ගෙවුනු දවස අගෝස්තු 22 – ක්‍රිකට් සම්මාන උළෙල මෙවරත්

264
August - 22

අවිවේකි ජීවන දිවියක් ගත කරන ඔබට, එදිනෙදා මඟ හැරෙන ක්‍රීඩා පුවත් කෙටියෙන්, නිවැරදිව, සිංහලෙන් එකම ලිපියකින් ඉදිරිපත් කිරීමේ අරමුණින් ThePapare.com විසින් ඔබට “ගෙවුනු දවස” නමින් විශේෂාංග ලිපි මාලාවක් දිනපතා ඉදිරිපත් කරන්නෙමු. එහිදි සෑම සඳුදා දිනකම ඔබට පසු දින ඉරිදා සිදු වු පුවත් වලට අමතරව එම සතියේ පල වු විශේෂ පුවත් අප ඔබ වෙත ඉදිරිපත් කරන්නෙමු.

ක්‍රිකට් –

ක්‍රිකට් තරු අභිශේකයට මෙවරත් සූදානම්

2015 වසරේ මෙරට ක්‍රිකට් තරු අගය කිරීම වෙනුවෙන් පැවැත්වෙන ඩයලොග් – ශ්‍රී ලංකා ක්‍රිකට් සම්මාන උළෙල එළඹෙන සැප්තැම්බර් මස 21 වැනිදා බත්තරමුල්ල වෝටර්ස් එජ් හෝටලයේදී පැවැත්වීමට කටයුතු යොදා ඇත. ඊයේ පස්වරුවේ කොළඹ ජයික් හිල්ටන් හෝටලයේදී පැවති මාධ්‍ය සාකච්ඡාවකදී මේ බව අනාවරණය කෙරුනු අතර එම සම්මාන උළෙල නිල වශයෙන් දියත් කිරීමද එහිදී සිදු කෙරුණි.

ශ්‍රී ලංකා ක්‍රිකට් ආයතනය මෙවන් සම්මාන උළෙලක් සංවිධාන කරන 8වන අවස්තාව මෙය වන අතර, ශ්‍රී ලංකාවේ ප්‍රමුඛතම දුරකථන සේවා සම්පාදක සමාගම වන ඩයලොග් ආසිආටා සමාගම නොකඩවා ශ්‍රී ලංකා ක්‍රිකට් සම්මාන උළෙලට නොකඩවා සවිබලය සපයන සිවුවන අවස්ථාවද මෙයයි.

වසරේ ජනප්‍රියම ක්‍රීඩකයා සම්මානය සඳහා නිර්දේශිත නම් 16 මෙසේයි. –

ඇන්ජලෝ මැතිව්ස්, ධම්මික ප්‍රසාද්, දිනේෂ් චන්දිමාල්, දිමුත් කරුණාරත්න, දිල්රුවන් පෙරේරා, කුසල් ජනිත් පෙරේරා, කුමාර් සංගක්කාර, කෞෂාල් සිල්වා, ලහිරු තිරිමාන්න, ලසිත් මාලිංග, නුවන් ප්‍රදීප්, නුවන් කුලසේකර, රංගන හේරත්, සුරංග ලක්මාල්, තිසර පෙරේරා, ටී,එම් ඩිල්ශාන්

සම්පූර්ණ ලිපිය: උත්කර්ශවත් ක්‍රිකට් සම්මාන උළෙල මෙවරත්

නැගී එන සහ සංවර්ධන කණ්ඩායම් කරට කර

සංචාරක ශ්‍රී ලංකා සංවර්ධන කණ්ඩායම හා දකුණු අප්‍රිකානු නැගීඑන කණ්ඩායම සමඟ පැවැත්වෙන දෙවන හා අවසන් සිව්දින ක්‍රිකට් තරගයේ දෙවන දිනය අද (22) දකුණු අප්‍රිකාවේ පිටෝරියා හිදී පැවැත්විණි. අද දිනය අවසන් වන විට තම පළමු ඉණිම ක්‍රීඩා කරන ශ්‍රී ලංකා කණ්ඩායම එක් කඩුල්ලක් දැවී ලකුණු 98ක් ලබාගන්නා ලදි.

ශ්‍රී ලංකා පන්දු යවන්නන්ට හිසරදයක් වෙමින් දක්ෂ පිතිකරණයක නිරත වූ 21ක් හැවිරිදි  තරුණ ක්‍රීඩක මොගොට්සි ලකුණු 205*ක් නොදැවී ලබාගනිමින්  පුරා පන්දුවාර 123යි පන්දු 2ක් තුල පිටියේ රැදී සිටිමින් කලකට අමතක නොවන විශිෂ්ට ඉණිමක් දියත් කරමින් තම ද්විත්ව ශතකය ලබාගන්නා ලදි.

දකුණු අප්‍රිකානු නැගීඑන කණ්ඩායම පළමු ඉණිම – 588-05 dec (123.2) කැරබෝ මොගොට්සි 205*, මාර්කස් අකෙර්මාන් 156, සයිමන් කොහොමාරි 59, පැට්රික් කුරුගර් 53, සංජය චතුරංග 2/95

ශ්‍රී ලංකා සංවර්ධන කණ්ඩායම පළමු ඉණිම – 98-01 (41) පබසර වඩුගේ 32, එෂාන් ලහිරු මිලන්ත 29*, හෂාන් දුමිදු  24*, ටෙශ්පෝ නෙටුයිලි  1/44

සම්පූර්ණ ලිපිය: ලංකාවත් දකුණු අප්‍රිකාවත් කරට කර සටනක්

දවසේ නිමාව