එළඹෙන මාර්තු මාසයේ ඕස්ට්‍රේලියාවේ ගෝල්ඩ් කෝස්ට් නගරය කේන්ද්‍ර කර ගනිමින් පැවැත්වීමට නියමිත පොදු රාජ්‍ය මණ්ඩලීය ක්‍රීඩා උළෙල සඳහා ශ්‍රී ලංකාව නියෝජනය කිරීමට සුදුසු මලල ක්‍රීඩක ක්‍රීඩිකාවන් තෝරා ගැනීම මේ මස 27 වැනිදා දියගම මහින්ද රාජපක්ෂ පිටියේ පැවැත්වේ.
ජාතික රට හරහා දිවීමේ තරගාවලිය පෙබරවාරියේ දී
44 වැනි වරටත් පැවැත්වෙන ජාතික රට හරහා දිවීමේ තරගාවලිය ලබන මස 18 වැනිදා
ශ්‍රී ලංකා මලල ක්‍රීඩා සංගමයේ අධීක්ෂණය ඇතිව පැවැත්වෙන මෙම පරීක්ෂණ කටයුතු ඔවුන් විසින් හඳුනා ගත් සීමිත ඉසව් කිහිපයකට පවත්වනු ලබන අතර 2014 වර්ෂයේ පැවැත්වූ පොදුරාජ්‍ය මණ්ඩලීය ක්‍රීඩා උළෙලේ ලෝකඩ පදක්කම් සඳහා වාර්තා වූ දත්ත පදනම් කරගෙන මෙවර තේරීම් කටයුතු සිදු කරනු ඇත. ඒ ඒ ක්‍රීඩක ක්‍රීඩිකාවන් දක්වනු ලබන දස්කම් අනුව මෙවර පැවැත්වෙන පොදුරාජ්‍ය මණ්ඩලීය ක්‍රීඩා උළෙලට තෝරාගත් ක්‍රීඩක ක්‍රීඩිකාවන් ජාතික ඔලිම්පික් කමිටුව විසින් නිවේදනය කරනු ඇත.
ඇමරිකාවේ සිටින ශ්‍රී ලංකා මැරතන් ක්‍රීඩිකාවක් වන හිරුණි විජේරත්න මෙවර පොදුරාජ්‍ය මණ්ඩලීය ක්‍රීඩා උළෙලට සුදුසුකම් ලබාගෙන ඇති අතර ඒ සඳහා හේතු වී ඇත්තේ ඇය පසුගිය දා 2:36:35ක කාලයක් වාර්තා කරමින් නව ජාතික වාර්තාවක් පිහිටුවීම යි.
ඒ ඒ ඉසව්ව සඳහා අපේක්ෂිත දස්කම් පහත දැක්වෙන අතර මෙවර පොදුරාජ්‍ය මණ්ඩලීය ක්‍රීඩා උළෙල තුළ පිරිමි උස පැනීම, දුර පැනීම, කාන්තා මීටර 800, තුන් පිම්ම යන ඉසව්වන් මෙන්ම හෙල්ල විසිකිරීම යන ඉසව්වලින් ශ්‍රී ලංකාවට යම් පදක්කම් බලාපොරොත්තුවක් තැබීමට හැකිය.
