ටගා පන්නරය ලැබූ හැටි

Steve Waugh
Hamish Blair/Getty Images

1965 වසරේ ජුනි මස 02 වැනිදා ඕස්ට්‍රේලියාවේ නිව් සවුත් වේල්ස් ප්‍රාන්තයේ කැන්ටබරි රෝහලේ දී නිවුන් දරු උපතක් සිදු විය. මෙම නිවුන් දරු උපත ක්‍රිකට් ක්‍රීඩාවට අමරණීය මතකයන් රැසක් ලබා දෙනු ඇතැයි කිසිවෙකු එදා අනුමාන කළේ නැත.

ක්‍රිකට් ක්‍රීඩාවේ යුගයක් වර්ණවත් කළ ග්‍රේග් චැපල්

එය 1970/71 අළුබඳුන තරගාවලියේ දෙවන ටෙස්ට් තරගයයි. එංගලන්ත කණ්ඩායමේ ජෝන් ස්නෝව් බ්‍රිස්බේන් නුවර පැවති

එකිනෙකාට විනාඩි හතරක පරතරයකින් මෙලොව උපත ලද මෙම නිවුන් දරුවන් දෙදෙනාගෙන් වැඩිමහල් දරුවා වූ ස්ටීවන් රොජර් වෝ ටෙස්ට් ක්‍රිකට් ක්‍රීඩාවට එතෙක් මෙතෙක් බිහි වූ අග්‍රගණ්‍යම පුරාවෘත්තයක් ලෙසින් සැලකෙයි.

වෝ නිවුන්නුන්ගේ දෙමාපියන් වූ බෙවර්ලි සහ රොජර් වෝ විවාහ ප්‍රාප්ත වූයේ ඉතාම ළාබාල අවධියේ දී ය. නිව් සවුත් වේල්ස් අධ්‍යාපන දෙපාර්තමේන්තුවේ සේවය කළ බෙවර්ලි සහ බැංකුකරුවෙකු ලෙස කටයුතු කළ රොජර් වෝ ටෙනිස් ක්‍රීඩාවේ අතිදක්ෂයින් දෙදෙනෙකු වූහ. ඒ නිසාම ඉතාම කුඩා අවධියේ දී පවා වෝ නිවුන් සොයුරන්ට ක්‍රීඩාව නුහුරු දෙයක් වූයේ නැත. 

රූපවාහිනිය ඔස්සේ ක්‍රිකට් ඇතුළුව අනෙකුත් ක්‍රීඩා නරඹන්නට මෙන්ම ඒවා අත්හදා බලන්නට වෝ සොයුරන් ඉතාම කුඩා කාලයේ සිට පුරුදු පුහුණු වූහ. රූපවාහිනිය ඔස්සේ තරග නැරඹීමට නොහැකි නම් ඔවුහු අනෙක් විකල්පය වූ ගුවන්විදුලිය තෝරාගත්හ.

පසුකලෙක වෝ පවුලට තවත් සාමාජිකයින් දෙදෙනෙකු එක්වූ අතර රැකියාවක නිරත වෙමින් සිටින දෙමාපියන් දෙදෙනා ස්ටීව් සහ මාක්ගෙන් වඩාත් වගකීම් සහගත හැසිරීමක් බලාපොරොත්තු වූහ.

නිවුන් සහෝදරයින් දෙදෙනෙකු වුවද ස්ටීව් සහ මාක් අතර කුඩා කාලයේ සිටම එකිනෙකා අභිභවා යෑමට තිබුණේ තරගයකි.

අපේ තාත්තාට ෆෝඩ් ෆැල්කන් මෝටර් රථයක් තිබුණා. අපි දෙදෙනාම එය පාවිච්චි කළා. ගමනකට අවශ්‍ය ඉන්ධන ප්‍රමාණය අපි දෙදෙනාම හොඳින් දැන සිටියා. එක් අයෙකු මෝටර් රථය රැගෙන ගොස් පැමිණි පසු ඉන්ධන ප්‍රමාණය යන්තම් වාහනය පාරට ගැනීමට ප්‍රමාණවත් තරමින් ඉතිරි කරනවා. බොහෝ විට ඉන්ධන නොමැතිව මෝටර් රථය මග නැවතී අනෙකා අපහසුතාවයට පත් වූ වාර ගණන අනන්තයි.

අපි දෙදෙනා අතර පිටිය මැද දී එතරම් හොඳ සබඳතාවයක් ඇතිවී නැහැ. බොහෝ දෙනෙක් විමසනවා අපි දෙදෙනාගෙන් හොඳම පිතිකරුවා කවුද කියා.

ස්ටීව් සතුව හොඳ ටෙස්ට් වාර්තාවක් තිබෙනවා. මා සතුව සීමිත පන්දුවාර රටාවේ හොඳ පිතිකරණ වාර්තාවක් තිබෙනවා. පළමුපෙළ තරග පිතිකරණ සාමාන්‍ය අපි දෙදෙනාගේම හුඟාක් සමානයි.

ඉතින් හොඳම පිතිකරුවා කවුද කියන එක තෝරගන්න තරමක් අපහසු කටයුත්තක්. ”  

මාක් තමන් සහ තමන්ගේ නිවුන් සොයුරු ස්ටීව් ගැන මතකය එලෙස අවධි කරයි.

වයස අවුරුදු හතක් වන විට බෑන්ක්ස්ටවුන් වයස දහයෙන් පහළ කණ්ඩායමට ක්‍රීඩා කරන්නට ස්ටීව්ට මෙන්ම ඔහුගේ නිවුන් සොයුරු මාක්ට අවස්ථාවක් ලැබුණි. තමන්ට වඩා තරමක් වැඩිමහලු ක්‍රීඩකයින් රොත්තක් මැද වෝ සොයුරන්ට වැඩියෙන්ම ලැබුණ කාර්‍යභාරය වූයේ පන්දු රැකීමය. 

සෑම අයුරකින්ම පරිපූර්ණ ක්‍රීඩකයින් දෙදෙනෙකු බිහි කිරීමට බෑන්ක්සයිඩ් කණ්ඩායමේ පන්දු රකිමින් ඔවුන් ලබා ගත් අත්දැකීම මිළ කරන්නට අපහසු අන්දමේ වටිනාකමකින් යුක්ත විය.

හොකී පිටියෙන් ක්‍රිකට් පිටියට ස්ලොග් ස්වීප් පහර ගෙන ආ ටේලර්

රොස් ටේලර් නවසීලන්තය වෙනුවෙන් වගකීම තම කරට ගත් ක්‍රීඩකයෙකු බව පසුගිය ඉන්දීය

ක්‍රිකට් ක්‍රීඩාව ගැඹුරින් හැදෑරීමට පසුකලෙක බැරී නයිට් නම් පුහුණුකරුවෙකු වෙත යවනු ලැබූ මුත් වෝ සොයුරන් දෙදෙනාගේ ක්‍රීඩා තාක්ෂණය කිසිම ආකාරයකින් වෙනස් කිරීමට ඔහු කැමති වූයේ නැත. වෝ සොයුරන් දෙදෙනාම සහජ හැකියාවෙන් පරිපූර්ණ බවත් ඔවුන්ගේ ස්වාභාවික ක්‍රීඩා විලාශය වෙනස් කිරීමට අවශ්‍යතාවයක් නැති බවත් නයිට්ගේ මතය විය.

“ඇත්තටම පුහුණුවීම්වලට යනවටත් වඩා පුහුණුවීම්වලින් පසු මැක්ඩොනල්ඩ්ස් වෙත යෑමටයි අපේ අභිප්‍රාය වුනේ.”

තමා සහ තමන්ගේ නිවුන් සොයුරාගේ ක්‍රිකට් පුහුණුවීමට ගිය මතකය ගැන මාක් වෝ පසුකලෙක කීවේ එහෙමය.

තමන් නියෝජනය කළ සෑම වයස් මට්ටමකම සිය ආධිපත්‍යය පතුරවන්නට වෝ සොයුරන් දෙදෙනා සමත් වූහ. තවදුරටත් කැපවන්නට හැකි නම් ක්‍රිකට් ක්‍රීඩාවේ ඉහළටම යන්නට තමන්ට හැකියාවක් ඇති බවත් වෝ සොයුරන් හොඳින්ම දැන සිටියහ.

“මා ඉගෙන ගත් පාසල් කිසිවක් අධ්‍යාපනයට මූලිකත්වය දුන් ඒවා නෙවෙයි. ඒ පාසල්වල ක්‍රීඩාවට තිබුණේ ඉතාම ඉහළ තැනක්. අප දැන සිටියේත් ක්‍රීඩාව ගැන පමණයි.” 

ස්‍ටීව් තමන්ගේ ජීවිතයට ක්‍රීඩාව ගසට පොත්ත මෙන් බද්ධ වී තිබූ ආකාරය පවසන්නේ එහෙමය. නිවුන් සොයුරන් දෙදෙනාගෙන් මාක් අධ්‍යාපනයට තරමක දක්ෂතාවයක් පෙන්වූ නමුත් ස්ටීව් අධ්‍යාපනය වෙනුවෙන් එතරම් දක්ෂතාවයක් දැක්වූයේ නැත.

වයස අවුරුදු දොළහක් වන විට වෝ සොයුරන් ක්‍රිකට් ක්‍රීඩාවෙන් ඉහළ තැනකට යන බව පෙන්නුම් කළ අතර ඔවුන් දෙදෙනාටම උවමනා කළේ එංගලන්තයට ගොස් ක්‍රිකට් ක්‍රීඩා කිරීමටය.

1984 වසරේ දෙසැම්බරයේ ක්වීන්ස්ලන්ත කණ්ඩායමට එරෙහිව පළමුපෙළ වරම් දිනා ගැනීමට ස්ටීව් සමත් විය. මෙම තරගය වෙනුවෙන් වෝ තෝරා ගැනුණේ ඔහුගේ පන්දු යැවීම වෙනුවෙනි.

එම තරගයේ නිව් සවුත් වේල්ස් කණ්ඩායමේ නවවැනි පිතිකරුවා ලෙස පිටියට පිවිසි වෝ ජෙෆ් තොම්සන්ගේ පන්දුවක් කෙළින්ම කඩුල්ලේ වැදී දැවී යනවිට ලකුණු 31ක් රැස් කරගෙන සිටියේය.

එම තරගයේ දී පන්දුවාර විසිතුනක් ක්‍රියාත්මක කළ ස්ටීව් එහි දී ලබා දුන්නේ ලකුණු 34ක් පමණි. කිසිදු කඩුල්ලක් දවා ගැනීමට නොහැකි වුවද මනා පාලනයකින් යුතුව පන්දු යැවීමට ස්ටීව් සමත් විය.

මෙම තරගය ක්‍රියාත්මක වන අතරතුර ප්‍රතිවාදී කණ්ඩායමේ ජෙෆ් තොම්සන් සමඟ වාග් ප්‍රහාරයකට පැටලෙන්නට ද වෝ අමතක කළේ නැත.

තොම්සන්ගේ පන්දුවක් හමුවේ හතරේ පහරක් එල්ල කළ ස්ටීව් පන්දු යවන්නාගේ අන්තයට පැමිණෙන අතරවාරයේ තොම්සන්ට ඇසෙන්නට මෙසේ පැවසුවේය.

” ඒයි, මගේ අන්කල් තමුන්ව මතක් කරන්න කිව්වා”

වෝගේ වදන් ඇසී කෝපාවිෂ්ඨ වූ තොම්සන් කවුද යකෝ තමුසෙගේ අන්කල්” යනුවෙන් පිළිතුරු බැන්දේය.

ජෙෆ් තොම්සන් සිය ක්‍රීඩා දිවිය ආරම්භයේ දී බෑන්ක්ස්ටවුන් ක්‍රීඩා සමාජවලට ක්‍රීඩා කර තිබූ අතර වෝගේ මාමා කෙනෙකු වූ ඩියොන් බෝන් හා තොම්සන් අතර විශේෂ හිතවත්කමක් ගොඩ නැගී තිබුණි.

ගිලීගේ ක්‍රීඩාශීලීත්වය පිටුපස තිබූ අඳුරු පැතිකඩ!

2003 ලෝක කුසලාන ක්‍රිකට් තරගාවලියේ පළමු අවසන් පූර්ව තරගය ශ්‍රී ලංකා කණ්ඩායම සහ ඕස්ට්‍රේලියානු කණ්ඩායම

1985 වසරේ මාර්තුවේ නිව් සවුත් වේල්ස් කණ්ඩායම නියෝජනය කරමින් ක්වීන්ස්ලන්ත කණ්ඩායමට එරෙහිව අගනා ඉනිමක් ක්‍රීඩා කරන්නට ස්ටීව් වෝ සමත් විය.

නිව් සවුත් වේල්ස් කණ්ඩායම අන්ත අසරණ තත්වයකට පත්ව සිටිය දී සිය කණ්ඩායම අසීරුතාවයෙන් ගලවා ගනිමින් ලකුණු 71ක් රැස් කරන්නට වෝ සමත් විය.

ඉනිම නිමා කිරීමෙන් අනතුරුව වෝ සොයා පැමිණි ප්‍රතිවාදී කණ්ඩායමේ ඇලන් බෝඩර් මහත් ඉහළින් වෝගේ ඉනිම අගය කළේය.

ක්වීන්ස්ලන්ත කණ්ඩායමට එරෙහිව වෝගේ සටන්කාමී ඉනිම ඕස්ට්‍රේලියානු තේරීම් කමිටුවේ දෑස් විවර කරවන්නක් විය.

1985/86 තරග වාරය වෙනුවෙන් සංචාරක ඉන්දියානු කණ්ඩායමට එරෙහිව ක්‍රීඩා කරන ඕස්ට්‍රේලියානු කණ්ඩායමේ දොළොස්වැනි ක්‍රීඩකයා ලෙසින් කටයුතු කරන්නට ස්ටීව් වෝ කැඳවන්නට ඕස්ට්‍රේලියානු තේරීම් කමිටුව තීරණය කර තිබුණි. නමුත් අවසාන මොහොතේ ග්‍රේග් රිචීට සිදු වූ ආබාධයක් හේතුවෙන් මෙල්බර්න් නුවර පැවති බොක්සිං දින තරගයේ දී ටෙස්ට් වරම් දිනා ගැනීමට වෝ සමත් විය.

මෙල්බර්න් තරගයේ තම ටෙස්ට් ක්‍රිකට් දිවියේ මංගල ඉනිම ක්‍රීඩා කළ ස්ටීව් වෝට ලබා ගත හැකි වූයේ ලකුණු 13ක් පමණි. ලක්ෂ්මන් සිවරාමක්‍රිෂ්ණන්ගේ පන්දුවකට පොයින්ට් කලාපයේ පන්දු රකිමින් සිටි කපිල් දේව් අතට උඩපන්දුවක් ලබා දී දැවී ගිය වෝට දෙවන ඉනිමේ දී ද රැස් කරගත හැකි වූයේ ලකුණු 05ක් පමණි.

සමහර විට මම ලෑස්ති වෙලා හිටියේ නැති වෙන්න පුළුවන්. බයක් සහ පුදුමයක් මිශ්‍ර හැඟීමක් මට තිබුණේ” වෝ පසුකලෙක තම මංගල ටෙස්ට් ක්‍රිකට් අත්දැකීම ගැන පැවසුවේය.

එතැන් පටන් කණ්ඩායමෙන් ඉවතට විසිවෙමින් ද, යළි කණ්ඩායමට පැමිණෙමින් ද අප්‍රතිහත ධෛර්යයකින් යුතුව ස්ටීව් වෝ නම් විශිෂ්ටයා ක්‍රිකට් ක්‍රීඩාවේ පුරාවෘත්තයක් බවට පත්වන්නට ආ ගමන බොහෝමයකට ආදර්ශයකි.

>> තවත් විශේෂාංග ලිපි සඳහා පිවිසෙන්න <<