොත්තුවෙන් සිටින බව එහි දී දකුණු අප්‍රිකානු ක්‍රිකට් බලධාරීන් වැඩිදුරටත් පවසා සිටියේය. එසේම මේ කඳවුර සඳහා සහභාගී වී සිටින අනෙක් ක්‍රීඩකයින් පිළිබඳව ද ඔවුන් විශේෂ අවධානයෙන් සිට සෞඛ්‍ය අංශවල උපදෙස් අනුව ඒ අවශ්‍ය ක්‍රියාමාර්ග ගැනීමට කටයුතු කරන බව පවසා සිටින ලදි.
අගෝස්තු මස 18 සිට 22 දක්වා දින හතරක් පුරාවට පැවැත්වෙන මෙම කඳවුර සංවිධානය කර ඇත්තේ කළු ජාතිකයින් සහ සුදු ජාතිකයින් අතර තිබෙන සුහදත්වය වැඩි කිරීම සහ ජාත්‍යන්තර ක්‍රිකට් පිටිය සඳහා අවතීර්ණ වීමට පෙර ඔවුන්ගේ මිතුදම් වර්ධනය කර ගැනීම වෙනුවෙනි. කෙසේ නමුත් මේ කඳවුර සඳහා සහභාගී වන සියලුම දෙනා හට PCR පරීක්ෂණ සිදුකර කඳවුර සඳහා ඇතුළත් කර ඇත.
ක්‍රීඩකයින් 32 දෙනෙකු සහභාගී වූ මේ කඳවුර සඳහා ෆෆ් ඩියු ප්ලේසි සහභාගී වී නොමැත්තේ ඔහු දෙවන වරටත් පිය පදවිය අපේක්ෂාවෙන් සිටින නිසාවෙනි. කෙසේ නමුත් දකුණු අප්‍රිකානු ක්‍රිකට් ආයතනය පවසන පරිදි PCR පරීක්ෂණවලින් තහවුරු වූ කොරෝනා වයිරසය වැළඳුණු ක්‍රීඩකයින් දෙදෙනා වෙනුවට මේ කඳවුර සඳහා ක්‍රීඩකයින් ආදේශ කිරීම සිදු නොවනු ඇත. යම් ක්‍රීඩකයෙක් හට මේ කඳවුර සඳහා සහභාගී වීමට අවශ්‍යම නම් වීඩියෝ සංවාදයක් හරහා වුවද සම්බන්ධ කර ගැනීම සඳහා අවශ්‍ය කටයුතු සූදානම් කර තිබේ.
නව ක්‍රීඩා කවුන්සිලයේ සභාපතිකම මහේලට; Dialog CEOටත් ආරාධනා
කඳවුරට සහභාගී වන ක්‍රීඩකයින්: එයිඩන් මාක්‍රම්, ඇන්ඩිල් පෙහ්ලක්වායෝ, ඇන්රිච් නෝර්ට්ජේ, බියුරන් හෙන්ඩ්‍රික්ස්, ජෝර්න් ෆෝටූයින්, ඩැරින් ඩුපවිලන්, ඩේවිඩ් මිලර්, ඩීන් එල්ගාර්, ඩ්වේන් ප්‍රිටෝරියස්, ජෝර්ජ් ලින්ඩේ, ග්ලෙන්ටන් ස්ටුවර්මන්, හෙන්රිච් ක්ලැසන්, ජැනේමන් මාලන්, ජෝන් ස්මූට්ස්, ජූනියර් ඩලා, කගීසෝ රබාඩා, කීගන් පීටර්සන්, කේෂව් මහරාජ්, කයිල් වෙරියන්, ලුන්ගි එන්ගිඩි, ලූතෝ සිපම්ලා, පීටර් මාලන්, පයිට් වැන් බිල්ජොන්, ක්වින්ටන් ඩි කොක්, රාසි වැන් ඩර් ඩුසෙන්, රීසා හේන්රික්ස්, සේනුරාන් මුතුසාමි, සිසන්ද මාග්ලා, ටබ්‍රයිස් ෂම්සි, ටෙම්බා බාවුමා, සුබයර් හම්සා.
>> තවත් ක්‍රිකට් පුවත් සඳහා පිවිසෙන්න <<
