ජනවාරි 28 වැනිදා සිට පෙබරවාරි 6 වැනිදා දක්වා එක්සත් අරාබි එමීර් රාජ්‍යයේ දී පැවැත්වීමට නියමිත “2021 අබුඩාබි T10 ක්‍රිකට් තරගාවලිය” සඳහා ශ්‍රී ලංකා ක්‍රිකට් ක්‍රීඩකයින් 13 දෙනෙක් සහභාගී වීමට සිටි නමුත් එම ක්‍රීඩකයින් ගණන දැන් 3ක් දක්වා අඩුව තිබෙනවා.
ඒ ශ්‍රී ලංකා ක්‍රිකට් ආයතනය විසින් ශ්‍රී ලංකා ජාතික කණ්ඩායම නියෝජනය කරනු ලබන ක්‍රීඩකයින් හට තරගාවලිය සඳහා යාමට අවශ්‍ය අවසරය (NOC) ලබා නොදීම නිසාවෙන්.
මේ සඳහා බලපා තිබෙන ආසන්නතම හේතුව වන්නේ ශ්‍රී ලංකා ක්‍රිකට් කණ්ඩායමට මේ වසරේ තිබෙන කාර්ය බහුල ජාත්‍යන්තර තරග කාලසටහනයි. ඒ නිසාවෙන් ක්‍රීඩකයින් කළමනාකරණය කරගනිමින් ඔවුන්ගේ ආබාධ අවම කරගැනීම සහ නිසි විවේකයක් ලබා දීම ඉලක්ක කරගෙන ශ්‍රී ලංකා ක්‍රිකට් ආයතනය මේ තීරණය ලබාගෙන ඇති බව වාර්තා වෙනවා.
තවත් ක්‍රිකට් පුවත්:
- Rishabh Pant, MS Dhoniගේ වාර්තාව කඩයි
- තාත්තාගේ හීනය සැබෑ කළ ඉන්දියාවේ වීරයා
- සංගක්කාරට IPL කණ්ඩායමක ලොකු තනතුරක්
- WhatsApp Story එකකින් කරළියට ආ යොවුන් මාලිංග – මතීෂ පතිරණ
ඒ අනුව ඉසුරු උදාන (Bangla Tigers), දසුන් ශානක (Delhi Bulls), දුෂ්මන්ත චමීර (Delhi Bulls), භානුක රාජපක්ෂ (Deccan Gladiators), වනිඳු හසරංග (Deccan Gladiators), ලහිරු කුමාර (Deccan Gladiators), තිසර පෙරේරා (Pune Devils), අවිශ්ක ප්‍රනාන්දු (Team Abu Dhabi) සහ නුවන් ප්‍රදීප් (Northern Warriors) යන ශ්‍රී ලංකා ජාතික සංචිත නියෝජනය කරනු ලබන ක්‍රීඩකයින් හට 2021 T10 ක්‍රිකට් තරගාවලිය සඳහා යාමට අවස්ථාව හිමි වන්නේ නැත.
කෙසේ නමුත් Pune Devils කණ්ඩායම නියෝජනය කිරීමට සූදානමින් සිටි ශ්‍රී ලංකා හිටපු ක්‍රිකට් ක්‍රීඩකයින් දෙදෙනෙක් වන අජන්ත මෙන්ඩිස් සහ චාමර කපුගෙදර ඉන් ඉවත්ව ඇත්තේ පුද්ගලික හේතුවක් නිසාවෙනි.
එසේම 2020 වසරේ පැවති යොවුන් ලෝක කුසලාන ක්‍රිකට් තරගාවලියේ දී ශ්‍රී ලංකා වයස අවුරුදු 19න් පහළ ලෝක කුසලාන සංචිතය නියෝජනය කළ මතීෂ පතිරණ Bangla Tigers කණ්ඩායම විසින් මිල දී ගෙන තිබෙනවා. ලසිත් මාලිංගගේ ඉරියව්ව හා සමාන ඉරියව්වකින් පන්දු යැවීම සිදු කරනු ලබන මතීෂ මහනුවර ත්‍රිත්ව විද්‍යාලය හරහා 19න් පහළ කණ්ඩායමට අවතීර්ණ වුනා.
ඒ අනුව මෙවර අබුඩාබි T10 ක්‍රිකට් තරගාවලිය නියෝජනය කිරීමට නියමිත ශ්‍රී ලාංකික ක්‍රීඩකයින්,
- Bangla Tigers – මතීෂ පතිරණ
- Northern Warriors – මහීෂ් තීක්ෂණ, ධනංජය ලක්ෂාන්.
>> තවත් ක්‍රිකට් පුවත් සඳහා පිවිසෙන්න <<
